Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
1 Poul, the boundun of Crist Jhesu,
and Timothe, brother, to Filemon, bilouyd,
and oure helpere, and to Appia,
2
most dere sister, and to Archip, oure
euene kni&yogh;t, and to the chirche that is
in thin hous,
3 grace be to &yogh;ou, and pees
of God oure fader, and of the Lord Jhesu
Crist.
4 I do thankingis to my God, euere
more makinge mynde of thee in my
preieris,
5 heringe thi charite and feith,
-- --
that thou hast in the Lord Jhesu, and
to alle hooli men,
6 that the comynyng
of thi feith be maad opyn, in knowing
of al good thing in Crist Jhesu.
7 And
Y hadde greet ioye and coumfort in thi
charite, for the entrailis of hooli men
restiden bi thee, brother.
8 For which
thing Y hauynge myche trist in Crist
Jhesu, to comaunde to thee that that
perteyneth to profit;
9 but Y biseche more
for charite, sithen thou art siche as the
elde Poul, and now the boundun of Jhesu
Crist.
10 Y biseche thee for my sone Onesyme,
whom Y in boondis bigat,
11 which
sumtyme was vnprofitable to thee, but
now profitable bothe to thee and to me;
whom Y sente a&yogh;en to thee.
12 And resseyue
thou hym as myn entrailis;
13 whom
Y wolde withholde with me, that he
schulde serue for thee to me in boondis
of the gospel;
14 but with out thi counseil
Y wolde not do ony thing, that thi good
schulde not be as of nede, but wilful.
15 For perauenture therfor he departide fro
thee for a tyme, that thou schuldist
resseyue hym with outen ende;
16 now
not as a seruaunt, but for a seruaunt
a most dere brother, most to me; and
how myche more to thee, bothe in
fleisch and in the Lord?
17 Therfor if thou
hast me a felowe, resseyue hym as me;
for if he hath ony thing anoied thee,
18
ethir owith, arette thou this thing to me.
19 Y Poul wroot with myn hoond, Y schal
&yogh;elde; that Y seie not to thee, that also
thou owist to me thi silf.
20 So, brothir,
Y schal vse thee in the Lord; fille
thou myn entrails in Crist.
21 Y tristnynge
of thin obedience wroot to thee,
-- --
witynge that thou schalt do ouer that
that Y seie.
22 Also make thou redi to me
an hous to dwelle in; for Y hope that
bi &yogh;oure preyeris Y schal be &yogh;ouun to
&yogh;ou.
23 Epafras, prisoner with me in Crist
Jhesu,
24 greetith thee wel, and Mark,
Aristark, Demas, Lucas, myn helperis.
25 The grace of oure Lord Jhesu Crist be
with &yogh;oure spirit. Amen.
Heere endith the pistle to Philemon, and biginnith the prologe on the pistle to Ebrewis.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
