Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XV.
1 But we saddere men owen to susteyne
the feblenesses of sijke men, and not
plese to vs silf.
2 Eche of vs plese to
his nei&yogh;bore in good, to edificacioun.
3 For
Crist pleside not to hym silf, as it is
writun, The repreues of men dispisynge
thee, felden on me.
4 For what euere
thingis ben writun, tho ben writun to
oure techynge, that bi pacience and
coumfort of scripturis we haue hope.
5 But God of pacience and of solace &yogh;yue
to &yogh;ou to vndurstonde the same thing,
ech in to othere aftir Jhesu Crist,
6 that
&yogh;e of o wille with o mouth worschipe
God and the fadir of oure Lord Jhesu
Crist.
7 For which thing take &yogh;e togidere,
as also Crist took &yogh;ou in to the onour
of God.
8 For Y seie, that Jhesu Crist
was a mynystre of circumcisioun for the
treuthe of God, to conferme the biheestis
of fadris.
9 And hethene men
owen to onoure God for merci; as it is
writun, Therfor, Lord, Y schal knowleche
to thee among hethene men, and
Y schal synge to thi name.
10 And eft
he seith, &YOGH;e hethene men, be &yogh;e glad
with his puple.
11 And eft, Alle hethene
men, herie &yogh;e the Lord; and alle puplis,
magnefie &yogh;e hym.
12 And eft Isaie seith,
Ther schal be a roote of Jesse, that schal
rise vp to gouerne hethene men, and
hethene men schulen hope in hym.
13 And
God of hope fulfille &yogh;ou in al ioye and
pees in bileuynge, that &yogh;e encrees in
hope and vertu of the Hooli Goost.
14 And, britheren, Y my silf am certeyn
of &yogh;ou, that also &yogh;e ben ful of loue, and
&yogh;e ben fillid with al kunnyng, so that
&yogh;e moun moneste ech other.
15 And, britheren,
more boldli Y wroot to &yogh;ou a
parti, as bryngynge &yogh;ou in to mynde,
-- --
for the grace that is &yogh;ouun to me of
God,
16 that Y be the mynystre of Crist
Jhesu among hethene men. And Y
halewe the gospel of God, that the
offryng of hethene men be acceptid, and
halewid in the Hooli Goost.
17 Therfor
Y haue glorie in Crist Jhesu to God.
18 For Y dar not speke ony thing of tho
thingis, whiche Crist doith not bi me, in
to obedience of hethene men, in word
and dedis,
19 in vertu of tokenes and grete
wondris, in vertu of the Hooli Goost, so
that fro Jerusalem bi cumpas to the
Illirik see Y haue fillid the gospel of
Crist.
20 And so Y haue prechid this gospel,
not where Crist was named, lest Y
bilde vpon anotheres ground, but as it
is writun,
21 For to whom it is not teld of
him, thei schulen se, and thei that
herden not, schulen vndurstonde.
22 For
which thing Y was lettid ful myche to
come to &yogh;ou, and Y am lettid to this
tyme.
23 And now Y haue not ferthere
place note in these cuntrees, but Y haue
desire to come to &yogh;ou, of many &yogh;eris that
ben passid.
24 Whanne Y bygynne to
passe in to Spayne, Y hope that in my
goyng Y schal se &yogh;ou, and of &yogh;ou Y
schal be led thidur, if Y vse &yogh;ou first note
in parti.
25 Therfor now Y schal passe
forth to Jerusalem, to mynystre to
seyntis.
26 For Macedonye and Acaie han
assaied to make sum &yogh;ifte to pore men
of seyntis, that ben in Jerusalem.
27 For
it pleside to hem, and thei ben dettouris
of hem; for hethene men ben maad
parteneris of her goostli thingis, thei
owen also in fleischli thingis to mynystre
to hem.
28 Therfor whanne Y haue
endid this thing, and haue asigned to
hem this fruyt, Y schal passe bi &yogh;ou in
-- --
to Spayne.
29 And Y woot, that Y comynge
to &yogh;ou, schal come `in to the
abundaunce of the blessing of Crist.
30 Therfor, britheren, Y biseche &yogh;ou bi oure
Lord Jhesu Crist, and bi charite of the
Hooli Goost, that &yogh;e helpe me in &yogh;oure
preyeris to the Lord,
31 that Y be delyuerid
fro the vnfeithful men, that ben
in Judee, and that the offryng of my
seruyce be acceptid in Jerusalem to
seyntis;
32 that Y come to &yogh;ou in ioye, bi
the wille of God, and that Y be refreischid
with &yogh;ou. And God of pees be
with &yogh;ou alle. Amen.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
