Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XV.
1 `Sotheli, britheren, Y make the gospel
knowun to &yogh;ou, which Y haue prechid to
&yogh;ou, the which also &yogh;e han takun, in which
&yogh;e stonden,
2 also bi which &yogh;e schulen be
sauyd; `bi which resoun Y haue prechid
to &yogh;ou, if &yogh;e holden, `if &yogh;e han not
bileuyd ideli.
3 For Y bitook to &yogh;ou at
the bigynnyng that thing which also Y
haue resseyued; that Crist was deed for
oure synnes, bi the scripturis;
4 and that
he was biried, and that he roos a&yogh;en in
the thridde dai, after scripturis;
5 and that
he was seyn to Cephas, and aftir these
thingis to enleuene;
6 aftirward he was
seyn to mo than fyue hundrid britheren
togidere, of whiche manye lyuen &yogh;it, but
-- --
summe ben deed; aftirward he was seyn
to James,
7 and aftirward to alle the
apostlis.
8 And last of alle he was seyn
also to me, as to a deed borun child.
9 For Y am the leste of apostlis, that am
not worthi to be clepid apostle, for Y
pursuede the chirche of God.
10 But bi
the grace of God Y am that thing that
Y am; and his grace was not voide in
me. For Y trauelide more plenteuously
than alle thei; but not Y, but the grace
of God with me.
11 But whether Y, or
thei, so we han prechid, and so &yogh;e han
bileuyd.
12 And if Crist is prechid, that
he roos a&yogh;en fro deeth, hou seien summen
among &yogh;ou, that the a&yogh;enrisyng of
deed men is not?
13 And if the a&yogh;enrisyng
of deed men is not, nethir Crist roos a&yogh;en
fro deeth.
14 And if Crist roos not, oure
preching is veyn, oure feith is veyn.
15 And
we ben foundun false witnessis of God,
for we han seid witnessyng a&yogh;ens God,
that he reiside Crist, whom he reiside
not, if deed men risen not a&yogh;en.
16 Forwhi
if deed men risen not a&yogh;en, nether
Crist roos a&yogh;en;
17 and if Crist roos not
a&yogh;en, oure feith is veyn; and &yogh;it &yogh;e ben
in &yogh;oure synnes.
18 And thanne thei that
han diede in Crist, han perischid.
19 If in
this life oneli we ben hoping in Crist,
we ben more wretchis than alle men.
20 But now Crist roos a&yogh;en fro deth, the
firste fruit of deed men;
21 for deeth was bi
a man, and bi a man is a&yogh;enrisyng fro
deth.
22 And as in Adam alle men dien,
so in Crist alle men schulen be quykenyd.
23 But ech man in his ordre; the
firste fruit, Crist, afterward thei that ben
of Crist, that bileueden in the comyng
of Crist;
24 aftirward an ende, whanne he
schal bitake the kyngdom to God and to
-- --
the fadir, whanne he schal auoide al
princehod, and power, and vertu.
25 But
it bihoueth hym to regne, til he putte
alle hise enemyes vndur hise feet.
26 And
at the laste, deth the enemye schal be
distried; for he hath maad suget alle
thingis vndur hise feet.
27 And whanne
he seith, alle thingis ben suget to hym,
with outen doubt outakun hym that sugetide
alle thingis to hym.
28 And whanne
alle thingis ben suget to hym, thanne the
sone hym silf schal be suget to hym, that
made `alle thingis suget to hym, that
God be alle thingis in alle thingis.
29 Ellis
what schulen thei do, that ben baptisid
for deed note men, if in no wise deed men
risen a&yogh;en? wherto ben thei baptisid
for hem?
30 And wherto ben we in perel
euery our?
31 Ech dai Y die note for &yogh;oure
glorie, britheren, which glorie Y haue
in Crist Jhesu oure Lord.
32 If aftir man
Y haue fou&yogh;ten to beestis at Efesi, what
profitith it to me, if deed men risen not
a&yogh;en? Ete we, and drynke we, for we
schulen die to morewe.
33 Nyle &yogh;e be disseyued;
for yuel spechis distrien good
thewis.
34 Awake &yogh;e, iuste men, and nyle
&yogh;e do synne; for summen han ignoraunce
of God, but to reuerence note Y speke to &yogh;ou.
35 But summan seith, Hou schulen deed
men rise a&yogh;en, or in what maner bodi
schulen thei come?
36 Vnwise man, that
thing that thou sowist, is not quykened,
but it die first;
37 and that thing that thou
sowist, `thou sowist not the bodi that is
to come, but a nakid corn, as of whete,
or of summe othere seedis;
38 and God
&yogh;yueth to it a bodi, as he wole, and to
ech of seedis a propir bodi.
39 Not ech
-- --
fleisch is the same fleisch, but oon is of
men, another is of beestis, another is
of briddis, an othere of fischis.
40 And
`heuenli bodies ben, and `ertheli bodies
ben; but oon glorie is of heuenely
bodies, and anothir is of ertheli.
41 An
othere clerenesse is of the sunne, anothere
clerenesse is of the moone, and
anothere clerenesse is of sterris; and a
sterre dyuersith fro a sterre in clerenesse.
42 And so the a&yogh;enrisyng of deed
men. It is sowun in corrupcioun, it
schal rise in vncorrupcioun;
43 it is sowun
in vnnoblei, it schal rise in glorie; it is
sowun in infirmyte, it schal rise in
vertu;
44 it is sowun a beestly bodi, it
schal rise a spiritual bodi. If ther is
a beestli bodi, ther is also a spiritual
bodi;
45 as it is writun, The firste man
Adam was maad in to a soule lyuynge,
the laste Adam in to a spirit quykenynge.
46 But the firste is not that that is
spiritual, but that that is beestlich, aftirward
that that is spiritual.
47 The firste
man of erthe is ertheli; the secounde man
of heuene is heuenelich.
48 Such as the
ertheli man is, such ben the ertheli men;
and such as the heueneli man is, suche
ben also the heueneli men.
49 Therfor as
we han bore the ymage of the ertheli
man, bere we also the ymage of the
heuenli.
50 Britheren, Y seie this thing,
that fleisch note and bloud moun not welde
the kyngdom of God, nethir corrupcioun
schal welde vncorrupcioun.
51 Lo! Y seie
to &yogh;ou priuyte of hooli thingis. And alle
we schulen rise a&yogh;en, but not alle we
schulen be chaungid note;
52 in a moment, in
the twynklyng of an i&yogh;e, in the laste
trumpe; for the trumpe schal sowne, and
-- --
deed men schulen rise a&yogh;en, with oute
corrupcioun, and we schulen be chaungid.
53 For it byhoueth this corruptible
thing to clothe vncorrupcioun, and this
deedli thing to putte awei vndeedlinesse.
54 But whanne this deedli thing schal
clothe vndeedlynesse, thanne schal the
word be doon, that is writun, Deth is
sopun vp in victorie.
55 Deth, where is
thi victorie? Deth, where is thi pricke?
56 But the pricke of deth is synne; and
the vertu note of synne is the lawe.
57 But
do we thankyngis to God, that &yogh;af to
vs victorie bi oure Lord Jhesu Crist.
58 Therfore, my dereworthe britheren, be
&yogh;e stidefast, and vnmouable, beynge plenteuouse
in werk of the Lord, euere more
witynge that &yogh;oure trauel is not idel in
the Lord.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
