Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. III.
1 For which thing we suffriden no lengere,
and it pleside to vs to dwelle aloone
at Atenys;
2 and we senten Tymothe,
oure brother, and mynystre of God in
the euangelie of Crist, to &yogh;ou to be confermyd,
and to be tau&yogh;t for &yogh;oure feith,
3 that no man be mouyd in these tribulaciouns.
For &yogh;e silf witen, that in this
this thing we ben set.
4 For whanne we
weren at &yogh;ou, we biforseiden to &yogh;ou, that
we schulden suffre tribulaciouns; as it is
don, and &yogh;e witen.
5 Therfor Y Poul, no
lenger abidinge, sente to knowe &yogh;oure
feith, lest perauenture he that temptith
tempte &yogh;ou, and &yogh;oure trauel be maad
veyn.
6 But now, whanne Tymothe schal
come to vs fro &yogh;ou, and telle to vs &yogh;oure
feith and charite, and that &yogh;e han good
mynde of vs, euere desyringe to se vs,
as we also &yogh;ou;
7 therfor, britheren, we
ben coumfortid in &yogh;ou, in al oure nede
and tribulacioun, bi &yogh;oure feith.
8 For
now we lyuen, if &yogh;e stonden in the Lord.
9 For what doyng of thankingis moun we
&yogh;elde to God for &yogh;ou, in al ioye, in which
we ioyen for &yogh;ou bifor oure Lord?
10 ny&yogh;t
and dai more plenteuousli preiynge, that
we se &yogh;oure face, and fulfille tho thingis
-- --
that failen to &yogh;oure feith.
11 But God
hym silf and oure fadir, and the Lord
Jhesu Crist, dresse oure weye to &yogh;ou.
12 And the Lord multiplie &yogh;ou, and make
&yogh;oure charite to be plenteuouse of ech
to othere, and in to alle men, as also we
in &yogh;ou;
13 that &yogh;oure hertis ben confermyd
with outen pleynt in holynesse, bifor God
and oure fadir, in the comyng of oure
Lord Jhesu Crist with alle hise seyntis.
Amen.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
