1    ^note ∧ he cwæð to his leorning-cnihton;
Ne sy eower heorte gedrefed ge gelyfað on god. ∧ gelyfað on me;

2   On mines fæder huse synt manega eardung-stowa ne sæde ic eow. hyt ys lytles wana &thaet; ic fare ∧ wylle eow eardung-stowe gearwian;

3   ∧ gif ic fare ∧ eow eardung-stowe ge-gearwige; Eft ic cume ∧ nime eow to me sylfon &thaet; ge syn þær ic eom;

4   ∧ ge witon hwyder ic fare ∧ ge cunnon þæne weg.

5   Thomas cwæð to him. Drihten. we nyton hwyder þu færst ∧ hu mage we þæne weg cunnan;

6   Se hælend cwæð to him. ic eom weg ∧ soðfæstnys ∧ l&idia;f. ne cymþ nan to fæder butan þurh me;

7   Gif ge cuðon me. witodlice ge cuðon minne fæder ∧ heonon-forð ge hyne gecnawað ∧ ge hine gesawon;

8   Philippus cwæð to him. Drihten. æt-yw us þone fæder. ∧ we habbaþ genoh.

9   Se hælend cwæð to him. philippus swa lange tid ic wæs mid eow ∧ ge ne gecneowun me; Se þe m&edia; gesyhð. gesyhð minne fæder; Humeta cwyst þu æt-&ydia;w &udia;s þinne fæder

10   ne gelyf[s]t þu &thaet; ic eom on fæder ∧ fæder ys on me; Ða word þe ic to eow sprece. ne sprece ic hi of me sylfon; Se fæder þe wunað on me. he wyrcð þa weorc.

11   ne gelyfe ge &thaet; ic eom on fæder ∧ fæder ys on me. gelyfað for þam weorcon;

12   Soð ic eow secge. se ðe gelyfð on me he wyrcð þa weorc þe ic wyrce ∧ he wyrcð maran þonne þæge synt forþam þe ic fare to fæder.

13   ∧ ic do swa hwæt swa ge biddað on minon naman &thaet; fæder si gewuldrod on suna

14   gif ge hwæt me biddaþ on minum naman &thaet; ic do;

15    ^note Gif ge me lufiað. healdað mine beboda

16   ∧ ic bidde fæder ∧ he sylþ eow oðerne frefriend &thaet; beo æfre mid eow;

17   Soðfæstnysse gast þe ðes middan-eard ne mæg under-fon; He ne cann hyne forðam þe he ne gesyhþ hyne; Ge hyne cunnon forþam he wunað mid eow. ∧ bið on eow;

18   Ne læte ic eow steopcild. ic cume to eow;

19   nu gyt ys an lytel fyrst ∧ middan-eard me ne gesyhþ; Ge me geseoð forþam ic lybbe ∧ ge lybbað;

20   On þam dæge ge ge-cnawaþ &thaet; ic eom on minum fæder ∧ ge synt on me ∧ ic eom on eow;

21   Se þe hæfð mine bebodu ∧ ge-hylt þa. he ys þe me lufað; Min fæder lufað þæne þe me lufað ∧ ic lufige hyne ∧ geswutelige him me sylfne;

22   Iudas cwæð to him næs na s&edia; scarioth. drihten hwæt ys geworden &thaet; þu wylt þe sylfne ge-swuteligan us næs middanearde;

23    ^note Se hælend ∧swarode ∧ cwæð to him;
Gif hwa me lufað he hylt mine spræce. ∧ min fæder lufað hine ∧ we cumað to him ∧ we wyrceað eardung-stowa mid him;

24   Se ðe me ne lufað ne hylt he mine spræce. ∧ nis hyt min spræc þe ge gehyrdon. ac ðæs fæder þe me sende;

25   Ðas þing ic eow sæde þa ic mid eow wunode;

26   Se haliga frofre gast þe fæder sent on minum naman eow lærð ealle þing. ∧ he lærð eow ealle þa þing þe ic eow secge;

27   Ic læfe eow sibbe. ic sylle eow mine sibbe. Ne sylle ic eow sibbe swa middan-eard sylþ; Ne sy eower heorte gedrefed ne ne forhtige [ge].

28   Ge gehyrdon &thaet; ic eow sæde. ic g&adia; ∧ ic cume to eow; Witodlice gif ge me l&udia;fedon ge geblissodon. for-þam þe ic fare to fæder forþam fæder ys mara þonne ic;

29   ∧ nu ic eow sæde ærðam þe hit ge-wurðe &thaet; ge gelyfon þonne hit geworden bið;

30   Ne sprece ic nu na fela wið eow; Ðyses middan-eardes ealdor cymð ∧ he næfð nan ðing on me;

31   Ac &thaet; middan-eard oncnawe &thaet; ic lufige fæder. ∧ ic do swa fæder me bebead; Arisað uton gan heonon;

Previous section

Next section