Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. II.
1 Mi britheren, nyle &yogh;e haue the feith of
oure Lord Jhesu Crist of glorie, in accepcioun
of persoones.
2 For if a man `that
hath a goldun ring, and in a feire clothing,
cometh in &yogh;oure cumpany, and a
pore man entrith in a foul clothing,
3 and
if &yogh;e biholden in to hym that is clothid
with clere clothing, and if &yogh;e seie to
hym, Sitte thou here wel; but to the
-- --
pore man &yogh;e seien, Stonde thou there,
ethir sitte vndur the stool of my feet;
whether &yogh;e demen not anentis &yogh;ou silf,
4
and ben maad domesmen of wickid
thou&yogh;tis?
5 Heere &yogh;e, my moost dereworthe
britheren, whethir God chees not
pore men in this world, riche in feith,
and eiris of the kyngdom, that God bihi&yogh;te
to men that louen him?
6 But &yogh;e
han dispisid the pore man. Whether
riche men oppressen not &yogh;ou bi power,
and thei drawen &yogh;ou to domes?
7 Whether
thei blasfemen not the good name, that
is clepid to help on &yogh;ou?
8 Netheles if &yogh;e
performen the kingis lawe, bi scripturis,
Thou schalt loue thi nei&yogh;bour as thi silf,
&yogh;e don wel.
9 But if &yogh;e taken persones, &yogh;e
worchen synne, and ben repreued of the
lawe, as trespasseris.
10 And who euere
kepith al the lawe, but offendith in oon,
he is maad gilti of alle note.
11 For he that
seide, Thou schalt do no letcherie, seide
also, Thou schalt not sle; that if thou
doist not letcherie, but thou sleest, thou
art maad trespassour of the lawe.
12 Thus
speke &yogh;e, and thus do &yogh;e, as bigynnynge
to be demyd bi the lawe of fredom.
13 For
whi dom with out merci is to hym, that
doith no mercy; but merci aboue reisith
dom.
14 Mi britheren, what schal it profite,
if ony man seie that he hath feith,
but he hath not the werkis? whether
feith schal mowe saue hym?
15 And if a
brother ethir sister be nakid, and han
nede of ech daies lyuelode,
16 and if ony of
&yogh;ou seie to hem, Go &yogh;e in pees, be &yogh;e maad
hoot, and be &yogh;e fillid; but if &yogh;e &yogh;yuen
not to hem tho thingis that ben necessarie
to bodi, what schal it profite?
17 So
also feith, if it hath not werkis, is deed
in it silf.
18 But summan schal seie note, Thou
-- --
hast feith, and Y haue werkis; schewe
thou to me thi feith with out werkis,
and Y schal schewe to thee my feith of
werkis.
19 Thou bileuest, that o God is;
thou doist wel; and deuelis bileuen, and
tremblen.
20 But wolt thou wite, thou
veyn man, that feith with out werkis is
idul?
21 Whether Abraham, oure fadir,
was not iustified of werkis, offringe Ysaac,
his sone, on the auter?
22 Therfor thou
seest, that feith wrou&yogh;te with hise werkis,
and his feith was fillid of werkis.
23 And
the scripture was fillid, seiynge, Abraham
bileuede to God, and it was arettid to
hym to ri&yogh;twisnesse, and he was clepid
the freend of God.
24 &YOGH;e seen that a man
is iustified of werkis, and not of feith
oneli.
25 In lijk maner, and whether also
Raab, the hoore, was not iustified of
werkis, and resseyuede the messangeris,
and sente hem out bi anothir weie?
26 For
as the bodi with out spirit is deed, so also
feith with out werkis is deed.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
