CAP. IX.
1 Thanne alle Yrael is noumbred, and
the summe of hem writen in the boke
of the kyngis of Yrael and of Juda; and
thei ben translatid in to Babyloyne for
their trespasse.
2 Whiche forsothe dwelliden
first in their cytees, and in the possessiouns
of Yrael, and prestis, and Leuytis,
and Nacheneis,
3 dwelliden in Jerusalem.
Of the sonys of Juda, and of the
sonys of Beniamyn, of the sonys forsothe
of Effraym, and of Manasse;
4 Ose, the
sone of Ameud, sone of Zemri, sone of
Omroy, sone of Bonny, of the sonys of
Phares, sone of Juda;
5 and of Cilon,
Josia, the first goten, and the sonys of
hym;
6 of the sonis forsothe of Saray,
Heuel, and the bretheren of hem; sexe
hundreth and nynty.
7 Forsothe of the
sonys of Beniamyn; Salo, the sone of
Mosollam, sone of Odoia, sone of Azana,
and Jobanya,
8 sone of Jeroam, and Ela,
the sone of Osy, sone of Mochosy, and
Mosollam, the sone of Safazie, sone of
Rahuel,
9 sone of Jebanye, and the bretheren
of hem, bi their meynes; nyne hundreth
and sixe and fyfty. Alle thes the
princis of their kynredis by the housis of
-- --
their fadirs.
10 Of the prestis forsothe,
Joiada, Josarib, and Jachym;
11 Azarias
forsothe, the sone of Elchie, sone of Mosollam,
sone of Sadoch, sone of Maraioth,
sone of Achitob, the bischop of the hous
of the Lord.
12 Forsothe Adayas, the sone
of Jeroam, sone of Fasor, sone of Melchia,
and Mazaya, the sone of Adihel,
sone of Jezra, sone of Mosollam, sone
of Mosellamoth,
13 sone of Emyner, the
bretheren forsothe of hem, princis bi
their meynes, a thousand seuen hundrith
and seuenty, most stronge men bi
streyngth, to don the werc of the seruyse
in the hous of the Lord.
14 Of the Leuytis
forsothe, Semeia, the sone of Assub, sone
of Ezricham, sone of Azebny, of the sonys
of Merery;
15 Bathacar forsothe carpenter,
and Galabeth, and Machama, the sone of
Mycha, sone of Zechry, sone of Asaph,
and Obdias,
16 the sone of Semeie, sone of
Calaal, sone of Ydytym, and Barachia,
the sone of Asa, sone of Helchana, that
dwellide in the porchis of Methofatite.
17 The porters forsothe, Sellum, and Acub,
and Thelmon, and Achymam, and the
bretheren of hem;
18 Sellum prince; vnto
that tyme in the &yogh;ate of the kyng at the
est, thei kepten by ther whilis of the
sonys of Leuy.
19 Sellum forsothe, the
sone of Chore, sone of Abiasaph, sone of
Chore, with his britheren, and the hous
of his fadir; thes ben Choritis vpon the
werkis of the seruyce, kepers of the
vestiaryes of the tabernacle, and the
meynees of hem be whilis kepynge the
entre of the tentis of the Lord.
20 Phynees
forsothe, the sone of Eliazar, was duyke
of hem beforn the Lord.
21 Forsothe Zacharye,
the sone of Mosollam, portere
of the &yogh;ate of the tabernacle of witnessynge.
22 Alle thes chosen `in to vsscheris
by &yogh;atis two hundrith and twelue, and
discryued in propre townys, whome ordeyneden
Dauid and Samuel, seeynge in
-- --
his feith,
23 bothe hem and the sonys of hem
in the dores of the hous of the Lord, and
in the tabernacle of witnessyng, be their
whilis.
24 By foure wyndis weren the
vsscheris, that is, at the este, and at the
weste, and at the northe, and at the
southe.
25 The bretheren forsothe of hem
dwellide in lityl townys, and thei camen
in their sabotis fro tyme vnto tyme.
26 To
thes foure Leuytis was bitaken al the
noumbre of porters, and thei weren kepinge
pryue housis, and the tresours of
the hous of the Lord.
27 By enuyroun forsothe
of the temple of the Lord thei
dweliden in their wardis, that whanne
tyme were, thei erly schulden opynen the
&yogh;atis.
28 And of the kynrede of hem weren
vpon the vesselis of the seruyse; at noumbre
forsothe the vesselis weren brou&yogh;t in,
and of hem brou&yogh;t out.
29 And the whiche
hadden be tau&yogh;t alle the necessaries of
the seyntuarye, weren bifore to the tried
flour, and to the wijne, and to the oyle,
and to the encense, and to the swote
spyces.
30 The sonys forsothe of prestis
maden oynmentis of swote spices.
31 And
Mathatias Leuyte, the first goten of Sellum
Chorite, was maystir of alle thingis
that weren fryed in the fryinge panne.
32 Forsothe of the sonis of Caath, the bretheren
of hem, weren vpon the loouys
of proposicyoun, that euermore newe by
eche sabot thei schulden maken redy.
33 Thes ben the princis of syngers by the
meynes of Leuytis, that dwelliden in
priue chaumbris, so that day and ny&yogh;t
contynuely thei seruen in ther seruyse.
34 The heuedis of Leuytis bi their meynes,
princis, dwelliden in Jerusalem.
35 In Gabaon
forsothe thei dwelliden to gydre;
the fadir of Gabaon, Rayel, and the
name of his wijf, Macha;
36 the first goten
sone of hym Abdon, and Sur, and Ciz,
and Baal,
37 and Ner, and Nadab, Jedor
-- --
forsoth, and Hayo, and Zacharias, and
Macelloth;
38 forsothe Macelloth gat Cemmaa;
thes dwelliden for a&yogh;eynst their
bretheren in Jerusalem, with their bretheren.
39 Ner forsothe gat Ciz, and Ciz
gat Saul, and Saul gat Jonathan, and
Melchisue, and Abynadab, and Hisbaal.
40 The sone forsothe of Jonathan, Miribaal,
and Miribaal gat Mycha.
41 Forsothe the
sonys of Mycha; Phiton, and Maleth,
and Thara;
42 Aaz forsothe gat Jara, and
Jara gat Alamath, Asmoth, and Zamry;
and Zamri gat Moosa,
43 Moosa gat Baana,
whos sone Rephaya gat Elesa, of whome
is borne Hezel.
44 Forsothe Hezel hadde
sixe sonys in thes names, Hezricham,
Bothru, Hizmael, Saria, Obdia, Anan;
thes the sonys of Hezel.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
