Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XX.
1 Aftir these thinges ben gedered the
sonis of Moab, and the sonis of Amon, and
with hem of the Ydumes, to Josaphath,
that thei fi&yogh;ten a&yogh;einus hym.
2 And messagers
camen, and scheweden to Josaphath,
seying, Ther is comen a&yogh;eins thee
a grete multitude fro thes places that ben
be&yogh;onde the see, and of Cyrie; and, lo!
thei ben in Azozonthamar, that is of
Engaddi.
3 Josaphath forsothe, for drede
agast, al &yogh;af hym self to preyen the Lord,
and prechide fastyng to al Juda.
4 And
Juda is gadered to preye the Lord, bot
and alle of their cytees camen to besechen
hym.
5 And whanne Josaphath
hadde stonden in the mydil company of
Jude and Jerusalem, in the hous of the
Lord,
6 before the newe porche, and seith,
Lord God of oure fadirs, thou art God
in heuen, and thou lordschipist to alle
rewmes of gentilis; in thin hond is
strengthe and my&yogh;t, ne eny man may to
thee a&yogh;eyn stonden.
7 Whether not thou,
oure God, hast slayn alle the dwellers of
this lond before thi puple Irael, and
hast &yogh;euen it to the seed of Abraham, thi
frende, in to euermore?
8 And thei dwelliden
in it, and maden out in it a seyntuarie
to thi name,
9 seyinge, &YOGH;if euyls
commen vpon us, swerde of dome, of
pestilence, and hungur, we schul stonden
before this hous in to euermore in thi
si&yogh;te, in the whiche is inwardly clepid
thi name, and we schul crien to thee
-- --
in oure tribulaciouns; and thou schalt
heeren us, and maken us saaf.
10 Nowe
thanne see, sonus of Amon and of Moab
and the hil of Seyr, by whome thou
grauntidist not to the sonus of Irael that
thei schulden passe, whann they wenten
out fro Egipt, bot thei boweden aside fro
hem,
11 and thei slowen hem not, a&yogh;einward
thei don, and enforsen to kasten us
out fro the possessyoun,
12 that thou, oure
God, hast taken to us; thanne schalt thou
not demen hem? In us forsothe is not so
myche strengthe, that we mown to this
multitude with stonden, that fallith vpon
us; bot whanne we vnknowen what we
owen to don, that oonly we han of residue,
that oure ee&yogh;en we dressen up to
thee.
13 Al forsothe Juda stood before the
Lord, with litil childre and wijues and
their free childre.
14 Forsothe there was
Yaziel, the sone of Sacharie, sone of Ananye,
sone of Hieyel, sone of Machanye,
Leuyte, and of the sonus of Asaph, vpon
whome is maad the Spirit of the Lord in
mydil of the puple,
15 and seith, Takith
heede, al Juda, and that dwellen in Jerusalem,
and thou, kyng Josaphath, thes
thingus seith the Lord to &yogh;ou, Willith not
dreeden this multitude, ne taken ferd, it
is not forsothe &yogh;our fi&yogh;t, bot of God.
16 To
morowe &yogh;e schul stey&yogh;en up a&yogh;einus hem;
forsothe thei ben to stei&yogh;en up bi the
pich hil, Cis by name, and &yogh;e schul
fynden hem in the ouermest of the
streme, that is a&yogh;einus the wildernesse of
Jheruel.
17 Forsothe &yogh;e schul not ben, the
whiche schul fi&yogh;ten; bot onely tristely
stondith, and &yogh;e schul seen the help of
the Lord vpon &yogh;ou. O Juda and Jerusalem,
willith not dreeden, ne takith ferd;
to morowe &yogh;e schul goon out a&yogh;eynus hem,
-- --
and the Lord schal ben with &yogh;ou.
18 Josaphath
thanne, and Juda, and alle the
dwellers of Jerusalem, fellen bowed in to
the erth before the Lord, and honoureden
hym.
19 Bot the Leuytis of the sonus of
Caath, and of the sonus of Chore, preyseden
the Lord God of Yrael with a grete
voice in to hei&yogh;t.
