Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IV.
1 What thanne schulen we seie, that
Abraham oure fadir aftir the flesch
foond?
2 For if Abraham is iustified of
werkis of the lawe, he hath glorie, but
not anentis God.
3 For what seith the
scripture? Abraham bileued to God,
and it was arettid to him to ri&yogh;twisnesse.
4 And to hym that worchith mede
is not arettid bi grace, but bi dette.
5 Sotheli to hym that worchith not, but
bileueth in to hym that iustefieth a
wickid man, his feith is arettid to ri&yogh;twisnesse,
aftir the purpos of Goddis
grace note.
6 As Dauid seith the blessidnesse
of a man, whom God acceptith, he &yogh;yueth
to hym ri&yogh;twisnesse with outen
werkis of the lawe,
7 Blessid ben thei,
whos wickidnessis ben for&yogh;ouun, and
whos synnes ben hid.
8 Blessid is that
man, to whom God arettide not synne.
9 Thanne whether dwellith this blisfulnesse
oneli in circumcisioun, or also in
prepucie? For we seien, that the feith
was arettid to Abraham to ri&yogh;twisnesse.
10 Hou thanne was it arettid? in circumcisioun,
or in prepucie? Not in circumcisioun,
but in prepucie.
11 And he took
a signe of circumcisioun, a tokenyng of
ri&yogh;twisnesse of the feith which is in prepucie,
that he be fadir of alle men bileuynge
bi prepucie, that it be arettid
also to hem to ri&yogh;twisnesse;
12 and that he
be fadir of circumcisioun, not onely to
hem that ben of circumcisioun, but also
to hem that suen the steppis of the feith,
which feith is in prepucie of oure fader
Abraham.
13 For not bi the lawe is biheest
to Abraham, or to his seed, that
he schulde be eir of the world, but bi
-- --
the ri&yogh;twisnesse of feith.
14 For if thei
that ben of the lawe note, ben eiris, feith is
distried, biheest is don awey.
15 For the
lawe worchith wraththe; for where is no
lawe, there is no trespas, nethir is trespassyng.
16 Therfor ri&yogh;tfulnesse is of the
feith, that bi grace biheeste be stable
to ech seed, not to that seed oneli that
is of the lawe, but to that that is of the
feith of Abraham, which is fadir of vs
alle.
17 As it is writun, For Y haue set
thee fadir of many folkis, bifor God to
whom thou hast bileued. Which God
quykeneth note deed men, and clepith tho
thingis that ben not, as tho that ben.
18 Which Abraham a&yogh;ens hope bileuede in
to hope, that he schulde be maad fader
of many folkis, as it was seid to hym,
Thus schal thi seed be, as the sterris of
heuene, and as the grauel that is in the
brenke of the see.
19 And he was not
maad vnstidfast in the bileue, nether he
biheelde his bodi thanne ny&yogh; deed,
whanne he was almost of an hundrid
&yogh;eer, ne the wombe of Sare ny&yogh; deed.
20 Also in the biheeste of God he doutide
not with vntrist; but he was coumfortid
in bileue,
21 &yogh;yuynge glorie to God, witynge
moost fulli that what euere thingis God
hath bihi&yogh;t, he is my&yogh;ti also to do.
22 Therfor it was arettid to hym to ri&yogh;twisnesse.
23 And it is not writun oneli
for him, that it was arettid to hym to
ri&yogh;twisnesse,
24 but also for vs, to whiche
it schal be arettid, that bileuen in him
that reiside oure Lord Jhesu Crist fro
deeth.
25 Which was bitakun for oure
synnes, and roos a&yogh;en for oure iustefiyng.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
