Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XII.
1 Therfor we that han so greet a cloude
of witnessis put to, do we awei al charge,
and synne stondinge aboute vs, and bi
pacience renne we to the batel purposid
to vs,
2 biholdinge in to the makere
of feith, and the perfit endere, Jhesu;
which whanne ioye was purposid to
hym, he suffride the cros, and dispiside
confusioun, and sittith on the ri&yogh;thalf of
the seet of God.
3 And bithenke &yogh;e on
hym that suffride siche `a&yogh;en seiynge of
-- --
synful men a&yogh;ens hym silf, that &yogh;e be not
maad wery, failinge in &yogh;oure soulis.
4 For
&yogh;e a&yogh;enstoden not &yogh;it `til to blood, fi&yogh;tyng
a&yogh;ens synne.
5 And &yogh;e han for&yogh;et the
coumfort that spekith to &yogh;ou as to sones,
and seith, My sone, nyle thou dispise the
teching of the Lord, nether be thou maad
weri, the while thou art chastisid of
hym.
6 For the Lord chastisith hym that
he loueth; he betith euery sone that he
resseyueth.
7 Abide &yogh;e stille in chastising;
God proferith hym to &yogh;ou as to sones.
For what sone is it, whom the fadir
chastisith not?
8 That if &yogh;e `ben out of
chastising, whos parteneris ben &yogh;e alle
maad, thanne &yogh;e ben auowtreris, and
not sones.
9 And aftirward we hadden
fadris of oure fleisch, techeris, and we
with reuerence dredden hem. Whethir
not myche more we schulen obeische to
the fadir of spiritis, and we schulen
lyue?
10 And thei in tyme of fewe dayes
tau&yogh;ten vs bi her wille; but this fadir
techith to that thing that is profitable,
in resseyuynge the halewing of hym.
11 And ech chastisyng in present tyme
semeth to be not of ioye, but of sorewe;
but aftirward it schal &yogh;elde fruyt of ri&yogh;twisnesse
moost pesible to men exercisid
bi it.
12 For whiche thing reise &yogh;e slowe
hondis,
13 and knees vnboundun, and make
&yogh;e ri&yogh;tful steppis to &yogh;oure feet; that no
man haltinge erre, but more be heelid.
14 Sue &yogh;e pees with alle men, and holynesse,
with out which no man schal se
God.
15 Biholde &yogh;e, that no man faile to
the grace of God, that no roote of bittirnesse
buriownynge vpward lette, and
manye ben defoulid bi it;
16 that no man
-- --
be letchour, ether vnhooli, as Esau,
which for o mete seelde hise firste
thingis.
17 For wite &yogh;e, that afterward
he coueitinge to enherite blessing, was
repreued. For he foond not place of
penaunce, thou&yogh; he sou&yogh;te it with teeris.
18 But &yogh;e han not come to the fier able to
be touchid, and able to come to, and to
the whirlewynd, and myst, and tempest,
and soun of trumpe, and vois of wordis;
19
which thei that herden, excusiden hem,
that the word schulde not be maad to
hem.
20 For thei beren not that that was
seid, And if a beeste touchide the hil,
it was stonyd.
21 And so dredeful it was
that was seyn, that Moises seide, Y am
a ferd, and ful of trembling.
22 But &yogh;e han
come ny&yogh; to the hil Sion, and to the
cite of God lyuynge, the heuenli Jerusalem,
and to the multitude of many
thousynde aungels,
23 and to the chirche
of the firste men, whiche ben writun in
heuenes, and to God, domesman of alle,
and to the spirit of iust perfit men,
24 and
to Jhesu, mediatour of the newe testament,
and to the sprenging of blood,
`betere spekinge than Abel.
25 Se &yogh;e, that
&yogh;e forsake not the spekere; for if thei
that forsaken him that spak on the
erthe, aschapide not, myche more we
that turnen awei fro him that spekith
to vs fro heuenes.
26 Whos vois than
mouyde the erthe, but now he a&yogh;en bihetith,
and seith, &YOGH;it onys and Y schal
moue not oneli erthe, but also heuene.
27 And that he seith, &YOGH;it onys, he declarith
the translacioun of mouable thingis, as
-- --
of maad thingis, that tho thingis dwelle,
that ben vnmouable.
28 Therfor we resseyuynge
the kingdom vnmouable, haue
we grace, bi which serue we plesynge to
God with drede and reuerence.
29 For oure
God is fier that wastith.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
