Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVII.
1 And the Lord spak to Moises, `and seide,
Speke thou to the sones of Israel,
2 and take
thou &yogh;erdis, bi her kynredis, bi ech kynrede
o &yogh;eerde, take thou of alle the princes
of the lynagis twelue &yogh;erdis; and thou
schalt write the name of each lynage
aboue his &yogh;erde;
3 forsothe the name of
Aaron schal be in the lynage of Leuy,
and o &yogh;erde schal conteyne alle the meynees
of hem.
4 And thou schalt putte tho &yogh;erdis
in the tabernacle of boond of pees, bifor
the witnessyng, where Y schal speke to
-- --
thee; the &yogh;erde of hym schal buriowne,
whom Y schal chese of hem;
5 and Y schal
refreyne fro me the playnyngis of the
sones of Israel, bi whiche thei grutchen
a&yogh;ens &yogh;ou.
6 And Moyses spak to the sones
of Israel; and alle princes &yogh;auen to hym
&yogh;erdis, bi alle lynagis; and the &yogh;erdis weren
twelue, without the &yogh;erde of Aaron.
7 And
whanne Moises hadde put tho &yogh;erdis bifor
the Lord, in the tabernacle of witnessyng,
he &yogh;ede a&yogh;en in the day suynge,
8 and
founde that the &yogh;erde of Aaron, `in the
hows of Leuy, buriounnede; and whanne
knoppis weren greet, the blossoms `hadden
broke out, whiche weren alargid in
leeuys, and weren fourmed in to alemaundis.
9 Therfor Moyses brou&yogh;te forth
alle the &yogh;erdis fro the si&yogh;t of the Lord to al
the sones of Israel; and thei sien, and resseyueden
ech his &yogh;erde.
10 And the Lord
seide to Moises, Bere a&yogh;en the &yogh;erde of
Aaron in to the tabernacle of witnessyng,
that it be kept there in to `the signe of
the rebel sones of Israel, and that her
`playntis reste fro me, lest thei dien.
11 And
Moises dide, as the Lord comaundide.
12 Forsothe
the sones of Israel seiden to Moises,
Lo! we ben wastid, alle we perischiden;
13 who euer nei&yogh;eth to the tabernacle of the
Lord, he dieth; whethir note we schulen be
doon awei alle `til to deeth?
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
