Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXV.
1 Amasias forsothe, his sone, regnede for
hym; of fyue and twenty &yogh;eer was Amasias,
whanne he hadde begunne to regnen,
and nyne and twenty &yogh;eer he regnede in
Jerusalem; name of his modir Joiaden,
of Jerusalem.
2 And he dide good in the
si&yogh;te of the Lord, neuer the later not in
perfijt herte.
3 And whanne he saw&yogh; the
empyre strengthed to hym, he kutte the
seruauntis throtis, that slewen his fadir
the kyng;
4 bot the sonus of hem he slew&yogh;
not; as it is writen in the boke of the
lawe of Moyses, where the Lord comaundide,
seyinge, The fadirs schul not
ben slayn for the sonus, ne the sonus for
their fadirs; bot echone in his synne
schal dyen.
5 Thanne Amazias gaderde
Judam, and ordeynede hem by meynees
leders of thousandis and maystris of hundrithis,
in al Juda and Beniamyn; and
he tolde fro twentye &yogh;eer and aboue, and
he fonde thritty thousande of &yogh;onge men,
that my&yogh;ten gon out to fi&yogh;ten, and holden
spere and terget.
6 Also by meed he hyred
of Irael an hundrith thousand of stronge
men, for an hundrith talentis of syluer,
that thei schulden fi&yogh;ten a&yogh;einus the sonus
of Edom.
7 There came forsothe to hym
a man of God, and seith, O! kyng, go not
out with thee the hoost of Irael; forsothe
the Lord is not with Irael and
with alle the sonus of Effraym;
8 that &yogh;if
thou weenist in strengthe of hoost batails
to stonden, the Lord schal maken thee
to ben ouercommen of enmyes; of God
forsothe is to helpen, and in to fli&yogh;t to
turnen.
9 And Amazias seide to the man
of God, What thanne schal be done of
the hundrith talentis, that I &yogh;af to the
kny&yogh;tis of Irael? And the man of God
-- --
answerde, The Lord hath, wherof he may
&yogh;eue to thee many mo thanne these.
10 And
so Amazias seuered the hoost that came
to hym of Effraym, that he schulde
turnen a&yogh;eyn in to his place; and thei,
a&yogh;einus Judam hugely wratthed, ben turnede
a&yogh;ein in to their regyoun.
11 Bot Amazias
trustily ladde out his puple, and
wente in to the valeye of salt places, and
he smote the sonus of Seyr, tenn thousand.
12 And other tenn thousand of men
token the sonus of Juda, and brou&yogh;ten to
an hee&yogh;e fallynge place of a maner stoon;
and thei tumbleden hem doun fro the
cop in to the lowest; the whiche al tobrosten.
13 And that hoost that Amazie
sente a&yogh;ein, that it &yogh;eede not with hym
in to batayle, is helde out in the cytees of
Juda fro Samarie and to Betheron; and,
thre thousand sleen, he deuydide myche
preye.
14 Amazias also after the slau&yogh;ter
of Ydumes, the brou&yogh;t to goddis of the
sonis of Seyr, he sette hem in to goddis
to hym, and he honourede hem, and to
hem he brende ensence.
15 For what thing
the Lord wroth a&yogh;eynst Amazie, he sente
to hym a prophete, that schulde sey to
hym, Why hast thou honourede goddis
that han not delyuerde their puple fro
thin hond?
16 And whanne these thingus
he schulde speken, he answerde to hym,
Whether ert thou the counseylere of the
kyng? rest, lest perauenture I slee thee.
And so the prophete goynge aweye, I
woote, he seith, that the Lord hath
thou&yogh;te to sleen thee; for thou hast don
this yuel, and ferthermore thou hast not
assentide to my counseyle.
17 Thanne Amazias,
king of Juda, the werst counseil gon
in, sente to Joas, the sone of Joachas, sone
of Hieu, the king of Irael, seyinge, Cum,
-- --
see we us to gyder.
18 And he sente a&yogh;ein
messagers, seyinge, The thistil that is in
Liban sente to the cedre of Liban, seyinge,
&YOGH;eue thi dou&yogh;ter wijf to my sone;
and loo! the bestis that weren in the
wode of Liban wenten and to-treden the
thistil.
19 Thou seidist, I haue smyten Edom,
and therfore thin hert is rered in to
prid; sitt in thi hous; why euyl stirrist
thou a&yogh;einus thee, that thou falle, and
Juda with thee?
20 Amazias wolde not
heeren, for thi that the wille of the Lord
was, that he schulde ben taken in the
hondes of the enmyes, for the goddis of
Edom.
21 Thanne Joas, kyng of Irael,
stei&yogh;ide up, and thei &yogh;euen to hem silf
beholdingis either to other. Amazias
forsothe, kyng of Juda, was in Bethsames
of Juda;
22 and Juda felle beforn
Irael, and flei&yogh; in to his tabernaclis.
23 Forsothe
Joas, kyng of Irael, toke Amaziam,
kyng of Juda, sone of Joas, sone of Ochosie,
in Bethsames, and brou&yogh;t in to Jerusalem;
and distruyde the wallis of it fro
the &yogh;ate of Effraym vnto the &yogh;ate of the
corner, in foure hundrith cubitis.
24 And
al the gold and the syluer, and alle the
vessels that he founde in the hous of the
Lord, and anentis Obededom, in the tresories
and of the kyngis hous, also and
the sonus of taken to prisoun he brou&yogh;te
in to Samarie.
25 Forsothe Amazias, the
sone of Joas, kyng of Juda, lyuede, after
that Joas, the sone of Joachaz, kyng of
Irael, is deed, fyfteen &yogh;eer.
26 The remnaunt
forsothe of the wordis of Amazie,
the rather and the last, ben writen in the
boke of the kingus of Juda and of Irael.
27 The whiche after that he wente awei fro
-- --
the Lord benten to hym buschmentis in
Jerusalem; and whanne he hadde flowen
to Lachis, thei senten and slewen hym
there;
28 and bryngynge a&yogh;ein vpon hors,
biryeden hym with his faders in the citee
of Dauid.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
