Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VI.
1 Therfor what schulen we seie? Schulen
we dwelle in synne, that grace be
plenteuouse?
2 God forbede. For hou
schulen we that ben deed to synne, lyue
&yogh;it ther ynne?
3 Whether, britheren, &yogh;e
knowen not, that whiche euere we ben
baptisid in Crist Jhesu, we ben baptisid
in his deth note?
4 For we ben togidere
biried with hym bi baptym `in to deth;
that as Crist aroos fro deth bi the
-- --
glorie of the fadir, so walke we in a
newnesse of lijf.
5 For if we plauntid
togidere note ben maad to the licnesse of
his deth, also we schulen be of the licnesse
of his risyng a&yogh;en;
6 witynge this
thing, that oure olde man is crucified
togidere, that the bodi of synne be distruyed,
that we serue no more to synne.
7 For he that is deed, is iustefied fro
synne.
8 And if we ben deed with Crist,
we bileuen that also we schulen lyue togidere
with hym;
9 witinge for Crist, rysynge
a&yogh;en fro deth, now dieth not, deeth
schal no more haue lordschip on hym.
10 For that he was deed to synne, he was
deed onys; but that he lyueth, he liueth
to God.
11 So &yogh;e deme &yogh;ou silf to be deed
to synne, but lyuynge to God in `Jhesu
Crist oure Lord.
12 Therfor regne not
synne in &yogh;oure deedli bodi, that &yogh;e
obeische to hise coueityngis.
13 Nether
&yogh;yue &yogh;e &yogh;oure membris armuris of wickidnesse
to synne, but &yogh;yue &yogh;e &yogh;ou silf to
God, as thei that lyuen of deed men, and
&yogh;oure membris armuris of ri&yogh;twisnesse
to God.
14 For synne schal not haue lordschipe
on &yogh;ou; for &yogh;e ben not vndur the
lawe, but vndur grace.
15 What therfor?
Schulen we do synne, for we ben not
vndur the lawe, but vndur grace?
16 God
forbede. Witen &yogh;e not, that to whom &yogh;e
&yogh;yuen &yogh;ou seruauntis to obeie to, &yogh;e ben
seruauntis of that thing, to which &yogh;e
han obeschid, ether of synne to deth,
ether of obedience to ri&yogh;twisnesse?
17 But
Y thanke God, that &yogh;e weren seruauntis
of synne; but &yogh;e han obeischid of herte
in to that fourme of techyng, in which
&yogh;e ben bitakun.
18 And &yogh;e delyuered fro
synne, ben maad seruauntis of ri&yogh;twisnesse.
-- --
19 Y seie that thing that is of man,
for the vnstidefastnesse of &yogh;oure fleisch.
But as &yogh;e han &yogh;ouun &yogh;oure membris to
serue to vnclennesse, and to wickidnesse
`in to wickidnesse, so now &yogh;yue &yogh;e &yogh;oure
membris to serue to ri&yogh;twisnesse in to
hoolynesse.
20 For whanne &yogh;e weren seruauntis
of synne, &yogh;e weren fre note of ri&yogh;tfulnesse.
21 Therfor what fruyt hadden
&yogh;e thanne in tho thingis, in whiche &yogh;e
schamen now? For the ende of hem
is deth.
22 But now &yogh;e delyuered fro
synne, and maad seruauntis to God, han
&yogh;our fruyt in to holinesse, and the ende
euerlastinge lijf. For the wagis of synne
is deth; the grace of God is euerlastynge
lijf in Crist Jhesu our Lord.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
