Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 Poul, apostle of Jhesu Crist, bi the
wille of God, and Tymothe, brothir, to
the chirche of God that is at Corinthi,
with alle seyntis that ben in al Acaie,
grace to &yogh;ou,
2 and pees of God oure fadir
and of the Lord Jhesu Crist.
3 Blessid
be God and the fadir of oure Lord Jhesu
Crist, fadir of mercies, and God of al
coumfort,
4 which coumfortith vs in al
-- --
oure tribulacioun, that also we moun
coumforte hem, that ben in al diseese, bi
the monestyng bi which also we ben
monestid of God.
5 For as the passiouns
of Crist ben plenteuouse in vs, so also bi
Crist oure coumfort is plenteuouse.
6 And
whether we ben in tribulacioun, for &yogh;oure
tribulacioun and heelthe, ethir we ben
coumfortid, for &yogh;oure coumfort, ethir we
ben monestid, for &yogh;oure monestyng and
heelthe. Which worchith in &yogh;ou the suffring
of the same passiouns, whiche `we
also suffren,
7 that oure hope be sad for
&yogh;ou; witynge for as &yogh;e ben felowis of
passiouns, so &yogh;e schulen ben also of
coumfort.
8 For, britheren, we wolen that
&yogh;e wite of oure tribulacioun, that was
don in Asie; for ouer maner we weren
greued ouer my&yogh;t, so that it anoiede vs,
&yogh;he, to lyue.
9 But we in vs silf hadden
answere of deth, that we truste not in
vs, but in God that reisith deed men.
10 Which delyuerede vs, and delyuerith fro
so grete perelis, in to whom we hopen,
also &yogh;it he schal delyuere,
11 while also
&yogh;e helpen in preier for vs; that of the
persones of many faces note of that &yogh;yuyng
that is in vs, thankyngis ben don for vs
bi many men note to God.
12 For oure glorie
is this, the witnessyng of oure conscience,
that in symplenesse and clennesse
of God, and not in fleischli wisdom,
but in the grace of God, we lyueden
in this world, but more plenteuousli
to &yogh;ou.
13 And we writen not othere
thingis to &yogh;ou, than tho that &yogh;e han red
and knowe, and Y hope that in to the
ende &yogh;e schulen knowe,
14 as also &yogh;e han
knowe vs a parti; for we ben &yogh;oure
glorie, as also &yogh;e ben oure in the dai of
-- --
oure Lord Jhesu Crist.
15 And in this
tristyng Y wolde first come to &yogh;ou, that
&yogh;e schulden haue the secounde grace,
16 and
passe bi &yogh;ou in to Macedonye, and eft
fro Macedonye come to &yogh;ou, and of &yogh;ou
be led in to Judee.
17 But whanne Y
wolde this thing, whether Y vside vnstidfastnesse,
ether tho thingis that Y
thenke, Y thenke aftir the fleisch, that
at me be, it is and it is not note?
18 But
God is trewe, for oure word that was at
&yogh;ou is and is not, is not ther ynne, but is note
is in it.
19 For whi Jhesus Crist, the sone
of God, which is prechid among &yogh;ou bi
vs, bi me, and Syluan, and Tymothe,
ther was not in hym is and is not, but
is was in hym.
20 For whi hou many
euer ben biheestis of God, in thilke is,
`that is, ben fillid. And therfor and
bi hym we seien amen to God, to oure
glorie.
21 Sotheli it is God that confermeth
vs with &yogh;ou in Crist, and the which
God anoyntide vs,
22 and which markide
vs, and &yogh;af ernes of the spirit in oure
hertis.
23 For Y clepide God to witnesse
a&yogh;ens my soule, that Y sparynge &yogh;ou
cam not ouer to Corynthe; not that we
ben lordis of &yogh;oure feith, but we ben
helperis of &yogh;oure ioye; for thorou&yogh; bileue
&yogh;e stonden.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
