1   Soðlice him ge-nehlahte manfulle ∧ synfulle. þæt hyo his word ge-hyron.

2   Ða murcneden þa farisei ∧ þa bokeres ∧ cwæðen. þes on-fegð synfulle ∧ mid heom ett.

3   Ða cwæð he þis bispell to þam.

4   hwilc man is of eow þe hafed hund scepa. ∧ gif he leost an of þam; hu ne for-læt he þa nigen ∧ hund-nigentig on þam wæstene. ∧ gæð to þan þe for-warð oððe he hit fint.

5   ∧ þanne he hit fint. he hit sett on his eaxle ge-blissiende.

6   ∧ þanne he ham cymð. he to-somne cleopeð hys freond. ∧ his nehhe-bures. ∧ cweð. Blissiað mid me for-þam ich funde min scep þe for-warð.

7   Ich segge eow &thaet; swa beoð on heofene blisse be anen synfullen ðe deadbote deð; ma þanne ofer nigen ∧ nigentig rithwisere (sic) þe deadbote ne be-þurfon.

8   Oððe hwilc wif hæfed tyen scillenges. gyf hyo for-leost ænne scilling. hu ne onelð hyo hire leoht-fet. ∧ awent hire hus ∧ secð geornlice oððe hyo hine fint.

9   Ænd þanne hyo hine fint; hyo cleopeð hire freond ∧ nehhe-bures ∧ cweð blissieð mid me. for-þam ich funde minne scilling þe ich for-leas.

10   Ich segge eow swa beoð blisse be-foran godes ænglen be anen senfulle þe deadbote deð.

11    ^noteHe cwæð soðlice. Sum man hæfde twege sunes.

12   þa cwæð se ylder to his fader. Fader syle me minne dæl minre ehte. þe me to ge-byreð. Ða dælde he him his ehte.

13   Ða æfter feawa dagen ealle his þing ge-gaderede se gingre sune. ∧ ferde wræclice on feor landen. ∧ for-spilde þær his ehte libbende on his gælsan.

14   Ða he hyo hæfde ealle amerde. þa warð mycel hunger on þam rice. ∧ he warð wædle.

15   Ða ferde he ∧ folgede anen burh-sittenden men on þare rice. þa sende he hine to his tune þæt he heolde his swin.

16   Ða ge-wilnede he his wambe fellen of þam bean-coddan þe þa swin æten. ∧ him man ne sealde.

17   Ða be-þohte he hine ∧ cwæð. Eala hwu fela erdlinga on mines fæder huse hlaf ge-noh ^note hæbbeð. ∧ ich her on hungre for-wurðe.

18   Ich arise ∧ ich fare to minen fæder ∧ ich segge him. Eala fader ic synegede on heofenas. ∧ be-foran þe;

19   nu ich ne eom wurðe. &thaet; ic beo þin sune ge-nemned. do me swa ane of þinen yrðlingen.

20   ∧ he aras þa ∧ com to his fader. ∧ þa gyt þa he wæs feor his fæder he hine geseah. ∧ warð mid mildheortnysse astyred. ∧ agen hine earn ∧ hine be-clypte ∧ cyste hine.

21   Ða cwæð hys suna. Fader ic synegede on heofene ∧ be-foran þe. nu ic ne eom wurðe þæt ic þin sune beo ge-nemned.

22   Ða cwæð se fader to his þeowan. bringeð raðe þanne sæleste gegyrlan ∧ scridað hine ∧ sylleð hym ring on his hand. ∧ ge-scy to his foten.

23   ∧ bringað an fet styric ∧ of-sleað. ∧ uten æten. ∧ gewist-fullian;

24   for-þan þes min sune wæs dead. ∧ he ge-edcuðede (sic). he for-warð ∧ he is gefunden. Ða ongunnan hyo wistleacen.

25   Soðlice his yldre sune wæs on akere ∧ he com ham. ∧ þa he þam huse ge-nehlahte he ge-herde þanne sweig ∧ þæt wyrd.

26   Ða cleopede he ænne þeow ∧ axode hine hwæt þæt wære.

27   Ða cwæð he þin broðer is come. ∧ þin fader of-sloh an fet chalf for-þan þe he hine halne on-feng.

28   Þa balh he hine ∧ nolde ingan. Ða eode his fader ut ∧ angan hine biddan.

29   Ða cwæð he to his fæder andsweriende. Efne swa fela geare ic þe þeoweda. ∧ ic næfre þin bebod ne forgymde; ∧ ne sealdest þu me næfre an tycchen. &thaet; ic mid minen freonden ge-wistfullode.

30   Ac seoððan þes þin sune com þe his spede mid miltystren amerde; þu of-sloge him an fet chalf.

31   Ða cwæð he. sune þu ert symle mid me. ∧ ealle mine þing synde þine.

32   þe ge-byrede ge-wistfullien ∧ ge-blissian for-þan þes þin broðer wæs dead. ∧ he ge-edcuðede (sic). he for-wearð. ∧ ys gefunden.

Previous section

Next section