Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VIII.
1 Therfor now no thing of dampnacioun
is to hem that ben in Crist Jhesu,
whiche wandren not after the flesch.
2 For the lawe of the spirit note of lijf in
Crist Jhesu hath delyuerid me fro the
lawe of synne, and of deth.
3 For that
that was vnpossible to the lawe, in what
thing it was sijk bi flesch, God sente his
sone in to the licknesse of fleisch of
synne note, and of synne dampnede synne in
fleisch;
4 that the iustefiyng of the lawe
were fulfillid in vs, that goen not aftir
the fleisch, but aftir the spirit.
5 For thei
that ben aftir the fleisch, saueren tho
thingis that ben of the fleisch; but thei
that ben after the spirit, feelen tho
thingis that ben of the spirit. For the
prudence of fleisch is deth;
6 but the
-- --
prudence of spirit is lijf and pees.
7 For
the wisdom of the fleisch is enemye to
God; for it is not suget to the lawe of
God, for nether it may.
8 And thei that
ben in fleisch, moun not plese to God.
9 But &yogh;e ben not in fleisch, but in spirit;
if netheles the spirit of God dwellith in
&yogh;ou. But if ony hath not the spirit of
Crist, this is not his.
10 For if Crist is in
&yogh;ou, the bodi is deed for synne, but the
spirit lyueth for iustefiyng.
11 And if the
spirit of hym that reiside Jhesu Crist
fro deth dwellith in &yogh;ou, he that reiside
Jhesu Crist fro deth, shal quykene also
&yogh;oure deedli bodies, for the spirit of hym
that dwellith in &yogh;ou.
12 Therfor, britheren,
we ben dettouris, not to the flesch, that
we lyuen aftir the flesch.
13 For if &yogh;e
lyuen aftir the fleisch, &yogh;e schulen die;
but if &yogh;e bi the spirit sleen the dedis of
the fleisch, &yogh;e schulen lyue.
14 For who
euere ben led bi the spirit of God, these
ben the sones of God.
15 For &yogh;e han not
take eftsoone the spirit of seruage in
drede, but &yogh;e han taken the spirit of
adopcioun of sones note, in which we crien,
Abba, fadir.
16 And the ilke spirit &yogh;eldith
witnessyng to oure spirit, that we ben
the sones of God;
17 if sones, and eiris,
`and eiris of God, and eiris togidere
with Crist; if netheles we suffren togidere,
that also we ben glorified togidere.
18 And Y deme, that the passiouns of this
tyme ben not worthi to the glorie to
comynge, that schal be schewid in vs.
19 For the abidyng of creature note abidith the
schewyng of the sones of God.
20 But the
creature is suget to vanyte note, not willynge,
but for hym that made it suget in
hope;
21 for the ilke creature schal be delyuered
fro seruage of corrupcioun in to
liberte of the glorie of the sones of God.
-- --
22 And we witen, that ech creature sorewith,
and trauelith with peyne til &yogh;it.
23 And
not oneli it, but also we vs silf, that han
the first fruytis of the spirit, and we vs
silf sorewen with ynne vs for the adopcioun
of Goddis sonys note, abidynge the
a&yogh;enbiyng of oure bodi.
24 But bi hope
we ben maad saaf. For hope that is
seyn, is not hope; for who hopith that
thing, that he seeth?
25 And if we hopen
that thing that we seen not, we abiden
bi pacience.
26 And also the spirit helpith
oure infirmyte; for what we schulen
preie, as it bihoueth, we witen not, but
the ilke spirit axith note for vs with sorewyngis,
that moun not be teld out.
27 For
he that sekith the hertis, woot what the
spirit desirith, for bi God note he axith for
hooli men.
28 And we witen, that to men
`that louen God, alle thingis worchen togidere
in to good, to hem that aftir
purpos note ben clepid seyntis.
29 For thilke
that he knewe bifor, he bifor ordenede
bi grace to be maad lijk to the ymage
of his sone, that he be the first bigetun
among many britheren.
30 And thilke that
he bifore ordeynede to blis, hem he clepide;
and whiche he clepide, hem he iustifiede;
and whiche he iustifiede, and
hem he glorifiede.
31 What thanne schulen
we seie to these thingis? If God for
vs, who is a&yogh;ens vs?
32 The which also
sparide not his owne sone, but `for vs
alle bitook hym, hou also &yogh;af he not to
vs alle thingis with hym?
33 Who schal
accuse a&yogh;ens the chosun men of God? It
is God that iustifieth,
34 who is it that
condempneth? It is Jhesus Crist that
was deed, &yogh;he, the which roos a&yogh;en, the
which is on the ri&yogh;t half of God, and the
which preieth for vs.
35 Who thanne schal
-- --
departe vs fro the charite of Crist?
tribulacioun, or anguysch, or hungur,
or nakidnesse, or persecucioun, or perel,
or swerd?
36 As it is writun, For we ben
slayn al dai for thee; we ben gessid as
scheep of slau&yogh;tir.
37 But in alle these
thingis we ouercomen, for hym that louyde
vs.
38 But Y am certeyn, that nethir
deeth, nether lijf, nether aungels, nethir
principatus, nether vertues, nether present
thingis, nether thingis to comynge,
nether strengthe,
39 nether hei&yogh;th, nether
depnesse, nether noon othir creature may
departe note vs fro the charite of God, that
is in `Crist Jhesu oure Lord.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
