Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XV.
1 The seuen and twentithe &yogh;eer of Jeroboam,
kyng of Yrael, regned Azarie, the
sone of Amazie, kyng of Juda;
2 of sextene
&yogh;eer he was, whanne he begane to
regnen, and two and fyfty &yogh;eer he regnede
in Jerusalem; name of his modir,
Jecelia of Jerusalem.
3 And he dyde that,
that was plesaunt beforn the Lord, aftir
alle thingis that Amazias, his fadir, hadde
-- --
done;
4 neuer the latre the hee&yogh;e thingis
he distruyde not; &yogh;it the puple sacrifiside,
and brent encense in hei&yogh;tis.
5 The
Lord forsothe smoote the kyng, and he
was messel vnto the day of his deth; and
he dwellede in the hous freely asyde.
Joathas forsoth, the kyngis sone, gouernde
the paleys, and he demyde the
puple of the lond.
6 The remnaunt forsothe
of the wordis of Azarie, and alle
thingis that he dyde, whether not thes
ben writen in the boke of the wordis of
the days of kyngis of Juda?
7 And Azarie
slepte with his fadirs; and they birieden
hym with his moris in the cytee
of Dauith; and Joathas, his sone, regnede
for hym.
8 The ei&yogh;t and thrittithe &yogh;eer of
Azaria, kyng of Juda, regnede Zacharie,
the sone of Jeroboam, vpon Yrael in Samarie
sexe monethis.
9 And he dyde that,
that was euyl beforn the Lord, as his
fadirs dyden; he wente not aweye fro
the synnes of Jeroboam, the sone of Nabath,
the maad Yrael to synnen.
10 Forsothe
Sellum, the sone of Jabes, in Samarye
coniurede a&yogh;enus hym; and he
smoot hym opynly, and slew&yogh;, and regnede
for hym.
11 The remnaunt forsothe of
the wordis of Zacharie, whether not thes
ben writen in the boke of the wordis of
the days of the kyngis of Yrael?
12 This
is the word of the Lord, that he spake to
Hieu, seyinge, Thi sonys vnto the ferth
generacioun schul sytten of thee vpon
the trone of Ysrael; and it is done so.
13 Sellum, the sone of Jabes, regnede the
nyne and thrittithe &yogh;eere of Azarie, kyng
of Juda; he regnede forsothe oon monethe
in Samarye.
14 And Manaheu, the sone of
Gaddy, stey&yogh;ide up fro Tharsa, and came
in to Samarie; and smoot Sellum, the
sone of Jabes, in Samarye, and slew&yogh;
hym, and regnede for hym.
15 The remnaunt
forsothe of the wordis of Sellum,
-- --
and his coniuracyoun, by the whiche he
bente buschementis, whether not thes ben
writen in the boke of the wordis of the
days of the kyngis of Yrael?
16 Than
Manaheu smoot Thersam, and alle that
weren in it, and his termys fro Thersa;
forsothe they wolden not openen to hym;
and he slew&yogh; alle the wymmen of it with
childe, and kutte hem.
17 The nyne and
thrittithe &yogh;eer of Azarie, kyng of Juda,
regnede Manaheu, the sone of Gaddi,
vpon Yrael tenn &yogh;eer in Samarie.
18 And
he dydde that, that was euyl beforn the
Lord; and he wente not aweye fro the
synnes of Jeroboam, the sone of Nabath,
that maad Yrael to synnen.
19 Alle the
days of hym came Phul, the kyng of
Assiries, in Thersa. And Manaheu gaue
to Phul a thousand talentis of syluer,
that he were to hym in to help, and that
he fasten his rewme;
20 and Manaheu comaundid
syluer vpon Yrael to alle the
my&yogh;ty and to the ryche, that he schulde
&yogh;eue to the kyng of Assiries; fyfty ciclis
of syluer, thoru&yogh; oute alle &yogh;eeris; and
the king of Assiries is turned a&yogh;ein, and
dwellide not in Therse.
21 The remnaunt
forsothe of the wordis of Manaheu, and
alle thingis that he dide, whether not
these ben writen in the boke of the
wordis of the days of the kyngis of
Yrael?
22 And Manaheu slepte with his
fadirs; and Phasaya, his sone, regnede for
hym.
23 The fyftythe &yogh;eer of Azaria, kyng
of Juda, regnede Phasaye, the sone of
Manaheu, vpon Yrael in Samarye two
&yogh;eer.
24 And he dyde that, that was euyl
before the Lord; and he wente not aweye
fro the synnes of Jeroboam, the sone of
Nabath, that maad Yrael to synnen.
25 Forsothe
Phacee, the sone of Romelie, duyk
of his hoost, coniurede a&yogh;eyn hym, and
smoote hym in Samarye, in the toure of
the kyngis hous, bisydis Argob, and bisidis
Arib, and with hym fyfty men of
the sonis of Galaditis; and he slew&yogh; hym,
-- --
and regnede for hym.
26 The remnaunt forsothe
of the wordis of Phasaye, and alle
thingis that he dyde, whether thes ben
not writen in the boke of the wordis of
the days of the kyngis of Yrael?
27 The
two and fyftithe &yogh;eer of Azarie, kyng of
Jude, regnede Phacee, the sone of Romelie,
vpon Yrael in Samarye twenty &yogh;eer.
28 And dydde that, that was euyl beforn the
Lord; and he wente not aweye fro the
synnes of Jeroboam, the sone of Nabath,
that maad Yrael to synnen.
29 In the days
of Phacee, kyng of Yrael, came Theglath
Falasar, the kyng of Assur, and toke
Ayon, and Aybel, the hous of Maacha,
and Janoe, and Cedes, and Asor, and Galaad,
and Galilee, and al the lond of
Neptalym; and translatyde hem in to
Assiries.
30 Forsothe Osee, the sone of
Hela, coniurede, and bende busschementis
a&yogh;eyns Phacee, the sone of Romelie, and
smoote hym and slew&yogh;; and for hym
regned, the twentithe &yogh;eer of Jonathan,
the sone of Osee.
31 The remnaunt forsothe
of the wordis of Phacee, and alle
thingis that he dyde, whether thes ben
not writen in the boke of the wordis of
the days of the kyngis of Yrael?
32 The
secounde &yogh;eer of Phacee, the sone of Romelye,
kyng of Yrael, regnede Joathan,
the sone of Osee, kyng of Juda;
33 of fyue
and twenti &yogh;eer he was, whanne he byganne
to regnen, and sixtene &yogh;eer he
regned in Jerusalem; name of his modir
Cerusa, the dou&yogh;tir of Sadoch.
34 And he
dyde that, that was plesaunt beforn the
Lord; aftir alle thingis that hadde done
Oseas, his fadir, he wrou&yogh;t;
35 neuerthelatre
the hei&yogh;tis he dyde not aweye; &yogh;itt the
puple offred, and brent encense in hei&yogh;tis;
he bylde up the altherhee&yogh;ist &yogh;aat of the
hous of the Lord.
36 The remnaunt forsothe
of the wordis of Joathan, and alle
the thingis that he dyde, whether thes
ben not writen in the boke of the wordis
of the days of the kyngis of Juda?
37 In
-- --
tho days byganne the Lord to senden
into Judam Rasym, the kyng of Cyrye;
and Phacee, the sone of Romelie.
38 And
Joathan slepte with his fadirs, and is
biryed with hem in the cytee of Dauid,
his fadir; and Achaz, his sone, regnede
for hym.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|