Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XX.
1 Therfor alle the sones of Israel &yogh;eden,
and weren gaderid togidere as o man,
fro Dan `til to Bersabee, and fro the lond
of Galaad to the Lord in Maspha; and
alle the `corneris of puplis;
2 and alle the
lynagis of Israel camen to gidere in to the
chirche of `the puple of God, foure hundrid
thousynde of `foot men fi&yogh;ters.
3 And
it was not `hid fro the sones of Beniamyn,
that the sones of Israel hadden stied
in to Maspha. And the dekene, hosebonde
of the `wijf that was slayn, was axid,
`how so greet felonye was doon;
4 and he
answeride, Y cam with my wijf in to Gabaa
-- --
of Beniamyn, and Y turnede thidur.
5 And lo! men of that citee cumpassiden in
ny&yogh;t the hows, in which Y dwellide,
and thei wolden sle me note, and thei bitraueliden
my wijf with vnbileueful woodnesse
of letcherie; at the last note sche was
deed.
6 And Y took, and Y kittide hir
in to gobetis, and Y sente partis in to alle
the termes of &yogh;oure possessioun; for so
greet felonye and so greuouse synne was
neuere doon in Israel.
7 Alle &yogh;e sones of
Israel ben present; deme &yogh;e, what &yogh;e owen
do.
8 And al the puple stood, and answeride
as bi word of o man, `that is acordyngli,
with out a&yogh;enseiyng and with out
delay, We schulen not go awei in to
oure tabernaclis, nethir ony man schal
entre in to his hows;
9 but we schulen do
this in comyn a&yogh;ens Gabaa.
10 `Ten men
be chosun of an hundrid, of alle the lynagis
of Israel, and an hundrid of a thousynde,
and a thousynde of ten thousynde,
that thei bere metis to the oost, and that
we, fi&yogh;tynge a&yogh;ens Gabaa of Beniamyn,
moun &yogh;elde to it `for the trespas that
that it deserueth.
11 And al the puple, `as
o man, cam togidere to the citee bi the
same thou&yogh;t and o counsel.
12 And `thei
senten messangeris to al the lynage of
Beniamyn, `whiche messangeris seiden,
Whi so greet felony is foundun in &yogh;ou?
13 Bitake &yogh;e the men of Gabaa, that diden
this wickidnesse, that thei die, and yuel
be doon awey fro Israel. `Whiche nolden
here the comaundement of her britheren,
the sones of Israel,
14 but of alle the citees,
that weren of `her part, thei camen togidere
in to Gabaa, to helpe hem, and to
fi&yogh;te a&yogh;ens al the puple of Israel.
15 And fyue
and twenti thousynde note weren foundun of
Beniamyn, of men drawynge out swerd,
-- --
outakun the dwelleris of Gabaa,
16 whiche
weren seuen hundrid strongeste men,
fi&yogh;tynge so with the lefthond as with the
ri&yogh;thond, and castynge so stoonus with
slyngis at a certeyn thing, that thei my&yogh;ten
smyte also an heer, and the strook of the
stoon schulde not be borun in to `the
tother part.
17 Also of the men of Israel,
with out the sones of Beniamin, weren
foundun foure hundrid thousynd `of men
drawynge swerd and redi to batel.
18 Whiche
riseden and camen in to the hows of
God, that is in Silo; and thei counceliden
God, and seiden, Who schal be prince in
oure oost of the batel a&yogh;ens the sones of
Beniamyn? To whiche the Lord answeride,
Judas be &yogh;oure duyk.
19 And anoon
the sones of Israel risiden eerli, and settiden
tentis a&yogh;ens Gabaa.
20 And fro thennus
thei &yogh;eden forth to batel a&yogh;ens Beniamyn,
and bigunnen to fi&yogh;te a&yogh;ens `the citee.
21 And the sones of Beniamyn &yogh;eden out of
Gabaa, and killiden of the sones of Israel
in that dai two and twenti thousynde of
men note.
22 And eft the sones of Israel tristiden
in strengthe and noumbre, and dressiden
schiltrun, in the same place in which
thei fou&yogh;ten bifore;
23 so netheles that thei
stieden bifore, and wepten bifor the
Lord `til to ny&yogh;t, and counseliden hym,
and seiden, Owe Y go forth more to fi&yogh;te
a&yogh;ens the sones of Beniamyn, my britheren,
ether nay? To whiche he answeride, Stie
&yogh;e to hem, and bigynne &yogh;e batel.
24 And
whanne the sones of Israel hadden go
forth to batel in the tother dai a&yogh;ens
Beniamyn,
25 the sones of Beniamyn braken
out of the &yogh;ates of Gabaa, and camen to
hem; and the sones of Beniamyn weren
wood a&yogh;ens hem bi so greet sleyng, that
thei castiden doun ei&yogh;tene thousynde of
-- --
men drawynge swerd.
