Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. V.
1 Therfor be &yogh;e foloweris of God, as
moost dereworthe sones;
2 and walke &yogh;e
in loue, as Crist louyde vs, and &yogh;af hym
silf for vs an offryng and a sacrifice to
God, in to the odour of swetnesse.
3 And fornycacioun, and al vnclennesse,
or aueryce, be not named among &yogh;ou,
as it bicometh holi men;
4 ethir filthe, or
foli speche, or harlatrye, that perteyneth
not to profit, but more doyng of
thankyngis.
5 For wite &yogh;e this, and vndurstonde,
that ech letchour, or vnclene
man, or coueytouse, that serueth to
mawmetis, hath not eritage in the kingdom
of Crist and of God.
6 No man
disseyue &yogh;ou bi veyn wordis; for whi
for these thingis the wraththe of God
cam on the sones of vnbileue.
7 Therfor
nyle &yogh;e be maad parteneris of hem.
8 For
&yogh;e weren sum tyme derknessis, but now
`&yogh;e ben li&yogh;t in the Lord. Walke &yogh;e as
-- --
the sones of li&yogh;t.
9 For the fruyt of li&yogh;t
is in al goodnesse, and ri&yogh;twisnesse, and
treuthe.
10 And preue &yogh;e what `thing is
wel plesynge to God.
11 And nyle &yogh;e comyne
to vnfruytouse werkis of derknessis;
but more repreue &yogh;e.
12 For what
thingis ben don of hem in priuy, it is
foule, &yogh;he, to speke.
13 And alle thingis
that ben repreuyd note of the li&yogh;t, ben
opynli schewid; for al thing that is
schewid, is li&yogh;t.
14 For which thing he
seith, Rise thou that slepist, and rise vp
fro deth, and Crist schal li&yogh;tne thee.
15 Therfor, britheren, se &yogh;e, hou warli &yogh;e
schulen go;
16 not as vnwise men, but as
wise men, a&yogh;enbiynge tyme, for the
daies ben yuele.
17 Therfor nyle &yogh;e be
maad vnwise, but vndurstondynge which
is the wille of God.
18 And nyle &yogh;e be
drunkun of wyn, in which is letcherie,
but be &yogh;e fillid with the Hooli Goost;
and speke &yogh;e to &yogh;ou silf in salmes,
19 and
ymnes, and spiritual songis, syngynge
and seiynge salm in &yogh;oure hertis to
the Lord;
20 euermore doynge thankingis
for alle thingis in the name of oure
Lord Jhesu Crist to God and to the
fadir.
21 Be &yogh;e suget togidere in the drede
of Crist.
22 Wymmen, be thei suget to
her hosebondis,
23 as to the Lord, for the
man is heed of the wymman, as Crist
is heed of the chirche; he is sauyour of
his bodi.
24 But as the chirche is suget
to Crist, so wymmen to her hosebondis
in alle thingis.
25 Men, loue &yogh;e &yogh;oure
wyues, as Crist louyde the chirche, and
&yogh;af hym silf for it, to make it holi;
26 and
clenside it with the waisching of watir,
in the word of lijf,
27 to &yogh;yue the chirche
-- --
gloriouse to hym silf, that it hadde no
wem, ne ryueling, or ony siche thing,
but that it be hooli and vndefoulid.
28 So
and men `schulen loue her wyues, as
her owne bodies. He that loueth his
wijf, loueth hym silf;
29 for no man hatide
euere his owne fleisch, but nurischith
and fostrith it, as Crist doith the chirche.
30 And we ben membris of his bodi, of his
fleisch, and of his boonys.
31 For this
thing a man schal forsake his fadir and
modir, and he schal drawe to his wijf;
and thei schulen be tweyne in o fleisch.
32 This sacrament is greet; &yogh;he, Y seie in
Crist, and in the chirche.
33 Netheles &yogh;e
alle, ech man loue his wijf as hym silf;
and the wijf drede hir hosebonde.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
