Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXIX.
1 These ben the wordis of boond of pees,
which the Lord comaundide to Moyses,
that he schulde smyte with the sones of
Israel in the lond of Moab, outakun that
bond of pees, which he couenauntide with
hem in Oreb.
2 And Moises clepid al Israel,
-- --
and seide to hem, &YOGH;e sien alle
thingis whiche the Lord dide bifor &yogh;ou
in the lond of Egipt, to Farao and alle
hise seruauntis, and to al his lond;
3 the
greet temptaciouns whiche thin i&yogh;en sien,
`tho signes, and grete wondris.
4 And
the Lord &yogh;af not to &yogh;ou an herte vndurstondynge,
and i&yogh;en seynge, and eeris that
moun here, til in to present dai.
5 He
ledde &yogh;ou bi fourti &yogh;eer thoru&yogh; deseert;
&yogh;oure clothis weren not brokun, nether
the schoon of &yogh;oure feet weren waastid bi
eldnesse;
6 &yogh;e eetun not breed, &yogh;e drunken
not wyn and sidur, that &yogh;e schulden wite
that he is &yogh;oure Lord God.
7 And &yogh;e camen
to this place; and Seon, the kyng of Esebon
&yogh;ede out, and Og, the kyng of Basan,
and camen to us to batel. And we han
smyte hem,
8 and we token awey the lond
`of hem, and we &yogh;auen `the lond to possessioun,
to Ruben, and to Gad, and to
the half lynage of Manasses.
9 Therfor
kepe &yogh;e the wordis of this couenaunt, and
fille &yogh;e tho, that &yogh;e vndirstonde all
thingis whiche &yogh;e schulen do.
10 Alle &yogh;e
stonden to day bifor &yogh;oure Lord God,
&yogh;oure princes, and lynagis, and the grettere
men in birthe, and techeris, al the
puple of Israel,
11 fre children, and &yogh;oure
wyues, and comelyngis that dwellen with
thee in castels, outakun the heweris of
stonus, and outakun hem that beren watris;
12 that thou go in the boond of pees
of thi Lord God, and in the ooth which
thi Lord God smytith with thee,
13 that he
reise thee in to a puple to hym silf, and
that he be thi Lord God, as he spak to
thee, and as he swoor to thi fadris, to
Abraham, Ysaac, and Jacob.
14 And not to
&yogh;ou aloone Y smyte this loond of pees,
and conferme these othis,
15 but to alle men,
-- --
present and absent.
16 For &yogh;e witen hou we
dwelliden in the lond of Egipt, and how
we passiden bi the myddis of naciouns;
whiche &yogh;e passiden,
17 and si&yogh;en abhomynaciouns
and filthis, that is, idols `of hem,
tre and stoon, siluer and gold, whiche
thei worschipiden.
18 Lest perauenture among
&yogh;ou be man ether womman, meyne
ether lynage, whos herte is turned away
to dai fro &yogh;oure Lord God, that he go,
and serue the goddis of tho folkis; and a
roote note buriounnynge galle and bitternesse
be among &yogh;ou;
19 and whanne he hath herd
the wordis of this ooth, he blesse hym
silf note in his herte, and seie, Pees schal be
to me, and Y schal go in the schrewidnesse
of myn herte; and lest the drunkun
take the thirsti,
20 and the Lord forgyue not
to hym, but thanne ful greetli his strong
veniaunce be feers, and the feruour a&yogh;ens
that man, and alle the cursis that ben
writun in this book `sitte on hym; and
`the Lord do away his name vndur heuene,
21 and waaste hym in to perdicioun
fro alle the lynagis of Israel, bi the cursis
that ben conteyned in the book of this
lawe and of boond of pees.
22 And the generacioun
suynge schal seie, and the sones
that schulen be borun aftirward, and pilgrimys
that schulen come fro fer, seynge
the veniauncis of that lond, and the sikenessis
bi whiche the Lord turmentide that
lond,
23 brennynge `that lond with brymston
and heete of the sunne, so that it be
no more sowun, nether bringe forth ony
grene thing, in to ensaumple of destriyng
of Sodom and of Gommorre, of Adama
and of Seboym, whiche the Lord destriede
in his ire and stronge veniaunce.
24 And
alle folkis schulen seie, Whi dide the Lord
so to this lond? What is the greet ire of
his stronge veniaunce?
25 and thei schulen
answere, For thei forsoken the couenaunt
of the Lord, whiche he couenauntide with
her fadris, whanne he ledde hem out of
-- --
the lond of Egipt,
26 and thei serueden alien
goddis, and worschipiden hem, whiche thei
knewen not, and to whiche thei weren not
&yogh;ouun;
27 therfor the strong veniaunce of
the Lord was wrooth a&yogh;ens this lond, that
he brou&yogh;te yn on it alle the cursis that
ben writun in this book;
28 and he castide
hem out of her lond, in ire and strong
veniaunce, and in gretteste indignacioun;
and he castide forth in to an alien lond,
as it is preued to dai.
29 Thingis ben hid note
of oure Lord God, `that is, in his biforknowing,
whiche thingis ben schewid
to us, and to oure sones with outen ende,
that we do alle the wordis of this lawe.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
