Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIX.
1 Whanne thi Lord God hath distried the
folkis, whose lond he schal &yogh;yue to thee,
and thou hast weldid it, and hast dwellid
in the citees and housis therof;
2 thou
schalt departe thre citees to thee `in the
myddis of the lond which thi Lord God
schal &yogh;yue to thee into possessioun.
3 Thou
schalt make redi diligentli the weye, and
thou schalt departe euenly in to thre
partis al the prouynce of thi lond, that
he that is exilid for mansleyng, haue `of
ny&yogh; whidur he may ascape.
4 This schal
be the lawe of a mansleere fleynge, whos
lijf schal be kept. If a man smytith vnwityngli
his nei&yogh;bore, and which is preuyd
to haue not had ony hatered a&yogh;ens hym &yogh;istirdai
and the thridde dai agoon,
5 but to
haue go sympli with hym in to the wode
to hewe doun trees, and in the fellyng
doun of trees the axe fleeth fro the hond,
and the yrun slidith fro the helue, and
smytith, and sleeth his freend; this man
schal flee to oon of the forseid citees, and
schal lyue;
6 lest perauenture the next
kynesman of hym, whos blood is sched
out, be prickid with sorewe, and `pursue,
and take hym, if the weie is lengere,
and smyte `the lijf of hym which is not
gilti of deeth; for it is schewid that he
hadde not ony hatered bifore a&yogh;ens hym
that is slayn.
7 Therfor Y comaunde to thee,
that thou departe thre citees of euene
space bitwixe hem silf.
8 Forsothe whanne
thi Lord God hath alargid thi termes, as
he swoor to thi fadris, and hath &yogh;oue to
thee al the lond which he bihi&yogh;te to hem;
-- --
if netheles thou kepist hise comaundementis,
9
and doist tho thingis whiche Y
comaunde to thee to day, that thou loue
thi Lord God, and go in hise weies in al
tyme, thou schalt adde to thee thre othere
citees, and thou schalt double the noumbre
of the forseid citees,
10 that gilteles blood be
not sched out in the myddis of the lond
which thi Lord God schal &yogh;yue to thee to
haue in possessioun, lest thou be gilti of
blood.
11 Forsothe if ony man hatith his
nei&yogh;bore, and settith aspies, `ether tresouns,
to his lijf, and risith, and smytith
him, and he is deed, and he fleeth to oon
of the forseid citees,
12 the eldere men of that
citee schulen sende, and `thei schulen take
hym fro the place of refuyt; and thei schulen
bitake hym in to the hond of the
nexte kynesman of hym, whos blood is
sched out,
13 and he schal die, and thou
schalt not haue mercy on hym; and thou
schalt do awey gilti blood fro Israel, that
it be wel to thee.
14 Thou schalt not take,
and turne ouer the termes of thi nei&yogh;bore,
which the formere men settiden in thi
possessioun, which thi Lord God schal
&yogh;yue to thee in the lond, `which lond thou
schalt take `to be weldid.
15 O witnesse
schal not stonde a&yogh;ens ony man, what euer
thing it is of synne and of wickidnesse;
but ech word schal stonde in the mouth
of tweyne ethir of thre witnessis.
16 If a
fals witnesse stondith a&yogh;ens a man, and
accusith hym of brekyng of the lawe,
bothe,
17 of whiche the cause is, schulen
stonde bifor the Lord, in the si&yogh;t of
preestis, and of iugis, that ben in tho daies.
18 And whanne thei sekynge moost diligentli
han founde that the fals witnesse seide a
leesyng a&yogh;ens his brothir,
19 thei schulen
&yogh;elde to hym, as he thou&yogh;te to do to his
brother; and thou schalt do awey yuel fro
-- --
the myddis of thee, that othere men here,
20
and haue drede, and be no more hardi to
do siche thingis.
21 Thou schalt not haue
mercy on hym, but thou schalt axe lijf
for lijf, i&yogh;e for i&yogh;e, tooth for tooth, hond
for hond, foot for foot.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
