Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVI.
1 And the Farisees and the Saducees
camen to hym temptynge, and preieden
hym to schewe hem a tokene fro heuene.
2 And he answeride, and seide to hem,
Whanne the euentid is comun, &yogh;e seien,
It schal be clere, for heuene is rodi;
3 and
the morewtid, To dai tempest, for heuene
schyneth heueli.
4 Thanne &yogh;e kunne deme
the face of heuene, but &yogh;e moun not wite
the tokenes of tymes. An yuel generacioun
and auoutresse sekith a tokene; and
a tokene schal not be &yogh;ouun to it, but the
tokene of Jonas, the profete. And whanne
he hadde left hem, he wente forth.
5 And
whanne his disciplis camen ouer the see,
thei for&yogh;aten to take looues.
6 And he
seide to hem, Biholde &yogh;e, and be war of
the soure dow&yogh; of Farisees and Saducees.
7 And thei thou&yogh;ten among hem, and
seiden, For we han not take looues.
8 But
Jhesus witynge seide to hem, What
thenken &yogh;e among &yogh;ou of litel feith, for
&yogh;e han not looues?
9 &YOGH;it `vndurstonden
not &yogh;e, nether han mynde of fyue looues
in to fyue thousynde of men, and hou
many cofyns &yogh;e token?
10 nether of seuene
looues in to foure thousynde of men, and
hou many lepis &yogh;e token?
11 Whi vndurstonden
&yogh;e not, for Y seide not to &yogh;ou of
breed, Be &yogh;e war of the sourdow&yogh; of
Farisees and of Saducees?
12 Thanne thei
vndurstooden, that he seide not to be
war of sourdow&yogh; of looues, but of the
techyng of Farisees and Saducees.
13 And
Jhesus cam in to the parties of Cesarie
of Filip, and axide hise disciplis, and
-- --
seide, Whom seien men to be mannus
sone?
14 And thei seiden, Summe Joon
Baptist; othere Elie; and othere Jeremye,
or oon of the prophetis.
15 Jhesus seide to
hem, But whom seien &yogh;e me to be?
16 Symount
Petre answeride, and seide, Thou
art Crist, the sone of God lyuynge.
17 Jhesus
answeride, and seide to him, Blessid
art thou, Symount Bariona; for fleisch
and blood schewide not to thee, but my
fadir that is in heuenes.
18 And Y seie
to thee, that thou art Petre, and on this
stoon Y schal bilde my chirche, and the
&yogh;atis of helle schulen not haue mi&yogh;t a&yogh;ens
it.
19 And to thee Y shal &yogh;yue the keies
of the kingdom of heuenes; and what
euer thou shalt bynde on erthe, schal be
boundun also in heuenes; and what euer
thou schalt vnbynde on erthe, schal be
vnbounden also in heuenes.
20 Thanne he
comaundide to hise disciplis, that thei
schulden seie to no man, that he was
Crist.
21 Fro that tyme Jhesus bigan to
schewe to hise disciplis, that it bihofte
hym go to Jerusalem, and suffre many
thingis, of the eldere men, and of scribis,
and princis of prestis; and be slayn,
and the thridde dai to rise a&yogh;en.
22 And
Petre took hym, and bigan to blame
him, and seide, Fer be it fro thee, Lord;
this thing schal not be to thee.
23 And he
turnede, and seide to Petre, Sathanas,
go after me; thou art a sclaundre to me;
for thou sauerist not tho thingis that ben
of God, but tho thingis that ben of men.
24 Thanne Jhesus seide to his disciplis, If
ony man wole come after me, denye he
hym silf, and take his cros, and sue me;
for he that wole make his lijf saaf,
25 shal
leese it; and he that schal leese his lijf
-- --
for me, schal fynde it.
26 For what profitith
it to a man, if he wynne al the world,
and suffre peiryng of his soule? or
what chaunging schal a man &yogh;yue for his
soule?
27 For mannes sone schal come in
glorie of his fader, with his aungels, and
thanne he schal &yogh;elde to ech man after
his werkis.
28 Treuli Y seie to &yogh;ou, `ther
ben summe of hem that stonden here,
whiche schulen not taste deth, til thei
seen mannus sone comynge in his kyngdom.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|