Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XV.
1 Y am a very vyne, and my fadir is
an erthe tilier.
2 Ech braunch in me that
-- --
berith not fruyt, he schal take awey it;
and ech that berith fruyt, he schal purge
it, that it bere the more fruyt.
3 Now &yogh;e
ben clene, for the word that Y haue
spokun to &yogh;ou.
4 Dwelle &yogh;e in me, and Y
in &yogh;ou; as a braunche may not make
fruyt of it silf, but it dwelle in the vyne,
so nether &yogh;e, but &yogh;e dwelle in me.
5 Y am
a vyne, &yogh;e the braunchis. Who that
dwellith in me, and Y in hym, this
berith myche fruyt, for with outen me
&yogh;e moun no thing do.
6 If ony man dwellith
not in me, he schal be caste out as a
braunche, and schal wexe drie; and thei
schulen gadere hym, and thei schulen
caste hym in to the fier, and he brenneth.
7 If &yogh;e dwellen in me, and my
wordis dwelle in &yogh;ou, what euer thing
&yogh;e wolen, &yogh;e schulen axe, and it schal be
don to &yogh;ou.
8 In this thing my fadir is
clarified, that &yogh;e brynge forth ful myche
fruyt, and that &yogh;e be maad my disciplis.
9 As my fadir louede me, Y haue loued
&yogh;ou; dwelle &yogh;e in my loue.
10 If &yogh;e kepen
my comaundementis, &yogh;e schulen dwelle
in my loue; as Y haue kept the comaundementis
of my fadir, and Y
dwelle in his loue.
11 These thingis Y
spak to &yogh;ou, that my ioye be in &yogh;ou, and
&yogh;oure ioye be fulfillid.
12 This is my comaundement,
that &yogh;e loue togidere, as Y
louede &yogh;ou.
13 No man hath more loue
than this, that a man putte his lijf
for hise freendis.
14 &YOGH;e ben my freendis
if &yogh;e doen tho thingis, that Y comaunde
to &yogh;ou.
15 Now Y schal not clepe &yogh;ou
seruauntis, for the seruaunt woot not,
what his lord schal do; but Y haue
clepid &yogh;ou freendis, for alle thingis what
euere Y herde of my fadir, Y haue maad
-- --
knowun to &yogh;ou.
16 &YOGH;e han not chosun me,
but Y chees &yogh;ou; and Y haue put &yogh;ou,
that &yogh;e go, and brynge forth fruyt, and
&yogh;oure fruyt dwelle; that what euere thing
&yogh;e axen the fadir in my name, he &yogh;yue
to &yogh;ou.
17 These thingis Y comaunde to
&yogh;ou, that &yogh;e loue togidere.
18 If the world
hatith &yogh;ou, wite &yogh;e, that it hadde me in
hate rather than &yogh;ou.
19 If &yogh;e hadden be
of the world, the world schulde loue that
thing that was his; but for &yogh;e ben not of
the world, but Y chees &yogh;ou fro the world,
therfor the world hatith &yogh;ou.
20 Haue &yogh;e
mynde of my word, which Y seide to
&yogh;ou, The seruaunt is not grettere than
his lord. If thei han pursued me, thei
schulen pursue &yogh;ou also; if thei han
kept my word, thei schulen kepe &yogh;oure
also.
21 But thei schulen do to &yogh;ou alle
these thingis for my name, for thei
knowen not hym that sente me.
22 If Y
hadde not comun, and hadde not spokun
to hem, thei schulden not haue synne;
but now thei haue noon excusacioun of
her synne.
23 He that hatith me, hatith
also my fadir.
24 If Y hadde not doon
werkis in hem, whiche noon other man
dide, thei schulden not haue synne; but
now both thei han seyn, and hatid me
and my fadir.
25 But that the word be
fulfillid, that is writun in her lawe, For
thei hadden me in hate with outen cause.
26 But whanne the coumfortour schal come,
which Y schal sende to &yogh;ou fro the fadir,
a spirit of treuthe, which cometh of
the fadir, he schal bere witnessyng of
me; and &yogh;e schulen bere witnessyng, for
&yogh;e ben with me fro the bigynnyng.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|