Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. III.
1 For the grace of this thing I Poul,
the boundun of Crist Jhesu, for &yogh;ou
hethene men,
2 if netheles &yogh;e han herd the
dispensacioun of Goddis grace, that is
&yogh;ouun to me in &yogh;ou.
3 For bi reuelacioun
the sacrament is maad knowun to me,
as Y aboue wroot in schort thing,
4 as &yogh;e
moun rede, and vndurstonde my prudence
in the mysterie of Crist.
5 Which
was not knowun to othere generaciouns
to the sones of men, as it is now schewid
to his hooli apostlis and prophetis in the
spirit,
6 that hethene men ben euen eiris,
and of oo bodi, and parteneris togidere
of his biheest in Crist Jhesu bi the
euangelie;
7 whos mynystre Y am maad,
bi the &yogh;ifte of Goddis grace, which is
&yogh;ouun to me bi the worchyng of his
vertu.
8 To me, leeste of alle seyntis, this
grace is &yogh;ouun to preche among hethene
men the vnserchable richessis of Crist,
and to li&yogh;tne alle men,
9 which is the dispensacioun
of sacrament hid fro worldis
in God, that made alle thingis of nou&yogh;t;
10 that the myche fold wisdom of God be
knowun to princis and potestatis in
heuenli thingis bi the chirche,
11 bi the
bifore ordinaunce of worldis, which he
made in Crist Jhesu oure Lord.
12 In
whom we han trist and ny&yogh; comyng, in
tristenyng bi the feith of hym.
13 For
which thing Y axe, that &yogh;e faile not in
my tribulaciouns for &yogh;ou, which is &yogh;oure
glorie.
14 For grace of this thing Y bowe
my knees to the fadir of oure Lord
Jhesu Crist,
15 of whom ech fadirhod in
heuenes and in erthe is named,
16 that he
&yogh;yue to &yogh;ou, aftir the richessis of his
glorie, vertu to be strengthid bi his spirit
-- --
in the ynnere man,
17 that Crist dwelle bi
feith in &yogh;oure hertis; that &yogh;e rootid and
groundid in charite,
18 moun comprehende
with alle seyntis, which is the breede,
and the lengthe, and the hi&yogh;nesse, and
the depnesse;
19 also to wite the charite of
Crist more excellent than science, that
&yogh;e be fillid in al the plentee of God.
20 And to hym that is my&yogh;ti to do alle
thingis more plenteuousli than we axen
or vndurstondun, bi the vertu that
worchith in vs,
21 to hym be glorie in the
chirche, and in Crist Jhesu, in to alle
the generaciouns of the world of worldis.
Amen.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
