Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. X.
1 Philisteis forsothe fou&yogh;ten a&yogh;einus Yrael,
and the sonys of Yrael flowen Palestynes,
and woundide thei fellen in the hil of
Jesboe.
2 And whenn Philisteis hadden
ney&yogh;id pursuynge Saul and his sonys,
thei smyten Jonathan, and Abynadab,
and Melchisue, the sonys of Saul.
3 And
the batayle is agreggid a&yogh;eins Saul; and
ther founden hym men scheters, and
woundiden with dartis.
4 And Saul seyde
to his squyer, Draw&yogh;e out thi swerd, and
slee me, lest perauenture the vncircumcidid
commen, and scorne to me. Forsothe
his squyer wolde not done that,
by dreed agast; thanne Saul cau&yogh;te a
swerde, and felle in it.
5 The whiche
whanne his squyer hadde seen, that is,
Saul to ben deed, also he felle in to his
swerde, and is deed.
6 Thanne Saul died,
and his thre sonys, and al the hous of
hym to gydre fel.
7 The whiche thing
whan the men of Yrael hadden seen, that
dwelliden in the wijlde feeldis, flowen;
and Saul and his sonys deed, they forsoken
-- --
their cytees, and hidir and thidir
ben scatered; and Philisteis camen, and
dwelliden in hem.
8 Thanne the tother
day the Philisteis drawynge aweye the
spuylis of the slayn men, founden Saul
and his sones lyinge in the hil of Jelboe.
9 And whanne thei haden spuylid hym,
and gird of the heued, and nakenyd fro
armys, thei senten in to their lond, that
he schuld be born about, and be schewid
to the templis of mawmetis and peplis;
10 the armys forsothe of hym thei sacriden
in the temple of their god, and the heued
thei fitchiden in the temple of Dagon.
11 That thing whan the men of Jabes Galaad
hadden herd, that is, alle thingis
that the Philisteis dyden vpon Saul,
12 echon
of the stronge men rysen to gyder, and
token the careyns of Saul and his sonys,
and brou&yogh;ten hem in to Jabes, and birieden
the bones of hem vndir an ook, that
was in Jabes; and thei fastiden seuen
days.
13 Thanne Saul is deed for his wickidnessis,
for thi that he brake the maundement
of the Lord, that he hadde comaundide,
and kept it not, bot ouermore
also he councelide a wytche,
14 and hopid
not in the Lord; and for the whiche
thing he slew&yogh; hym, and translatyde the
rewme of hym to Dauid, the sone of
Ysay.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|
