Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. II.
1 But also false prophetis weren in the
puple, as in &yogh;ou schulen be maistris
lieris, that schulen bringe in sectis of
perdicioun; and thei denyen thilke Lord
that bou&yogh;te hem, and bringen on hem
silf hasti perdicioun.
2 And many schulen
sue her letcheries, bi whiche the weie of
treuthe schal be blasfemyd;
3 and thei
schulen make marchaundie of &yogh;ou in
coueytise bi feyned wordis. To whiche
doom now a while ago ceessith not note, and
the perdicioun of hem nappith not.
4 For
if God sparide not aungels synnynge, but
bitook hem to be turmentid, and to be
drawun doun with boondis of helle in to
helle, to be kept in to dom note;
5 and sparide
not the firste world, but kept Noe, the
ei&yogh;the man, the biforgoere of ri&yogh;twisnesse,
and brou&yogh;te in the greet flood to
the world of vnfeithful men;
6 and he
droof in to poudre the citees of men of
Sodom and of men of Gommor, and
dampnede bi turnyng vpsedoun, and
putte hem the ensaumple of hem that
weren to doynge yuele;
7 and delyuerid
the iust Loth, oppressid of the wrong,
and of the letcherouse conuersacioun of
cursid men;
8 for in si&yogh;t and hering he
was iust, and dwellide amongst hem that
fro dai in to dai turmentiden with wickid
werkis a iust soule.
9 For the Lord kan
delyuere piteuouse men fro temptacioun,
and kepe wickid men `in to the dai of
-- --
dom to be turmentid;
10 but more hem note
that walken aftir the fleisch, in coueytinge
of vnclennesse, and dispisen lordschiping,
and ben boold, plesynge hem silf,
and dreden not to bringe in sectis, blasfemynge;
where aungels,
11 whanne thei
ben more in strengthe and vertu, beren
not `that was the execrable doom a&yogh;ens
hem.
12 But these ben as vnresonable
beestis, kyndli in to takyng, and in to
deth, blasfemynge in these thingis that
thei knowen not, and schulen perische in
her corrupcioun,
13 and resseyue the hire of
vnri&yogh;twisnesse. And thei gessen delicis
of defouling note and of wemme, to be likyngis
of dai, flowynge in her feestis with delicis,
doynge letcherie with &yogh;ou,
14 and han
i&yogh;en ful of auowtrie, and vnceessynge
trespas, disseyuynge vnstidfast soulis,
and han the herte excercisid to coueitise;
the sones of cursyng,
15 that forsaken the
ri&yogh;t weie, and erriden, suynge the weie of
Balaam of Bosor, which louyde the hire
of wickidnesse.
16 But he hadde repreuyng
of his woodnesse; a doumb beest vndur
&yogh;ok, that spak with vois of man, that
forbede the vnwisdom of the profete.
17 These ben wellis with out watir, and
mystis dryuun with `whirlinge wyndys,
to whiche the thicke mijst of derknessis
is reseruyd.
18 And thei speken in pryde
of vanyte, and disseyuen in desiris of
fleisch of letcherie hem, that scapen a
litil.
19 Whiche lyuen in errour, and biheten
fredom to hem, whanne thei ben seruauntis
of corrupcioun. For of whom
ony man is ouercomun, of hym also he is
-- --
seruaunt.
20 For if men forsaken the vnclennessis
of the world, bi the knowyng
of oure Lord and sauyour Jhesu Crist,
and eftsone ben wlappid in these, and
ben ouercomun, the lattere thingis ben
maad to hem worse than the formere.
21 For it was betere to hem to not knowe
the weie of ri&yogh;twisnesse, than to turne
a&yogh;en aftir the knowyng, fro that hooli
maundement that was bitakun to hem.
22 For thilke very prouerb bifelde to hem,
The hound turnede a&yogh;en to his castyng,
and a sowe is waischun in walwyng in
fenne.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
