Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
To look up a word in a dictionary, select the word with your mouse and press 'd' on your keyboard.
CAP. XI.
1 Athalia forsothe, the modir of Ochosie,
see&yogh;inge hyre sone deed, roos, and slew&yogh;
alle the kyngis seede.
2 Forsothe Jozaba,
the dou&yogh;tir of kyng Joram, the sister of
Ochosie, takynge Joas, the sone of Ochosie,
staal hym fro the myddis of the sonis
of the kyng, that weren slayn; and his
-- --
nurische fro the chaumbre of three beddis;
and sche hydde hym fro the face of
Athalie, that he were not slayne.
3 And
he was with hyre in the hous of the
Lord priuely sex &yogh;eer. Forsothe Athalie
regnede vpon the lond sex &yogh;eer.
4 The seuenth
forsothe &yogh;eer Joiada sente, and takynge
rewlers of hundrethis, and kny&yogh;tis,
and brou&yogh;te in to hym in to the temple
of the Lord; and he couenauntyde with
hem a couenaunt of pese, and, adiurynge
hem in the temple of the Lord, schewide
to hem the sone of the kynge.
5 And he
comaundide to hem, seyinge, This is the
word, the whiche &yogh;e owe to done;
6 the
thrydde partye of &yogh;ou go in the saboth,
and keep he wele the watchis of the hous
of the kyng; the thrydde forsothe party
be at the &yogh;ate of Seir; and the thridde
party be at the &yogh;ate that is bihynde the
dwellynge place of the scheld bereris;
and &yogh;e schulen kepen the watchis of the
hous of Messa.
7 Two forsothe partyes of
&yogh;ou alle goynge oute the saboth, keepen
thei the watchis of the hous of the Lord
aboute the kynge.
8 And &yogh;ee schul `setten
hym aboute, hauynge aarmys in &yogh;oure
hondis; and &yogh;if eny man comme with in
the purseynt of the temple, be he slayn;
and &yogh;e schul ben with the kynge commynge
in and goynge out.
9 And the
keepers of hundrethis dyden aftir alle
thingis that Joiada, the prest, hadde comaundide
to hem; and ech takynge their
men that wenten in to the saboth, with hem
that wenten out fro the saboth, camen to
Joiada, the prest.
10 The whiche &yogh;aue to hem
the speris, and the armys of kyng Dauid,
that weren in the hous of the Lord.
11 And eche stoden hauynge aarmys in
their hond, fro the ri&yogh;t partye of the
temple vnto the left paartye of the auter
and of the hous, aboute the kynge.
12 And
-- --
he brou&yogh;t forthe the sone of the kyng,
and putte vpon hym a dyademe, and witnessynge;
and thei maden him king, and
anoynteden; and, ioyinge with the hondis,
seyden, Lyue the kyng!
13 Forsothe Athalia
herde the voice of the puple rennynge,
and goon in to the peplis in to
the temple of the Lord,
14 sche saw&yogh; the
kyng stondinge vpon the chayer aftir the
maner, and syngers, and companyes besidis
hym, and alle the puple of the lond
glaadinge, and syngynge with trompis.
And sche kytt hyre clothis, and cryede,
Coniuracioun! coniuracioun!
15 Forsothe
Joiada comaundide to the rewlers of hundrethis,
that weren vpon the hoost, and
seith to hem, Leedith hyre out of the
purseyntis of the temple; and who so
euer folewith hyre, be he smyten with a
swerde. Forsothe the prest hadde seyde,
Be sche not slayn in the temple of the
Lord.
16 And thei putten to hyre hondis,
and stykeden hyre by the weye of the
entree of the hors besyde the paleys; and
sche is slayn there.
17 Than Joiada couenauntyde
couenaunt of pese bytwen the
the Lord and the kyng, and bytwene the
puple, that ther were a puple of the
Lord; bytwene the king and the puple.
18 And alle the puple of the lond wente in
to the temple of Baal; and thei distruyden
his auters, and the ymagis
broosiden to gydris mi&yogh;tily; Mathan forsothe,
the prest of Baal, thei slewen before
the auter. And the prest sette
waardis in the hous of the Lord; and
toke the rewlers of hundrethis, and the
legiouns of Cerethey and Ferethey, and
alle the puple of the lond.
19 And thei
brou&yogh;ten the kyng fro the hous of the
Lord; and thei camen by the weye of
the &yogh;aat of the scheeld bereris in to the
paleys; and he sate vpon the trone of
-- --
kyngis.
20 And alle the puple of the lond
glaadid, and alle the cytee restide in
oon. Athalia forsothe is slayn with
swerde in the hous of the kyng.
21 And
of seuen &yogh;eer was Joas, when he beganne
to regne.
Wycliffe (Early) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02010].
|