1   Ða sone on morgen worhten þa heah-sacerdes heore ge-mot. mid ealdren ∧ boceren. ∧ eallen werede ∧ lædden þane halend ge-bunden ∧ sealden hine pilaten.

2   Ða axode pilatus hine eart þu iudea kining. Ða andswerede he hym. Ðu hit sægst.

3   Þa wreiden hine þa heah-sacerdes. on manegen þingen.

4   Eft pilatus hine axode ne andswerest þu nan þing. loca hu mycelen hyo þe wreigeð.

5   Ða ne andswerede se hælend him nam mare swa þæt pilatus wundrede.

6   On sym-mel-daig wæs his ge-wune. &thaet; he heom for-gefe ænne bundenne swa hwilcne swa hyo bæden.

7   Ða bæden hyo barraban. se wæs ge-bunden mid þam replingen. se þurh swice-cræft man-slyht worhten.

8   ∧ þa he ferde þa on-gan syo manigeo hine biddan swa hy symle dyden.

9   Ða cwæð pilatus. Wille ge &thaet; ic eow for-gefe iudea kyning.

10   he wiste &thaet; þurh ande hine sealden þa heah-sacerdas.

11   Ða astireden þa biscoppes þa manige &thaet; he heom barraban for-gefe.

12   Eft pilatus him andswerede. hwæt do ic be iudea kyninge.

13   hyo eft grætten ∧ cwæðen. hoh hine.

14   Þa saigde pilatus. hwæt yfeles dyde he. hyo þas þe ma cleopeden ahoh hine.

15   Pilatus wolde þa þam folce ge-cwemen. ∧ for-gef heom barraban. ∧ sealde heom þanne hælend be-swungen &thaet; he ahangen wære.

16   Þa lædden þa cempen hine on þas domernes cæfertun ∧ hyo to-gædere ealle wered cleopeden.

17   ∧ scridden hine mid purpren ∧ him on setten þernene helm awundene.

18   ∧ on-gunnen hine þus greten. hal beo þu iudea kyning.

19   ∧ beoton hine on &thaet; heafeð mid reode ∧ spetten him on ∧ hire cneow beigden ∧ hine ædmetten.

20   Ænd syððen hyo hine bismeredon. un-scriddan hine þam purpran. ∧ scriddan hine mid his reafen. ∧ lædden hine þæt hyo hine ahengen.

21   ∧ ge-nedden sumne weig-ferende symonem cyreneum cumende of þam tune alisandres fader ∧ ruffi. &thaet; he his rode bære.

22   ∧ hyo lædden hine on þam stowe golgotha. &thaet; is on ure þeode ge-reht heafed-panna stowa.

23   ∧ sealden him ge-bytered win ∧ he hit ne on-feng.

24   And þa hyo hine ahengen hyo dælden his reaf ∧ hlote wurpen. hwæt ge-hwa name.

25   Ða wæs under-tid. ∧ hyo ahengen hine.

26   ∧ ofer-ge-writ his geltes wæs awriten iudea kyng.

27   ∧ hyo ahengen mid him twegen scaðen ænne on his swiðeren healfe. ∧ oðerne on his winstren.

28   þa wæs &thaet; ge-writ ge-fylled &thaet; cwæð. ∧ he wæs mid unriht-wisan ge-teald.

29   And þa þe forð-stopen hine gremedon ∧ hyra heafod cwehten. ∧ þus cwæðen. Wala se to-werpð &thaet; tempel. ∧ on ðrim dagen eft ge-tymbred.

30   ge-hæl þe sylfne of þare rode stigende.

31   Eal swa þa heah-sacerdas bysmeriende be-twexe þam bokeren cwæðen. odre he hæle ge-dyde. hine sylfne he ne maig halne don.

32   Crist israele kyng astig nu of rode &thaet; we ge-seon ∧ ge-lefen. And þa þe mid him ahangeden wæren him mid ge-bundene.

33   And þare syxte tide wurðe þeostre ge-worðene geond ealle eorðan. odðe non-tide.

34   And to non-tide se hælend clepede mycele stefne heloy heloy lama sabathani. &thaet; is on ure ge-þeode. min god min god. hwi for-lædst þu me.

35   ∧ sume þe þær abuton stoden ∧ þis ge-hyrdon hyo cwæðen. nu þes clyped heliam.

36   þa arn hyre an. ∧ fylde ane spunge mid eisile. ∧ on reod sette ∧ him drincen sealde. ∧ cwæð. læteð &thaet; we ge-seon hwæðer helias cume hine niðer to settenne.

37   Se hælend þa asende his stefne ∧ forð-ferde.

38   Ænd þas temples wah-irift wæs to-sliten on twa of ufewearden odðe niðeweard.

39   Ða þas hundredes man þe þær stod agen ge-seah &thaet; se hælend swa clepiende forð-ferde. he cwæð. Soðlice þes man wæs godes sune.

40   And þa wif wæren feorren be-healdende. ∧ betwux þam wæs sie magdalenisce Marie. ∧ Marie iacobes moðer ∧ salom&edia;&edia;.

41   ∧ þa he wæs on galil&edia;&edia; hy felgden hym. ∧ him þenoden ∧ manege oðre þe him mide ferden on ierusalem.

42   Ænd þa æfen wæs ge-worden &thaet; wæs parasceue. &thaet; is ær sæterdaige

43   þa com iosep se æðele refe of arimathia se sylfe godes rice ge-an-bidode. ∧ he dyrstilice in to pilate eode ∧ bæd þas hælendes lichame.

44   Þa wundrede pilatus gyf he þa gyt forð-ferde. Ða clypede he þanne hundredes man. ∧ hine axode hwæðer he dead wære.

45   Ða he wiste &thaet;. þa agyf he þane lic-hame iosepe.

46   Ða bohte iosep ane scytan ∧ hine þær-on be-feold ∧ on byrigenne leigde syo wæs of stane aheawan. ∧ wyltel ænne stan to þare berienne dure.

47   Þa com Marie magdalene ∧ Iosepes Marie. ∧ be-heolden hwær he ge-leigd wære.

Previous section

Next section