26 Wherfor alle the
sones of Israel camen in to the hows of
God, and saten, and wepten bifore the
Lord, and thei fastiden in that dai `til to
euentid; and thei offeriden to the Lord
brent sacrifices and pesible sacrifices,
27 and
axiden of her staat. In that tyme the
arke of boond of pees of God was there
in Silo note;
28 and Fynees, the sone of Eleazar,
sone of Aaron, was souereyn of the
hows. Therfor thei counseliden the Lord,
and seiden, Owen we go out more to
batel a&yogh;ens the sones of Beniamyn, oure
britheren, ethir reste? To whiche the
Lord seide, Stie &yogh;e, for to morewe Y schal
bytake hem in to &yogh;oure hondis.
29 And the
sones of Israel settiden buyschementis bi
the cumpas of the citee of Gabaa;
30 and the
thridde tyme as onys and tweis thei
brou&yogh;ten forth oost a&yogh;ens Beniamyn.
31 But
also the sones of Beniamyn braken out
of the citee booldli, and pursueden ferthere
the aduersaryes fleynge, so that thei
woundiden of hem, as in the firste dai
and the secounde, and killiden bi twey
paththis `the aduersaries turnynge backis;
of whiche paththis oon was borun in to
Bethel, the tother in to Gabaa. And thei
castiden doun aboute thretti men;
32 for
thei gessiden to sle hem `bi customable
maner; whiche `feyneden fli&yogh;t bi craft,
and token counsel, that thei schulden
drawe hem fro the citee, and that thei
as fleynge schulden brynge to the forseid
paththis.
33 Therfor alle the sones of
Israel risiden of her seetis, and settiden
schiltrun in the place which is clepid
Baalthamar. And the buschementis, that
weren aboute the citee, bigunnen to opene
hem silf litil and litil,
34 and to go forth
-- --
fro the west part of the citee. But also
othere ten thousynde of men of al Israel
excitiden the dwelleris of the cite to
batels; and the batel was maad greuous
a&yogh;ens the sones of Beniamyn, and thei
vndurstoden not, that perisching nei&yogh;ede
to hem on eche part.
35 And the Lord smoot
hem in the si&yogh;t of the sones of Israel, and
`thei killiden of hem in that dai fyue and
twenti thousynde and an hundrid men,
alle the werryours and drawynge swerd.
36 Sotheli the sones of Beniamyn bigunnen
to fle, `whanne thei sien, that thei weren
the lowere. And the sones of Israel sien
this, and `&yogh;auen to hem place to fle, that
thei schulden come to the buyschementis
maad redi, whiche thei hadden set bisidis
the citee.
37 And whanne thei hadden
rise sudenli fro hid places, and Beniamyn
&yogh;af backis to the sleeris, thei entriden in
to the citee, and smytiden it by the
scharpnesse of swerd.
38 Sotheli the sones
of Israel hadden &yogh;oue a signe to hem
whiche thei hadden set in buyschementis,
that aftir that thei hadden take the citee,
thei schulden kyndle fier, and that bi
smook stiynge an hi&yogh;, thei schulden
schewe the citee takun.
39 And whanne
the sones of Israel set in thilke batel
sien this; for the sones of Beniamyn
gessiden hem to fle, and thei sueden bisiliere,
whanne thretti men of her oost
weren slayn;
40 and `the sones of Israel
sien as a piler of smoke stie fro the
citee; also Beniamyn bihelde bihynde,
whanne he si&yogh; the citee takun, and
flawmes borun in hi&yogh;e,
41 thei that feyneden
fli&yogh;t bifore, `a&yogh;enstoden strongliere
with face turned. And whanne the sones
of Beniamyn hadden seyn this, thei weren
turned in to fli&yogh;t,
42 and thei bigunnen to go
-- --
to the weie of deseert; while also aduersaries
pursueden hem there, but also thei,
that hadden brent the citee, camen a&yogh;ens
hem.
43 And so it was doon, that thei
weren slayn of enemyes on ech part, nether
ony reste of men diynge was; and
thei felden, and weren cast doun at the
eest coost of the citee of Gabaa.
44 Forsothe
thei, that weren slayn in the same
place, weren ei&yogh;tene thousynde of `men,
alle strongeste fi&yogh;teris.
45 And whanne thei
that leften of Beniamyn hadden seyn
this, thei fledden in to wildirnesse, and
thei &yogh;eden to the stoon, whos name is
Remmon. And in that fli&yogh;t the sones of
Israel &yogh;eden opynli, `and &yogh;eden in to
dyuerse places, and killiden fyue thousynde
men; and whanne thei &yogh;eden ferther,
thei pursueden hem, and killiden
also othere twei thousynde.
46 And so it was
doon, that alle that felden doun of Beniamyn
in diuerse places, weren fyue and
twenti thousynde, note `fi&yogh;terys moost redi to
batels.
47 And so sixe hundrid men leften
of al the noumbre of Beniamyn, that
my&yogh;ten ascape, and fle in to wildirnesse;
and thei saten in the stoon of Remmon
foure monethis.
48 Forsothe the sones of
Israel &yogh;eden out, and smytiden with
swerd alle the remenauntis of the citee,
fro men `til to werk beestis; and deuourynge
flawme wastide alle the citees
and townes of Beniamyn.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
