West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
To look up a word in a dictionary, select the word with your mouse and press 'd' on your keyboard.
CHAPTER XIII.
1 note Ær þam esterfreols-dæge se hælend
wiste &thaet; his t&idia;d com &thaet; he wolde
gew&idia;tan of þyson middan-earde to his
fæder þa he lufode his leorning-cnihtas þe
wæron on middan-earde an (sic) ende he
hig lufode;
2 ∧ þa drihtnes þenung wæs gemacud þa
for se deofol on iudas heortan scariothes
&thaet; he hine belæwde;
3 He wiste &thaet; fæder sealde ealle þing on
his handa ∧ &thaet; he com of gode ∧ cymð to
gode.
4 he aras fram his þenunge ∧ lede his
reaf ∧ nam linen hrægel ∧ begyrde hyne.
5 æfter þam he dyde wæter on fæt ∧
þwoh his leorning-cnihta fet ∧ drigde hig
mid þære lin-wæde þe he wæs mid begyrd;
6 Ða com he to simone petre. ∧ petrus
cwæð to him; Drihten scealt þu ðwean
mine fet.
7 se hælend ∧swarode ∧ cwæð to him. þu
nast nu &thaet; ic do ac þu wast syððan;
8 Petrus cwæð to him. ne þwyhst þu
næfre mine f&edia;t; Se hælend him ∧swarode ∧
cwæþ. gif ic þe ne þwea næfst þu nanne
dæl myd me;
9 Ða cwæð s&idia;m&odia;n petrus to him; Drihten.
ne þweh þu na mine fet &adia;ne. ac ec
min heafod ∧ mine handa;
-- --
10 Ða cwæð se hælend to him. Se þe
clæne byþ ne beðearf buton [&thaet;] man his
fet þwea ac ys eall clæne; ∧ ge synt sume
clæne næs na ealle.
11 he wiste witodlice hwa hyne sceolde
belæwan. forþam he cwæð. ne synt ge ealle
clæne;
12 Syððan he hæfde hyra f&edia;t aþwogene.
he nam his reaf ∧ þa he sæt he cwæð eft to
him. wite ge hwæt ic eow dyde;
13 Ge clypiað me lareow ∧ drihten. ∧ wel
ge cweðaþ. swa ic eom soþlice.
14 Gif ic þwoh eowre f&edia;t. [ic þe eom
eower lareow. ∧ eower hlaford. ge sceolon
þwean eower ælc oðres fet;]
15 ic eow sealde bysene &thaet; ge don swa ic
eow dyde;
16 Soþlice ic eow secge nys se ðeowa
furðra þonne his hlaford. ne ærenddraca nys
mærra þonne se þe hyne sende.
17 Gif ge þas þing witod (sic) ge beoð
eadige. gif ge hig doð;
18 Ne secge ic be eow eallon. ic wat
hwylce ic geceas ac &thaet; &thaet; halige gewrit sy
gefylled þe cwyþ; Se þe ytt hlaf myd me
ahefþ hys h&odia; ongean me.
19 nu ic eow secge ærþam þe hyt gewurþe
&thaet; ge gelyfon þonne hyt geworden
bið &thaet; ic hit eom;
20 Soð ic eow secge se ðe under-fehð
þæne þe ic sende. under-fehþ me. Se þe
under-fehþ me under-fehþ ðæne ðe me
sende;
-- --
21 Ða se hælend þas þing sæde he wæs
gedrefed on gaste ∧ cyðde ∧ cwæð. Soð ic
eow secge &thaet; eower &adia;n me belæwð;
22 Ða leorning-cnihtas beheold hyra ælc
oðerne ∧ him twynode be hwam he hit
sæde;
23 An þæra leorni[n]g-cnihta hlinode on
þæs hælendes bearme þæne se hælend lufode;
24 Symon petrus bicnode to þyson ∧ cwæð
to him; Hwæt is se ðe he hyt big segð.
25 Witodlice þa he hlinode ofer ðæs
hælendes breostum he cwæð to him; Drihten
hwæt ys he.
26 Se hælend him ∧swarode ∧ cwæð. He
ys se ðe ic ræce bedyppedne hlaf; ∧ þa þa
he bedypte þæne hlaf he sealde hyne iudas
scari&odia;the;
27 ∧ þa æfter þam bitan satanas eode on
hyne; Ða cwæð se hælend to him. do raðe
&thaet; þu don wylt.
28 nyste nan þara sittendra to hwam he
&thaet; sæde;
29 Sume wendon forþam iudas hæfde
scrin &thaet; se hælend hit cwæde be him. bige
þa þing þe us þearf sy to þam freols-dæge
oððe &thaet; he sealde sum þing þearfendum
mannum;
30 Ða he nam þæne bitan. he eode &udia;t
þar-rihte hit wæs niht
31 þa he ut eode. ∧ se hælend cwæð. nu
ys mannes sunu geswutelod. ∧ god ys geswutelod
on him;
-- --
32 Gif god ys geswutelod on him ∧ god
geswutelað hine on hym sylfum;
33 note La bearn nu gyt ic eom gehwæde
tid mid eow. ge me seceað ∧
swa ic þam iudeon sæde ge ne magon faran
þyder þe ic fare; ∧ nu ic eow secge
34 ic eow sylle niwe bebod. &thaet; ge lufion
eow betwynan swa ic eow lufode;
35 Be þam oncnawað ealle menn &thaet; ge
synt mine leorning-cnihtas. gif ge habbað
lufe eow betwynan;
36 Simon petrus cwæð to him drihten.
hwyder gæst þu; Se hælend him ∧swarode
∧ cwæð. ne miht þu me fylian þyder ic
nu fare. þu færst eft æfter me;
37 Petrus cwæð to him. hwi ne mæg
ic þe nu fylian. ic sylle min l&idia;f for ðe;
38 Se hælend him ∧swarode ∧ cwæð.
ðin lif þu sylst for me; Soð ic þe secge.
ne cræwð se cocc ær ðu wið-sæcst me
þriwa
West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
|
