West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
To look up a word in a dictionary, select the word with your mouse and press 'd' on your keyboard.
CHAPTER XVI.
1 ∧ ða sæternes dæg wæs ag&adia;n. seo magdalenisce
maria ∧ iacobes maria ∧ salomeæ
bohton wyrt-gemang &thaet; hi comon ∧ hine
smyredon;
2 And swyðe ædia;r anum reste-dæge comon
to þære byrgene up-asprungenre sunnan.
3 ∧ cwædon him betwynan; Hwa awylt
us ðysne stan of þære byrgene dura;
4 Þa hi hi besawon. hi gesawon þæne
stan aweg awyltne. soðlice he wæs swyðe
mycel;
5 And þa hi eodon on þa byrgene hi
gesawon anne geongne on þa swyðran healfe
sittende hwitum gegyrlan ofer-wrohne; ∧ hi
þa forhtodon;
-- --
6 Ða cwæð he to him ne forhtige ge na.
ge secað þæne nazareniscan hælend ahangenne;
He ar&adia;s nis he h&edia;r; her is seo stow
þær hi hine ledon.
7 ac farað ∧ secgað his leorning-cnihtum.
∧ petre &thaet; he gæð toforan eow on galileam.
þar ge hine geseoð swa he eow sæde;
8 And hi ut eodon. ∧ flugon fram þære
byrgene. ∧ wæron &adia;færede for þære gesyhðe
þe hi gesawon. ∧ hig nanon men naht ne
sædon. soðlice hi him adredon;
9 note Þa he ar&adia;s on ærne morgen on reste-dæge.
æryst he æt-ywde þære magdaleniscan
marian. of ðære he &udia;t adraf seofon
deofol-seocnyssa.
10 ∧ heo þa ut eode ∧ hit þam cydde þe
mid him wæron heofendum ∧ wependum
11 þa hi gehyrdon &thaet; he leofode ∧ hi hine
gesawon. þa ne ge-lyfdon hi him.
12 Æfter þam him twam he wæs æt-ywed
on oðrum hiwe. him on þone t&udia;n farendum
13 ∧ hi þa foron ∧ &thaet; oðrum cyddon. ∧ hi
him ne gelyfdon;
14 note Ða æt nehstan he ætywde him twelfum
þar hi æt-gædere sæton. ∧ tælde hyra ungeleaffulnesse.
∧ hyra heortan heardnesse.
forðam þe hi ne ge-lyfdon þam ðe hine gesawon
of deaþe arisan.
15 ∧ he sæde him. Farað into ealne
middan-eard ∧ bodiað god-spell. ealre gesceafte.
-- --
16 Se þe gelyfð ∧ gefullod bið se biþ
hal; Soþlice se ðe ne gelyfð. se bið genyðerod;
17 Þas tacnu fyliað þam ðe ge-lyfað. on
minon naman hi deofol-seocnessa ut-drifað;
hi sprecaþ niwum tungum.
18 næddran hi afyrrað ∧ him ne derað
þeah hi hwæt dead-bærlices drincan; Ofer
seoce hi hyra handa settað ∧ hi beoð hale;
19 And witudlice drihten hælend syððan
he to him spræc. he wæs on heofonum
afangen. ∧ he sitt on godes swiðran healfe;
20 Soþlice hi ða farende æghwar bodedon.
drihtne mid-wyrcendum ∧ trymmendre
spræce æfter-fyligendum tacnum.
-- --
West Saxon I [1878], THE GOSPEL ACCORDING TO SAINT JOHN IN ANGLO-SAXON AND NORTHUMBRIAN VERSIONS SYNOPTICALLY ARRANGED, WITH COLLATIONS EXHIBITING ALL THE READINGS OF ALL THE MSS. Edited for the Syndics of the University Press, by the REV. WALTER W. SKEAT, M.A. Elrington and Bosworth Professor of Anglo-Saxon in the University of Cambridge (F. A. BROCKHAUS, LEIPZIG) [word count] [B01210].
|
