Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IV.
1 Therfor, my britheren most dereworthe
and most desirid, my ioye and my
coroun, so stonde &yogh;e in the Lord, most
dere britheren.
2 Y preye Eucodiam, and
biseche Synticem, to vndurstonde the
same thing in the Lord.
3 Also Y preye
and thee, german felow, helpe thou the
ilke wymmen that traueliden with me in
the gospel, with Clement and othere myn
helperis, whos names ben in the book
of lijf.
4 Ioye &yogh;e in the Lord euere more;
eft Y seie, ioye &yogh;e.
5 Be &yogh;oure pacyence
knowun to alle men; the Lord is ni&yogh;.
-- --
6 Be &yogh;e nothing bisi, but in al preyer and
biseching, with doyng of thankyngis, be
&yogh;oure axyngis knowun at God.
7 And
the pees of God, that passith al wit,
kepe &yogh;oure hertis and vndurstondingis
in Crist Jhesu.
8 Fro hennus forth, britheren,
what euere thingis ben sothe,
what euere thingis chast, what euere
thingis iust, what euere thingis hooli,
what euere thingis able to be louyd,
what euere thingis of good fame, if ony
vertu, if ony preising of discipline,
thenke &yogh;e these thingis,
9 that also &yogh;e han
lerud, and take, and heed, and seyn in
me. Do &yogh;e these thingis, and God of
pees schal be with &yogh;ou.
10 But Y ioyede
greetli in the Lord, that sum tyme aftirward
&yogh;e floureden a&yogh;en to feele for me,
as also &yogh;e feeliden. But &yogh;e weren ocupied,
Y seie not as for nede,
11 for Y haue lerud
to be sufficient in whiche thingis Y am.
12 And Y can also be lowid, Y can also
haue plentee. Euery where and in alle
thingis Y am tau&yogh;t to be fillid, and to
hungur, and to abounde, and to suffre
myseiste.
13 Y may alle thingis in hym
that coumfortith me.
14 Netheles &yogh;e han
doon wel, comynynge to my tribulacioun.
15 For and &yogh;e, Filipensis, witen, that in
the bigynnyng of the gospel, whanne Y
wente forth fro Macedonye, no chirche
comynede with me in resoun of thing
&yogh;ouun and takun, but &yogh;e aloone.
16 Whiche
senten to Tessalonyk onys and twies
also in to vss to me.
17 Not for Y seke
&yogh;ifte, but Y requyre fruyt aboundinge
in &yogh;oure resoun.
18 For Y haue alle thingis,
and abounde; Y am fillid with tho
thingis takun of Epafrodite, whiche &yogh;e
-- --
senten in to the odour of swetnesse, a
couenable sacrifice, plesynge to God.
19 And my God fil alle &yogh;oure desire, by
hise richessis in glorie in Crist Jhesu.
20 But to God and oure fadir be glorie
in to worldis of worldis.
21 Amen. Grete
&yogh;e wel euery hooli man in Crist Jhesu.
22 Tho britheren that ben with me, greten
&yogh;ou wel. Alle hooli men greten &yogh;ou wel,
moost sotheli thei that ben of the emperouris
hous.
23 The grace of oure Lord
Jhesu Crist be with &yogh;oure spirit. Amen.
Here endith the pistle to Philippensis,
and bigynneth the prologe on the pistle
to Colocensis.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
