Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXIV.
51 Comaunde thou to the sones of Israel,
and seie thou to hem, Whanne &yogh;e han
passid Jordan, and han entrid in to the
lond of Canaan,
52 distrie &yogh;e alle the dwelleris
of that cuntrey; breke &yogh;e the titlis,
`that is, auteris, and dryue &yogh;e to poudre
the ymagis, and distrie &yogh;e alle hei&yogh;
thingis,
53 and clense &yogh;e the lond, and alle
men dwellynge thereynne. For Y &yogh;af to
54 &yogh;ou that lond into possessioun whiche &yogh;e
schulen departe to &yogh;ou bi lot; to mo men
&yogh;e schulen &yogh;yue largere lond, and to fewere
men streytere lond, as lot fallith to alle
men, so eritage schal be &yogh;ouun; possessioun
schal be departid bi lynagis and
meynees.
55 But if &yogh;e nylen sle the dwelleris
of the lond, thei, that abiden, schulen be
to &yogh;ou as nailes in the i&yogh;en, and speris in
the sidis, `that is, deedli aduersaries;
and thei schulen be aduersaries to &yogh;ou in
the lond of &yogh;oure abitacioun;
56 and what
euer thing Y thou&yogh;te to do `to hem, Y
schal do to &yogh;ou.
1 And the Lord spak to
Moises,
2 and seide, Comaunde thou to the
sones of Israel, and thou schalt seie to
hem, Whanne &yogh;e han entrid in to the lond
of Canaan, and it bifelde in to possessioun
`to &yogh;ou bi lot, it schal be endid bi these
endis.
3 The south part schal bigynne at
the wildirnesse of Syn, which is bisidis
-- --
Edom, and it schal haue termes a&yogh;ens
the eest,
4 the saltiste see, whiche termes
schulen cumpasse the south coost bi the
`stiynge of Scorpioun, `that is, of an hil
clepid Scorpioun, so that tho passe in
to Senna, and come to the south, `til to
Cades Barne; fro whennus the coostis
schulen go out to the town, Abdar bi
name, and schulen strecche forth `til to
Asemona;
5 and the terme schal go bi cumpas
fro Assemona `til to the stronde of
Egipt, and it schal be endid bi the brynke
of the grete see.
6 Forsothe the west coost
schal bigynne at the greet see, and schal
be closid bi that ende.
7 Sotheli at the
north coost, the termes schulen bigynne
at the greet see, and schulen come `til to
the hi&yogh;este hil note,
8 fro which tho schulen
come in to Emath, `til to the termes of
Sedada;
9 and the coostis schulen go `til
to Ephrona, and the town of Enan.
These schulen be the termes in the
north part.
10 Fro thennus thei schulen
mete coostis a&yogh;ens the eest coost, fro the
town Henan `til to Sephama;
11 and fro
Sephama termes schulen go doun in to
Reblatha, a&yogh;ens the welle `of Daphnyn;
fro thennus tho schulen come a&yogh;ens the
eest to the se of Cenereth;
12 and tho schulen
strecche forth `til to Jordan, and at
the laste tho schulen be closid with the
salteste see. &YOGH;e schulen haue this lond bi
hise coostis `in cumpas.
13 And Moises
comaundide to the sones of Israel, and
seide, This schal be the lond which &yogh;e
schulen welde bi lot, and which the Lord
comaundide to be &yogh;ouun to nyne lynagis
and to the half lynage;
14 for the lynage of
the sones of Ruben, bi her meynees, and
the lynage of the sones of Gad, bi kynrede
and noumbre, and half the lynage of
Manasses,
15 that is, twey lynagis and an
half, han take her part ouer Jordan, a&yogh;ens
-- --
Jerico, at the eest coost.
16 And the Lord
seide to Moises,
17 These ben the `names of
men that schulen departe the lond to &yogh;ou,
Eleazar, preest, and Josue, the sone of
Nun, and of each lynage, o prynce;
18
19 of
whiche these ben the names, of the lynage
of Juda, Caleph, the sone of Jephone;
20 of
the lynage of Symeon, Samuhel, the sone
of Amyud;
21 of the lynage of Beniamyn,
Heliad, sone of Casselon;
22 of the lynage
of the sones of Dan, Bochi, sone of Jogli;
of the sones of Joseph,
23 of the lynage of
Manasses, Hamyel, sone of Ephoth;
24 of
the lynage of Effraym, Camuhel, sone of
Septhan;
25 of the lynage of Zabulon, Elisaphan,
sone of Pharnat;
26 of the lynage
of Isacar, duyk Phaltiel, the sone of Ozan;
of the lynage of Azer,
27 Abyud, the sone of
Salomy;
28 of the lynage of Neptalym, Fedahel,
the sone of Amyud.
29 These men it
ben, to whiche the Lord comaundide, that
thei schulden departe to the sones of Israel
the lond of Chanaan.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
