Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XXIV.
1 In his days of stey&yogh;ide up Nabugodonosor,
kyng of Babyloyne, and Joachym
is maad to hym seruaunt three
&yogh;eer; and eft he rebellide a&yogh;eynus hym.
2 And the Lord sente in to hym lytyll
theuis of Caldeys, and lytyll theuis of
Cyrye, and lytyl theuis of Moab, and
lytil theuis of the sonys of Amon; and
-- --
he in sente hem in to Judam, that he
scatere hym, aftir the word of the Lord,
that he hadde spoken bi his seruauntis
prophetis.
3 This forsothe is done by the
word of the Lord a&yogh;eyns Judam, that he
do it aweye beforne hym, for the synnes
of Manasses, and alle thingis that he
dyde,
4 and for the gyltles blode that he
schedde; and he fulfillide Jerusalem with
the blode of innocentis; and for this thing
the Lord wolde not be plesid.
5 The remnaunt
forsothe of the wordis of Joachym,
and alle thingis that he dyde, whether
thes ben not writen in the boke of the
wordis of days of kyngis of Juda?
6 And
Joachym slepte with his fadirs, and
Joachym, his sone, regned fore hym.
7 And the kyng of Egipt addide no more,
that he schulde goon out fro his lond;
forsothe the kynge of Babyloyne hadde
taken, fro the ryuer of Egipt vnto the
flode of Eufraten, alle thingis that weren
of the kyng of Egipt.
8 Of tenn and ei&yogh;t
&yogh;eer was Joachym, whanne he hade begunne
to regnen, and three monethis he
regned in Jerusalem; name of his modir,
Naessa, dou&yogh;ter of Elnathan of Jerusalem.
And he dyde euyl beforn the Lord,
9 aftir
alle thingis that his fadir hadde done.
10 In that tyme stey&yogh;ide up the seruauntis
of Nabugodonosor, kyng of Babyloyne, in
to Jerusalem, and the cyte is enuyround
with streyngthingis.
11 And Nabugodonosor
came, the kyng of Babiloyne, to
the cyte with his seruauntis, that they
ouercommen it.
12 And Joachym, kyng of
Juda, wente out to the kyng of Babiloyne,
he, and his modir, and his
seruauntis, and his princis, and his
geldyngis; and the kyng of Babyloyne
toke hym, the ei&yogh;tithe &yogh;eer of his regne.
13 And he brou&yogh;te thens alle the tresoures
-- --
of the hous of the Lord, and the tresoures
of the kingis hous; and he heew&yogh;
to gydre alle the golden vessels, that Salomon,
kyng of Yrael, hade maad in the
temple of the Lord, aftir the word of the
Lord.
14 And he translatide al Jerusalem,
and alle the princis, and alle the stronge
men of the hoost, tenn thousand, in to
caytyfte, and alle craftise men, and enclosere;
no thinge is laft, out take the
pore puple of the lond.
15 Joachym forsothe
he translatyde in to Babyloyne,
and the kyngis modir, and the kyngis
wijf, and the kyngis geldyngis; and the
domysmen of the lond he ladde in to
caytifte fro Jerusalem in to Babiloyne;
and alle the stronge men,
16 seuen thousand;
and craftise men and enclosers, a
thousand; alle stronge men and fi&yogh;ters;
and the kynge of Babiloyne ladde hem
caytyfe in to Babyloyne.
17 And he sette
Mathathiam, his vncle, for hym; and he
putte on a name to hym Sedechie.
18 The
oon and twentithe &yogh;eer of age hadde
Sedechias, whanne he hadde begunne to
regnen, and elleuen &yogh;eer he regnede in
Jerusalem; name of his modir was Amychal,
dou&yogh;tir of Jeremye of Lobna.
19 And
he dyde euyl byfore the Lord, aftir alle
thingis that Joachym hadde done.
20 Forsothe
the Lord wrathede a&yogh;einus Jerusalem
and Judam, to the tyme that he
threw&yogh; hem aweye fro his face; and
Sedechie wente aweye fro the kyng of
Babiloyne.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|