1   Þa sona on mergen worhton þa heah-sacerdas hyra gemot mid ealdrum. ∧ bocerum ∧ eallum werodum. ∧ læddon þæne hælend gebundenne. ∧ sealdon hine pilato;

2   Ða axode pilatus hine. eart þu iudea cynincg; Þa ∧swarode he him. þu hit segst;

3   Ða wregdon hine þa heah-sacerdas on manegum þingum;

4   Eft pilatus hine axode. ne ∧swarast þu n&adia;n þing. loca hu mycelum hi þe wregeað;

5   Ða ne ∧swarode se hælend him na mare. swa &thaet; pilatus wundrode;

6   On symmel-dæge wæs his gewuna &thaet; he him for-geafe ænne gebundenne. swa hwylcne swa hi bædon;

7   Þa bædon hi barraban. se wæs gebunden mid þam ræplingum. se þurh swic-cræft. man-slyht geworhte.

8   ∧ þa he ferde. þa ongan seo menegeo hine biddan swa heo symle dyde;

9   Ða cwæð pilatus; Wylle ge &thaet; ic eow forgyfe iudea cyning.

10   he wiste &thaet; ðurh andan hine sealdon þa heah-sacerdas;

11   Þa astyredon þa bisceopas þa menegu &thaet; he him barraban forgefe;

12   Eft pilatus him andswarode. hwæt do ic be iudea cininge;

13   Hi eft hrymdon ∧ cwædon. h&odia;h hine;

14   Ða sæde pilatus. hwæt yfeles dyde he; Hi þæs þe ma clypedon ah&odia;h hine;

15   Pilatus wolde þa ðam folce gecweman. ∧ for-gef him barraban ∧ sealde him þone hælend beswungenne &thaet; he &adia;-hangen wære;

16   Þa læddon þa cempan hine on þæs domernes cafert&udia;n; ∧ hi to-somne eall werod clypedon;

17   ∧ scryddon hine mid purpuran. ∧ him on setton þyrnenne helm awundenne.

18   ∧ ongunnon hine þus gretan. hal wes þu iudea cyning;

19   ∧ beoton hine on &thaet; heafod mid hreode. ∧ spætton him on. ∧ heora cneow b&idia;gdon. ∧ hine ge-eaðmeddon;

20   And syððan hi hine bysmrydon. unscryddon hine þam purpuran. ∧ scryddon hine mid his reafum ∧ læddon hine &thaet; hi hine ahengon.

21   ∧ genyddon sumne weg-ferendne simonem cireneum cumende of þam tune alexandres fæder ∧ rufi. &thaet; he his rode bære.

22   ∧ hi læddon hine on ða stowe golgoða &thaet; is on ure geþeode gereht heafod-pannena stow.

23   ∧ sealdon him gebiterod w&idia;n ∧ he hit ne on-feng;

24   And þa hi hine ahengon hi dældon his reaf. ∧ hlotu wurpon. hwæt gehwa n&adia;me;

25   Þa wæs undern-t&idia;d. ∧ hi ahengon hine.

26   ∧ ofer-gewrit his gyltes wæs awriten iudea cyning.

27   ∧ hi ahengon mid him twegen sceaðan anne on his swyðran healfe. ∧ oþerne on his wynstran.

28   þa wæs &thaet; ge-writ gefylled. &thaet; cwyð; ∧ he wæs mid unriht-wisum geteald;

29   And þa ðe forð-stopon hine gremedon ∧ hyra heafod cwehton. ∧ ðus cwædon; Wala se to-wyrpð &thaet; tempel. ∧ on þrim dagon eft getimbrað.

30   gehæl ðe sylfne of þære rode stigende;

31   Eall-swa þa heah-sacerdas bysmriende betwux þam bocerum cwædon. oðre he hale gedyde. hine sylfne he ne mæg halne gedon;

32   Cr&idia;st israhela cyning astige n&udia; of rode &thaet; we ge-seon ∧ ge-lyfon; And þa ðe him mid hangodon wæron him mid gebundene;

33   And þære syxtan tide wurdo[n] þystru gewordene geond ealle eorðan. oð n&odia;n-tide

34   ∧ to n&odia;n-tide se hælend clypode mycelre stemne. heloi. heloi. lema sabbattani. &thaet; is on ure geðeode m&idia;n god m&idia;n god. hwi for-lete þu me;

35   ∧ sume þe ðar abuton stodon ∧ þis gehyrdon hi cwædon. nu þes clypað heliam.

36   þa &adia;rn hyra &adia;n ∧ fylde &adia;ne spingan mid ecede. ∧ on hreod sette ∧ him drincan sealde. ∧ cwæð; Lætað &thaet; we ge-seon hwæðer helias cume hine nyþer to settanne;

37   Se hælend þa asende his stefne ∧ forð-ferde.

38   ∧ þæs temples wah-rift wæs tosliten on twa of ufewerdum oð neoþewerd;

39   Þa se hundred-man þe ðar stod ag&edia;n geseah &thaet; se hælend swa clypiende forð-ferde. he "h;. soðlice þes man wæs godes sunu;

40   And þa w&idia;f wæron feorran be-healdende. ∧ betwux þam wæs seo magdalenisce maria. ∧ maria iacobes modor. ∧ salomeæ;

41   ∧ þa he wæs on galilea hi fylidon him. ∧ him þenedon ∧ manega oðre þe him mid ferdon on hierusalem;

42   And þa æfen wæs geworden &thaet; wæs parasceue. &thaet; is ædia;r sæter-dæge

43   þa com iosep se æðela gerefa of abarimathia. se sylfa godes rices geanbidode. ∧ he dyrstiglice into pilate eode. ∧ bæd þæs hælendes lic-haman;

44   Ða wundrode pilatus gif he þa gyt forð-ferde; Þa clypode he þæne hundred-man ∧ hine ahsode hwæðer he dead wære;

45   Ða he wiste &thaet;. þa agef he þone lic-haman iosepe;

46   Þa bohte iosep &adia;ne scytan. ∧ hine þar-on befeold. ∧ on byrgene lede. seo wæs of stane aheawen. ∧ wylte anne stan to ðære byrgenne dura;

47    ^note Ða com maria magdalene ∧ iosepes maria. ∧ be-heoldon hwar he geled wære;

Previous section

Next section