Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. V.
1 For ech bischop takun of men, is ordeyned
for men in these thingis `that
ben to God, that he offre &yogh;iftis and sacrifices
for synnes.
2 Which may togidere
sorewe with hem, that beth vnkunnynge
and erren; for also he is enuyrounned
with infirmytee.
3 And therfor he owith,
as for the puple, so also for hym silf, to
offre for synnes.
4 Nethir ony man taketh
to hym onour, but he that is clepid of
God, as Aaron was.
5 So Crist clarifiede
not hym silf, that he were bischop, but
he that spak to hym, Thou art my sone,
to dai Y gendride thee.
6 As `in anothere
-- --
place he seith, Thou art a prest with
outen ende, aftir the ordre of Melchisedech.
7 Which in the daies of his fleisch
offride, with greet cry and teeris, preieris
and bisechingis to hym that my&yogh;te make
hym saaf fro deth, and was herd for his
reuerence.
8 And whanne he was Goddis
sone, he lernyde obedience of these
thingis that be suffride;
9 and he brou&yogh;t
to the ende is maad cause of euerlastinge
heelthe to alle that obeischen to
hym, and is clepid of God a bischop,
10 bi
the ordre of Melchisedech.
11 Of whom
ther is to vs a greet word for to
seie, and able to be expowned, for &yogh;e
ben maad feble to here.
12 For whanne
&yogh;e ou&yogh;ten to be maistris for tyme, eftsoone
&yogh;e neden that &yogh;e be tau&yogh;t, whiche
ben the lettris of the bigynnyng of
Goddis wordis. And &yogh;e ben maad thilke,
to whiche is nede of mylk, and not sad
mete.
13 For ech that is parcenere of
mylk note, is with out part note of the word of
ri&yogh;twisnesse, for he is a litil child.
14 But
of perfit men is sad mete, of hem that
for custom han wittis exercisid to discrecioun
of good and of yuel.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
