Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XX.
1 And Y say an aungel comynge doun
fro heuene, hauynge the keie of depnesse,
and a greet chayne in his hoond.
2 And
he cau&yogh;te the dragoun, the elde serpent,
that is the deuel and Sathanas; and he
boonde hym bi a thousynde &yogh;eeris.
3 And
he sente hym `in to depnesse, and closide
on hym, that he disseyue no more
the folkis, til a thousynde &yogh;eeris be fillid.
Aftir these thingis it bihoueth hym to
be vnboundun a litil tyme.
4 And Y say
seetis, and thei saten on hem, and doom
was &yogh;ouun to hem. And the soulis of
men biheedid for the witnessyng of Jhesu,
-- --
and for the word of God, and hem
that worschipiden not the beeste, nether
the ymage of it, nethir token the carect
of it in her forheedis, nethir in her
hoondis. And thei lyueden, and regneden
with Crist a thousynde &yogh;eeris.
5 Othere
of deed men lyueden not, til a thousynde
&yogh;eeris ben endid. This is the first a&yogh;en
risynge.
6 Blessid and hooli is he, that
hath part in the firste a&yogh;enrysyng. In
these men the secunde deth hath not
power; but thei schulen be prestis of
God, and of Crist, and thei schulen
regne with hym a thousynde &yogh;eeris.
7 And
whanne a thousynde &yogh;eeris schulen be
endid, Sathanas schal be vnboundun of
his prisoun; and he schal go out, and
schal disseyue folkis, that ben on foure
corners of the erthe, Gog and Magog.
And he schal gadere hem in to batel,
whos noumbre is as the grauel of the
see.
8 And thei stieden vp on the broodnesse
of erthe, and enuyrounede the
castels of seyntis, and the louyd citee.
9 And fier cam doun `of God fro heuene,
and deuourede hem. And the deuel,
that disseyuede hem, was sent in to the
pool of fier and of brymston,
10 where
bothe the beeste and fals prophetis schulen
be turmentid dai and ni&yogh;t, in to
worldis of worldis.
11 Amen. And Y say
a greet white trone, and oon sittynge on
it, fro whos si&yogh;t erthe fled and heuene;
and the place is not foundun `of hem.
12 And Y sai deed men, grete and smale,
stondynge in the si&yogh;t of the trone; and
bookis weren opened, and deed men
weren demed of these thingis that weren
writun in the bookis, aftir the werkis of
hem.
13 And the see &yogh;af his deed men,
that weren in it; and deth and helle
-- --
&yogh;auen her deed men, that weren in hem.
And it was demed of ech, aftir the
werkis of hem.
14 And helle and deth
weren sent in to a poole of fier. `This
is the secunde deth.
15 And he that was
not foundun writun in the book of lijf,
was sent in to the pool of fier.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
