Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXIII.
1 Thanne Jhesus spac to the puple, and
to hise disciplis,
2 and seide, On the chayere
of Moises, scribis and Farisees han sete.
3 Therfor kepe &yogh;e, and do &yogh;e alle thingis,
what euer thingis thei seien to you.
But nyle &yogh;e do aftir her werkis; for thei
seien, and don not.
4 And thei bynden
greuouse chargis, and that moun not be
borun, and putten on schuldris of men;
but with her fyngur thei wolen not moue
hem.
5 Therfor thei don alle her werkis
`that thei be seen of men; for thei
drawen abrood her filateries, and magnifien
hemmes.
6 And thei louen the first
sittyng placis in soperis, and the first
chaieris in synagogis;
7 and salutaciouns
-- --
in chepyng, and to be clepid of men
maystir.
8 But nyle &yogh;e be clepid maister;
for oon is &yogh;oure maystir, and alle &yogh;e
ben britheren.
9 And nyle &yogh;e clepe to &yogh;ou
a fadir on erthe, for oon is &yogh;our fadir,
that is in heuenes.
10 Nether be &yogh;e clepid
maistris, for oon is &yogh;oure maister, Crist.
11 He that is grettest among &yogh;ou, schal be
&yogh;oure mynystre.
12 For he that hieth himself,
schal be mekid; and he that mekith
hym silf, schal be enhaunsid.
13 But wo
to &yogh;ou, scribis and Farisees, ipocritis, that
closen the kyngdom of heuenes bifore
men; and &yogh;e entren not, nether suffren
men entrynge to entre.
14 Wo to &yogh;ou,
scribis and Farisees, ipocritis, that eten
the housis of widowis, and preien bi
longe preier; for this thing &yogh;e schulen
take more doom.
15 Wo to &yogh;ou, scribis and
Farisees, ypocritis, that goon aboute the
see and the loond, to make o prosilite;
and whanne he is maad, &yogh;e maken hym
a sone of helle, double more than &yogh;e ben.
16 Wo to &yogh;ou, blynde lederis, that seien,
Who euer swerith bi the temple of God,
it is `no thing; but he that swerith in
the gold of the temple, is dettoure.
17 &YOGH;e
foolis and blynde, for what is grettere,
the gold, or the temple that halewith the
gold?
18 And who euer swerith in the
auter, it is no thing; but he that swerith
in the &yogh;ifte that is on the auter, owith.
19 Blynde men, for what is more, the
&yogh;ifte, or the auter that halewith the &yogh;ifte?
20 Therfor he that swerith in the auter,
swerith in it, and in alle thingis that ben
ther on.
21 And he that swerith in the
temple, swerith in it, and in hym that
dwellith in the temple.
22 And he that
swerith in heuene, swerith in the trone
-- --
of God, and in hym that sittith ther on.
23 Wo to &yogh;ou, scribis and Farisees, ypocritis,
that tithen mynte, anete, and cummyn,
and han left tho thingis that ben
of more charge of the lawe, doom, and
merci, and feith. And it bihofte to do
these thingis, and not to leeue tho.
24 Blynde lederis, clensinge a gnatte, but
swolewynge a camel.
25 Woo to &yogh;ou,
scribis and Farisees, ypocritis, that clensen
the cuppe and the plater with outforth;
but with ynne &yogh;e ben ful of raueyne
and vnclennesse.
26 Thou blynde
Farisee, clense the cuppe and the plater
with ynneforth, that that that is with
outforth be maad clene.
27 Wo to &yogh;ou,
scribis and Farisees, ipocritis, that ben
lijk to sepulcris whitid, whiche with
outforth semen faire to men; but with
ynne thei ben fulle of boonus of deed
men, and of al filthe.
28 So &yogh;e with outforth
semen iust to men; but with ynne
&yogh;e ben ful of ypocrisy and wickidnesse.
29 Wo to &yogh;ou, scribis and Farisees, ipocritis,
that bilden sepulcris of profetis, and
maken faire the birielis of iust men,
30 and
seien, If we hadden be in the daies of
oure fadris, we schulden not haue be her
felowis in the blood of prophetis.
31 And
so &yogh;e ben in witnessyng to &yogh;ou silf, that
&yogh;e ben the sones of hem that slowen the
prophetis.
32 And fulfille &yogh;e the mesure
of &yogh;oure fadris.
33 &YOGH;e eddris, and eddris
briddis, hou schulen &yogh;e fle fro the doom
of helle?
34 Therfor lo! Y sende to &yogh;ou
profetis, and wise men, and scribis; and
of hem &yogh;e schulen sle and crucifie, and
of hem &yogh;e schulen scourge in &yogh;oure sinagogis,
and schulen pursue fro cite in to
citee;
35 that al the iust blood come on
-- --
&yogh;ou, that was sched on the erthe, fro the
blood of iust Abel to the blood of Zacarie,
the sone of Barachie, whom &yogh;e slowen
bitwixe the temple and the auter.
36 Treuli
Y seie to &yogh;ou, alle these thingis schulen
come on this generacioun.
37 Jerusalem,
Jerusalem, that sleest prophetis, and
stoonest hem that ben sent to thee, hou
ofte wolde Y gadere togidere thi children,
as an henne gaderith togidir her
chikenes vndir hir wengis, and thou
woldist not.
38 Lo! &yogh;oure hous schal be
left to &yogh;ou desert.
39 And Y seie to &yogh;ou,
&yogh;e schulen not se me fro hennus forth,
til &yogh;e seien, Blessid is he, that cometh in
the name of the Lord.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
