Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VIII.
But Saul was consentynge to his deth.
1 And greet persecucioun was maad that
dai note in the chirche, that was in Jerusalem.
And alle men weren scatered bi
the cuntrees of Judee and Samarie, outakun
the apostlis.
2 But good men note birieden
Steuene, and maden greet mornyng
on hym.
3 But Saul greetli distruyede
the chirche, and entryde bi housis, and
drowe men and wymmen, and bitook
hem in to prisoun.
4 And thei that weren
scaterid, passiden forth, prechynge the
word of God.
5 And Filip cam doun in
to a citee of Samarie, and prechide to
hem Crist.
6 And the puple &yogh;af tent to
thes thingis that weren seid of Filip,
-- --
with o wille herynge and seynge the
signes that he dide.
7 For manye of hem
that hadden vnclene spirits, crieden with
a greet vois, and wenten out.
8 And manye
sijk in the palsi, and crokid, weren heelid.
9 Therfor greet ioye was maad in that
citee. But there was a man in that
citee, whos name was Symount, a witche,
that hadde disseyued the folc of Samarie,
seiynge, that him silf was sum greet
man.
10 Whom alle herkeneden, fro the leest
to the moost, and seiden, This is the
vertu of God, which is clepid greet.
11 And
thei leueden hym, for long tyme he
hadde maddid hem with his witche
craftis.
12 But whanne thei hadden bileued
to Filip, `that prechide of the
kingdom of God, men and wymmen
weren baptisid in the name of Jhesu
Crist.
13 And thanne also Symount him silf
bileued; and whanne he was baptisid,
he drou&yogh; to Filip; and he sai also that
signes and grete vertues weren don, he
was astonyed, and wondride.
14 But whanne
the apostlis note that weren at Jerusalem,
hadden herd that Samarie hadde resseyued
the word of God, thei senten to
hem Petre and Joon.
15 And whanne thei
camen, thei preieden for hem, that thei
schulden resseyue the Hooli Goost;
16 for
he cam not &yogh;it in to ony of hem note, but
thei weren baptisid oonli in the name of
the Lord Jhesu.
17 Thanne thei leiden
hoondis on hem, and thei resseyueden
the Hooli Goost.
18 And whanne Symount
hadde seyn, that the Hooly Goost was
&yogh;ouun bi leiyng on of the hoondis of
the apostlis, and he proferide to hem money,
and seide,
19 &YOGH;yue &yogh;e also to me this
power, that whom euere Y schal leye
on myn hoondis, that he resseyue the
-- --
Hooli Goost.
20 But Petir seide to hym,
Thi money be with thee into perdicioun,
for thou gessidist the &yogh;ifte of God
schulde be had for monei.
21 Ther is no
part, ne sort to thee, in this word, for
thin herte is not ri&yogh;tful bifor God.
22 Therfor
do thou penaunce for this wickidnesse
of thee, and preie God, if perauenture
this thou&yogh;t of thin herte be for&yogh;ouun
to thee.
23 For Y se that thou art in the
gall of bitternesse and in the boond of
wickidnesse.
24 And Symount answeride,
and seide, Preie &yogh;e for me to the Lord,
that no thing of these thingis that &yogh;e
han seid, com on me.
25 And thei witnessiden,
and spaken the word of the Lord,
and &yogh;eden a&yogh;en to Jerusalem, and prechiden
to many cuntrees of Samaritans.
26 And an aungel of the Lord spak to Filip,
and seide, Ryse thou, and go a&yogh;ens the
south, to the weie that goith doun fro
Jerusalem in to Gasa; this is desert.
27 And he roos, and wente forth. And lo!
a man note of Ethiopie, a my&yogh;ti man seruaunt,
a &yogh;elding of Candace, the queen of
Ethiopiens, which was on alle her richessis,
cam to worschipe in Jerusalem.
28 And he turnede a&yogh;en, sittinge on his
chare, and redinge Isaie, the profete.
29 And the spirit seide to Filip, Nei&yogh;e thou,
and ioyne thee to this chare.
30 And Filip
`ran to, and herde hym redynge Ysaie,
the prophete. And he seide, Gessist
thou, whether thou vndirstondist, what
thingis thou redist?
31 And he seide, How
may Y, if no man schewe to me? And
he preiede Filip, that he schulde come
vp, and sitte with hym.
32 And the place
of the scripture that he redde, was this,
As a scheep he was led to sleyng, and
-- --
as a lomb bifor a man that scherith
him is doumb with out vois, so he openyde
not his mouth.
33 In mekenesse his
dom was takun vp; who schal telle out
the generacioun of hym? For his lijf
schal be takun awei fro the erthe.
34 And
the gelding answeride to Filip, and seide,
Y biseche thee, of `what profete seith
he this thing? of him silf, ethir of ony
othere?
35 And Filip openyde his mouth,
and bigan at this scripture, and prechide
to him Jhesu.
36 And the while thei
wenten bi the weie, thei camen to a
water. And the gelding seide, Lo! watir;
who forbedith me to be baptisid?
37 And Filip seide, If thou bileuest of al
the herte, it is leueful. And he answeride,
and seide, Y bileue that Jhesu Crist
is the sone of God.
38 And he comaundide
the chare to stonde stille. And thei
wenten doun bothe into the watir, Filip
and the gelding, and Filip baptiside
hym.
39 And whanne thei weren come vp
of the watir, the spirit of the Lord
rauyschide Filip, and the gelding say
hym no more.
40 And Filip was foundun
in Azotus; and he passide forth, and
prechide to alle citees, til he cam to
Cesarie.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
