Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXIV.
1 Therfor Moyses stiede fro the feeldi
places of Moab on the hil of Nebo, in to
the cop of Fasga, a&yogh;ens Gerico. And the
Lord schewide to hym al the lond of Galaad
`til to Dan,
2 and al Neptalym, and
the lond of Effraym and of Manasses, and
al the lond of Juda, `til to the laste see;
and the south part,
3 and the breede of the
feeld of Jerico, of the citee of Palmes `til
to Segor.
4 And the Lord seide to hym,
This is the lond for which Y swoor to
Abraham, Isaac, and Jacob; and Y seide,
Y schal &yogh;yue it to thi seed; thou hast seyn
it with thin i&yogh;en, and thou schalt not passe
`to it.
5 And Moyses, the seruaunt of the
Lord, was deed there, in the lond of Moab,
`for the Lord comaundide.
6 And the Lord
biriede hym note in a valey of the lond of
Moab, a&yogh;ens Fegor, and no man knewe
his sepulcre `til in to present day.
7 Moises
was of an hundrid and twenti &yogh;eer whanne
he diede; his i&yogh;e dasewide not, nethir hise
teeth weren stirid.
8 And the sones of
-- --
Israel biwepten hym thretti daies in the
feeldi places of Moab; and the daies of
weilyng of men `bymorenynge Moises
weren fillid.
9 Forsothe Josue, the sone of
Nun, was fillid with `the spyrit of wisdom,
for Moises settide hise hondis on
hym; and the sones of Israel obeieden to
Josue, and diden as the Lord comaundide
to Moises.
10 And `a profete roos no more
in Israel `as Moises note, whom the Lord
knewe face to face,
11 in alle myraclis, and
grete wondris, whiche the Lord sente bi
hym, that he schulde do in the lond of
Egipt to Farao, and alle hise seruauntis,
and to al the lond `of hym,
12 and al
strong hond, and the `grete merueylis,
whiche Moyses dide bifor al Israel.
Here endith Deutronomy, and here bigynneth
the book of Josue.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
