Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXV.
1 Therfor whanne Festus cam in to the
prouynce, aftir the thridde dai he wente
vp to Jerusalem fro Cesarie.
2 And the
princis of prestis, and the worthieste of
the Jewis wenten to hym a&yogh;ens Poul, and
preieden hym,
3 and axiden grace a&yogh;ens
hym, that he schulde comaunde hym to
be led to Jerusalem; and thei settiden
aspies to sle hym in the weie.
4 But Festus
answerde, that Poul schulde be kept in
Cesarie; sotheli that he hym silf schulde
procede more auisili. Therfor he seide,
Thei that in &yogh;ou ben my&yogh;ti,
5 come doun
togidere; and if ony crime is in the man,
accuse thei hym.
6 And he dwellede among
hem no more than ei&yogh;te ether ten daies,
and cam doun to Cesarie; and the tother
dai he sat for domesman, and comaundide
Poul to be brou&yogh;t.
7 And whanne
he was brou&yogh;t forth, Jewis stoden aboute
hym, whiche camen doun fro Jerusalem,
puttynge a&yogh;ens hym many and greuouse
causis, whiche thei mi&yogh;ten not preue.
8 For
Poul &yogh;eldide resoun in alle thingis, That
-- --
nether a&yogh;ens the lawe of Jewis, nether
a&yogh;ens the temple, nether a&yogh;ens the emperoure,
Y synnede ony thing.
9 But Festus
wolde do grace to the Jewis, and answeride
to Poul, and seide, Wolt thou
gon vp to Jerusalem, and there be demyd
of these thingis bifore me?
10 And Poul
seide, At the domplace of the emperour
Y stonde, where it bihoueth me to be
demed. Y haue not noied the Jewis, as
thou knowist wel.
11 For if Y haue noyed,
ether don ony thing worthi deth, Y forsake
not to die; but if no thing of tho
is, that thei accusen me, no man may
&yogh;yue me to hem. Y appele to the emperour.
12 Thanne Festus spak with the
counsel, and answerde, To the emperoure
thou hast appelid, to the emperoure thou
schalt go.
13 And whanne summe daies
weren passid, Agrippa kyng, and Beronyce
camen doun to Cesarie, to welcome
Festus.
14 And whanne thei dwelliden
there many daies, Festus schewide to
the king of Poul, and seide, A man is
left boundun of Felix,
15 of which, whanne
Y was at Jerusalem, princis of preestis
and the eldre men of Jewis camen to
me, and axiden dampnacioun a&yogh;ens hym.
16 To whiche Y answeride, That it is not
custom to Romayns, to dampne ony man,
bifore that he that is accusid haue hise
accuseris present, and take place of defending,
to putte awei the crymes, that
ben putte a&yogh;ens hym.
17 Therfor whanne
thei camen togidere hidir, withouten ony
delaye, in the dai suynge Y sat for
domesman, and comaundide the man to
be brou&yogh;t.
18 And whanne hise accuseris
stoden, thei seiden no cause, of whiche
thingis Y hadde suspicioun of yuel.
19 But
thei hadden a&yogh;ens hym summe questiouns
of her veyn worschiping, and of oon
-- --
Jhesu deed, whom Poul affermyde to
lyue.
20 And Y doutide of siche maner
questioun, and seide, Whether he wolde
go to Jerusalem, and ther be demyd of
these thingis?
21 But for Poul appelide,
that he schulde be kept to the knowing
of the emperoure, Y comaundide him to
be kept, til Y sende hym to the emperoure.
22 And Agrippa seide to Festus, Y
my silf wolde here the man. And he
seide, To morew thou schalt here hym.
23 And on the tother day, whanne Agrippa
and Beronyce camen with greet desire,
and entriden in to the auditorie, with
tribunes and the principal men of the
citee, whanne Festus bad, Poul was
brou&yogh;t.
24 And Festus seide, King Agrippa,
and alle men that ben with vs, &yogh;e seen
this man, of which al the multitude of
Jewis preyede me at Jerusalem, and
axide, and criede, that he schulde lyue
no lenger.
25 But Y foond, that he hadde
don no thing worthi of deth; and Y deme
to sende hym to the emperoure, for he
appelide this thing.
26 Of which man Y
haue not certeyne, what thing Y schal
write to the lord. For which thing Y
brou&yogh;te hym to &yogh;ou, and moost to thee,
thou king Agrippa, that whanne axing is
maad, Y haue what Y schal write.
27 For
it is seyn to me with out resoun, to sende
a boundun man, and not to signifie the
cause of hym.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
