Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXIV.
1 And Josue gaderide alle the lynagis of
Israel in to Sechem; and he clepide the
grettere men in birthe, and the princes,
and iugis, and maistris; and thei stoden
in the si&yogh;t of the Lord.
2 And he spak
thus to the puple, The Lord God of Israel
seith these thingis, &YOGH;oure fadris dwelliden
at the bigynnyng bi&yogh;ende the flood Eufrates,
Thare, the fadir of Abraham, and
Nachor, and thei serueden alien goddis.
3 Therfor Y took &yogh;oure fadir Abraham fro
the coostis of Mesopotanye, and Y brou&yogh;te
hym in to the lond of Canaan; and Y
multipliede `the seed of hym,
4 and Y &yogh;af
Isaac to hym; and eft Y &yogh;af to Isaac,
-- --
Jacob, and Esau, of whiche Y &yogh;af to
Esau the hil of Seir, to `haue in possessioun;
forsothe Jacob and hise sones
&yogh;eden doun in to Egipt.
5 And Y sente
Moises and Aaron, and Y smoot Egipt
with many signes and wondris,
6 and Y
ledde &yogh;ou and &yogh;oure fadris out of Egipt.
And &yogh;e camen to the see, and Egipcians
pursueden &yogh;oure fadris with charis, and
multitude of kny&yogh;tis, `til to the Reed See.
7 Forsothe the sones of Israel crieden to
the Lord, and he settide derknessis bitwixe
&yogh;ou and Egipcians; and he brou&yogh;te
the see on hem, and hilide hem. &YOGH;oure
i&yogh;en sien alle thingis, whiche Y dide in
Egipt. And &yogh;e dwelliden in wildirnesse in
myche tyme.
8 And Y brou&yogh;te &yogh;ou in to the
lond of Ammorrei, that dwellide bi&yogh;ende
Jordan; and whanne thei fou&yogh;ten a&yogh;ens
&yogh;ou, Y bitook hem in to &yogh;oure hondis, and
&yogh;e hadden in possessioun `the lond of hem,
and &yogh;e killiden hem.
9 Sotheli Balach, the
sone of Sephor, the king of Moab, roos,
and fau&yogh;t a&yogh;ens Israel; and he sente, and
clepide Balaam, the sone of Beor, that he
schulde curse &yogh;ou.
10 And Y nolde here hym,
but a&yogh;enward bi hym Y blesside &yogh;ou, and
delyuerede &yogh;ou fro hise hondis.
11 And &yogh;e
passiden Jordan, and camen to Jerico; and
men of that citee fou&yogh;ten a&yogh;ens &yogh;ou, Ammorrei,
and Feresei, and Cananei, Ethei,
and Gergesei, and Euei, and Jebusei; and
Y bitook hem in to &yogh;oure hondis.
12 And
Y sente flies with venemouse tongis bifor
&yogh;ou, and Y castide hem out of her places;
Y kyllide twei kyngis of Ammorreis, not
in thi swerd and bowe.
13 And Y &yogh;af to
&yogh;ou the lond in which &yogh;e traueiliden not,
and citees whiche &yogh;e bildiden not, that &yogh;e
schulden dwelle in tho, and vyneris, and
places of olyue trees, whiche &yogh;e plauntiden
not.
14 Now therfor drede &yogh;e the Lord, and
-- --
serue &yogh;e hym with perfite herte and moost
trewe; and do &yogh;e awei the goddis, to
whiche &yogh;oure fadris seruyden in Mesopotanye,
and in Egipt; and serue &yogh;e the
Lord.
15 But if it semeth yuel to &yogh;ou, `that
&yogh;e serue the Lord, chesyng is &yogh;ouun to
&yogh;ou; chese &yogh;e to &yogh;ou to dai that, that
plesith, whom &yogh;e owen most to serue;
whether to goddis, whiche &yogh;oure fadris
serueden in Mesopotanye, whether to the
goddis of Ammorreis, in whose lond &yogh;e
dwellen; forsothe Y, and myn hows schulen
serue the Lord.
16 And al the puple
answeride and seide, Fer be it fro vs
that we forsake the Lord, and serue alien
goddis.
17 `Oure Lord God hym silf ledde
vs and oure fadris out of the lond of
Egipt, fro the hows of seruage, and dide
grete signes in oure si&yogh;t; and he kepte
vs in al the weie, bi which we &yogh;eden, and
in alle puplis, bi whiche we passiden;
and he castide out alle folkis,
18 Ammorrei,
the dwellere of the lond, in to which we
entriden. Therfor we schulen serue the
Lord, for he is `oure Lord God.
19 And
Josue seide to the puple, &YOGH;e moun not
serue the Lord note; for God is hooli, and a
strong feruent louyere, and he for&yogh;yueth
not &yogh;oure trespassis and synnes.
20 If &yogh;e forsaken
the Lord, and seruen alien goddis,
the Lord schal turne `hym silf, and schal
turment &yogh;ou, and schal distrie, after that
he hath &yogh;oue goodis to &yogh;ou.
21 And the
puple seide to Josue, It schal not be so,
as thou spekist, but we schulen serue the
Lord.
22 And Josue seide to the puple, &YOGH;e
ben witnessis, that &yogh;e han chose the Lord
to &yogh;ou, that &yogh;e serue him. And thei answeriden,
We ben witnessis.
23 Therfor, he
seide, Now do &yogh;e awei alien goddis fro the
myddis of &yogh;ou, and bowe &yogh;e &yogh;oure hertis
to the Lord God of Israel.
24 And the puple
seide to Josue, We schulen serue `oure
-- --
Lord God, and we schulen be obedient
to hise heestis.
25 Therfor Josue smoot a
boond of pees in that dai, and settide
forth to the puple comaundementis and
domes in Sichen.
26 And he wroot alle
these wordis in the book of Goddis lawe.
And he took a greet stoon, and puttide
it vndur an ook note, that was in the seyntuarie
of the Lord.
27 And he seide to al
the puple, Lo! this stoon schal be to &yogh;ou
in to witnessing, that &yogh;e herden alle the
wordis of the Lord, whiche he spak to
&yogh;ou, lest perauenture &yogh;e wolden denye
aftirward, and lye to &yogh;oure Lord God.
28 And he lefte the puple, ech man in to
his possessioun.
29 And after these thingis
Josue, the sone of Nun, the `seruaunt of
the Lord, diede, an hundride &yogh;eer eld
and ten.
30 And thei birieden hym in the
costis of his possessioun, in Thannath of
Sare, which is set in the hil of Effraym,
fro the north part of the hil Gaas.
31 And
Israel seruede the Lord in alle the daies
of Josue, and of the eldre men, that
lyueden in long tyme aftir Josue, and
whiche eldre men knewen alle the werkis
of the Lord, whiche he hadde do in Israel.
32 Also `the sones of Israel birieden the boonys
of Joseph, whiche thei baren fro Egipt
in Sichen, in the part of the feeld, which
feeld Jacob bou&yogh;te of the sones of Emor,
fadir of Sichen, for an hundrid &yogh;onge
scheep; and it was in to possessioun of
the sones of Joseph.
33 Also Eliazar, sone
of Aaron, preest, diede; and Fynees and
hise sones biryden hym in Gabaa, which
was &yogh;ouun to hym in the hil of Efraym.
Here eendith Josue, and here bigynneth
the book of Judicum.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
