Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 Poul, and Siluan, and Tymothe, to the
chirche of Tessalonicensis, in God the
fadir,
2 and in the Lord Jhesu Crist, grace
and pees to &yogh;ou. We doon thankyngis
to God euere more for alle &yogh;ou, and we
maken mynde of &yogh;ou in oure preyeris
-- --
withouten ceessyng;
3 hauynge mynde
of the werk of &yogh;oure feith, and trauel,
and charite, and abyding of the hope of
oure Lord Jhesu Crist, bifor God and
oure fadir.
4 &YOGH;e louyde britheren of God,
we witinge &yogh;oure chesing;
5 for oure gospel
was not at &yogh;ou in word oneli, but also in
vertu, and in the Hooli Goost, and in
myche plente; as &yogh;e witen, whiche we
weren among &yogh;ou for &yogh;ou;
6 and &yogh;e ben
maad foleweris of vs, and of the Lord,
resseyuynge the word in myche tribulacioun,
with ioye of the Hooli Goost;
7 so that &yogh;e ben maad ensaumple to alle
men that bileuen, in Macedonye and in
Acaie.
8 For of &yogh;ou the word of the
Lord is pupplischid, not oneli in Macedonye
and Acaie, but &yogh;oure feith that
is to God, in ech place is gon forth; so
that it is not nede to vs to speke ony
thing.
9 For thei schewen of &yogh;ou, what
maner entre we hadden to &yogh;ou, and hou
&yogh;e ben conuertid to God fro maumettis,
to serue to the lyuynge God and veri;
and to abide his sone fro heuenes,
10 whom
he reiside fro deth, the Lord Jhesu,
that delyuerede us fro wraththe to comynge.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|