Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 And it was doon aftir the deeth of
Moyses, seruaunt of the Lord, that the
Lord spak to Josue, sone of Nun, the
mynystre of Moyses, and seide to hym,
Moises, my seruaunt, is deed;
2 rise thou,
-- --
and passe this Jordan, thou, and al the
puple with thee, in to the lond which
Y schal &yogh;yue to the sones of Israel.
3 Y
schal &yogh;yue to &yogh;ou ech place which the step
of &yogh;oure foot schal trede, as Y spak to
Moyses,
4 fro the deseert and Liban til to
the greet flood Eufrates; al the lond of
Etheis, `til to the greet see a&yogh;ens the
goyng doun of the sunne, schal be &yogh;oure
terme.
5 Noon schal mow a&yogh;enstonde &yogh;ou
in alle the daies of thi lijf; as Y was with
Moises, so Y schal be with thee; Y schal
not leeue, nether Y schal forsake thee.
6 Be
thou coumfortid, and be thou strong; for
thou schalt departe bi lot to this puple
the lond, for which Y swoor to thi fadris,
that Y schulde &yogh;yue it to hem.
7 Therfor
be thou coumfortid, and be thou ful strong,
that thou kepe and do al the lawe, which
Moyses, my seruaunt, comaundide to thee;
bowe thou not fro it to the ri&yogh;t side, ether
to the left side, that thou vndirstonde alle
thingis whiche thou doist.
8 The book of
this lawe departe not fro thi mouth, but
thou schalt thenke therynne in daies and
ny&yogh;tis, that thou kepe and do alle thingis
that ben writun therynne; thanne thou
schalt dresse thi weie, and schalt vndirstonde
it.
9 Lo! Y comaunde to thee; be
thou coumfortid, and be thou strong; nyle
thou drede `withoutforth, and nyle thou
drede withynne; for thi Lord God is
with thee in alle thingis, to whiche thou
goost.
10 And Josue comaundide to the
princis of the puple, and seide, Passe &yogh;e
thoru&yogh; the myddis of the castels; and
comaunde `&yogh;e to the puple, and seie &yogh;e,
Make &yogh;e redi metis to &yogh;ou,
11 for after the
thridde dai &yogh;e schulen passe Jordan, and
&yogh;e schulen entre to welde the lond, which
&yogh;oure Lord God schal &yogh;yue to &yogh;ou.
12 Also
he seide to men of Ruben, and `to men
of Gad, and to the half lynage of Manasses,
Haue &yogh;e mynde of the word which Moises,
13
the `seruaunt of the Lord, comaundide to
&yogh;ou, and seide, &YOGH;oure Lord God hath &yogh;oue
-- --
to &yogh;ou reste and al the lond;
14 &yogh;oure wyues
and &yogh;oure sones and beestis schulen dwelle
in the lond which Moises &yogh;af to &yogh;ou bi&yogh;ende
Jordan; but passe &yogh;e armed, `alle
strong in hond, bifor &yogh;oure britheren;
and fi&yogh;te &yogh;e for hem,
15 til the Lord &yogh;yue
reste to &yogh;oure britheren, as `he &yogh;af also
to &yogh;ou, and `til also thei welden the lond
which &yogh;oure Lord God schal &yogh;yue to hem;
and so turne &yogh;e a&yogh;en in to the lond of
&yogh;oure possessioun, and &yogh;e schulen dwelle
in that lond which Moises, `seruaunt of
the Lord, &yogh;af to &yogh;ou ouer Jordan, a&yogh;ens
the `rysyng of the sunne.
16 And thei answeriden
to Josue, and seiden, We schulen
do alle thingis whiche thou comaundidist
to vs, and we schulen go, whidir euer thou
sendist vs;
17 as we obeieden in alle thingis
to Moises, so we schulen obeie also to
thee; oneli thi Lord God be with thee, as
he was with Moyses.
18 Die he that a&yogh;enseith
thi mouth, and obeieth not to alle
thi wordis, whiche thou comaundist to
hym; oneli be thou coumfortid, and do
thou manli.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
