Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIII.
1 Euery soule note be suget to hei&yogh;ere
powers. For ther is no power but of
God, and tho thingis that ben of God,
ben ordeyned.
2 Therfor he that a&yogh;enstondith
power, a&yogh;enstondith the ordynaunce
of God; and thei that a&yogh;enstonden,
geten to hem silf dampnacioun.
3 For princes ben not to the drede of good
-- --
work, but of yuel. But wilt thou, that
thou drede not power? Do thou good
thing, and thou schalt haue preisyng of
it note;
4 for he is the mynystre of God to
thee in to good. But if thou doist yuel,
drede thou; for not with outen cause he
berith the swerd, for he is the mynystre
of God, vengere in to wraththe note to hym
that doith yuel.
5 And therfor bi nede
be &yogh;e suget, not oneli for wraththe, but
also for conscience.
6 For therfor &yogh;e
&yogh;yuen tributis, thei ben the mynystris
of God, and seruen for this same thing.
7 Therfor &yogh;elde &yogh;e to alle men dettis, to
whom tribut, tribut, to whom tol, tol,
to whom drede, drede, to whom onour,
onour.
8 To no man owe &yogh;e ony thing,
but that &yogh;e loue togidere. For he that
loueth his nei&yogh;bore, hath fulfillid the
lawe.
9 For, Thou schalt do no letcherie,
Thou schalt not sle, Thou schalt not stele,
Thou schalt not seie fals witnessyng,
Thou schalt not coueyte the thing of
thi nei&yogh;bore, and if ther be ony othere
maundement, it is instorid in this
word, Thou schalt loue thi nei&yogh;bore as
thi silf.
10 The loue of nei&yogh;bore worchith
not yuel; therfor loue is the fulfillyng
of the lawe.
11 And we knowen this
tyme, that the our is now, that we rise
fro sleep; for now oure heelthe is neer,
than whanne we bileueden.
12 The ny&yogh;t
wente bifore, but the dai hath nei&yogh;ed.
Therfor caste we awei the werkis of
derknessis, and be we clothid in the
armeris of li&yogh;t.
13 As in dai wandre we
onestli, not in superflu feestis and
drunkenessis, not in beddis and vnchastitees,
not in strijf and in enuye;
14 but be &yogh;e clothid in the Lord Jhesu
-- --
Crist, and do &yogh;e not the bisynesse of
fleisch in desiris note.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|