20 And whann erly thei
hadden risen, they wenten out by the desert
of Thecue; and, hem goon forth, Josaphath
stonding in the mydil of hem,
seide, Heerith me, Juda and alle the
dwellers of Jerusalem; beleeuith in the
Lord &yogh;oure God, and &yogh;e schul ben syker;
leeuith to the prophetis of hym, and alle
thingus schul commen welsum.
21 And he
&yogh;af counseil to the puple, and he sette
the syngers of the Lord, that they schulden
preysen hym in their companyes, and
that thei schulden gon before the hoost,
and with cordaunt voice thei schulden
seyn, Knowlecheth to the Lord for good;
for in to the world the mercy of hym.
22 And whanne thei hadden begunne preysyngis
to syngyn, the Lord turned the
buschementis of hem in to hem silf, of
the sonus, that is, of Amon and Moab and
of the hil of Seyr, the whiche wenten out
to fi&yogh;ten a&yogh;einus Judam, and ben smyten.
23 Forsothe the sonus of Amon and of Moab
rysen to gydre a&yogh;einus the dwellers of the
hyl of Seyr, that they schulden slen, and
done awey hem; and whanne that in dede
thei hadden fulfild, also in to hem selue
turned thei smyten to gider in woundes
either in other.
24 Bot whanne Juda was
commen to the denn, that beholdith wildernesse,
he saw&yogh; aferre al the regyoun
abrood ful of careyns, ne to ben ouer laft
eny man, `the whiche hadde mou&yogh;t to
scapen the deth.
25 Thanne Josaphath came,
and al the puple with hym, to the spoylis
of the deed to ben drawen awey, and
-- --
thei founden betwene the careynes dyuerse
necessarie, and clothes, and vessels
most precious; and thei breeken on two,
so that alle they mi&yogh;ten not beren, ne bi
thre days the spoyles taken awey, for the
mychilnesse of the preye.
26 The ferth forsothe
day thei ben gadered in the valey
of Blessynge; forsothe for ther thei blissiden
to the Lord, thei clepiden that place
the valey of Blessynge in to the present
day.
27 And eche man of Juda is turned
a&yogh;ein, and the dwellers of Jerusalem, and
Josaphath beforn hem, in to Jerusalem
with grete ioye; forthi that the Lord
hadde &yogh;euen to hem ioye of their enmyes.
28 And thei wenten in to Jerusalem with
sawtrees, and harpis, and trumpis, in to
the hous of the Lord.
29 Forsothe inward
ferd of the Lord fel vpon alle the rewmes
of londis, whanne thei hadden herd, that
the Lord hadde fou&yogh;ten a&yogh;einus the enmyes
of Irael.
30 And the rewme of Josaphath
hadde reste; and the Lord &yogh;aue to hym
pese by enuyroun.
31 Thanne Josaphath
regnede vpon Judam; and he was of fyue
and thritty &yogh;eer, whanne he beganne to
regnen; forsothe twenty and fyue &yogh;eer
he regned in Jerusalem; and name of
his modir Azuba, the dou&yogh;ter of Selathy.
32 And he wente in the wey of his fadir
Aza, and he bowide not fro it, doynge
what euer thingus weren plesaunt before
the Lord.
33 Neuer the later the hee&yogh;e
thingus he dide not awey; &yogh;it the puple
hadden not dressid their hert to the Lord
God of their fadirs.
34 The remnaunt forsothe
of the deedis of Josaphath, of the
rather and of the last, ben writen in the
bokis of Hieu, the sone of Anany, the
whiche he discriued in the boke of the
-- --
kyngis of Yrael.
35 After thes thingus Josaphath,
kyng of Juda, wente in frenschippes
with Ochosie, the king of Yrael,
whos werkes weren werst,
36 and parcener
was that thei schulden maken schippis,
that schulden gon in to Tharsis; and
thei maden a nauee in Aziongaber.
37 Forsothe
Heliezer, the sone of Doden, of
Mareza, prophecyede to Josaphath, seyinge,
For thou haddist couenaunt of pese
with Ochosia, the Lord smote thi werkes;
and the schippes ben to-broken, and they
my&yogh;ten not gon in to Tharsis.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|