Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XI.
1 But a litil tyme after, Lisias, the procuratour
of the kyng, and kynesman, and
souereyn of offices, bar greuousli of these
thingis that bifellen,
2 and gederide foure
score thousyndis, and al the multitude of
horse men, and cam a&yogh;ens Jewis, and
demyde hym silf to make the citee takun
a dwellyng to hethene men,
3 forsothe to
haue the temple in to wynnyng of monei,
as othere templis of hethene men, and
presthod `set to sale bi ech &yogh;eer;
4 and
bithou&yogh;te not on the power of God, but in
mynde he was maad with out bridil, and
tristide in multitude of foot men, and in
thousyndis of horse men, and in foure
score olifauntis.
5 Sothely he &yogh;ede in to
Judee, and cam ni&yogh; to Bethsura, that was
in streit place, fro Jerusalem in space
of fyue furlongis, and fau&yogh;t a&yogh;ens that
strengthe.
6 Sotheli whanne Machabeus,
and thei that weren with hym, knewen
that strengthis weren impugned, with
wepyng and teeris thei preieden the Lord,
and al the cumpenye togidere, for to sende
a good aungel to the helthe of Israel.
7 And Machabeus hym silf took firste armeris,
and monestide othere for to take
togidere perel with hym, and bere help to
her britheren.
8 And whanne thei wenten
forth togidere with redi wille fro Jerusalem,
an hors man note apperide goynge bifore
hem in whijt cloth, in goldun armeris,
-- --
and florischynge a schaft.
9 Thanne
alle togidere blessiden the merciful Lord,
and woxen strong in soulis; and weren
redi for to perse not oneli men, but and
moost feerse beestis, and irun wallis.
10 Therfor thei wenten redi, hauynge an
helpere of heuene, and the Lord hauynge
merci on hem.
11 Sotheli bi custom of liouns,
in feersnesse thei hurliden in to enemyes,
and castiden doun of hem enleuene thousyndis
of foot men, and a thousynde and
sixe hundrid of horse men.
12 Sotheli thei
turneden alle in to fli&yogh;t; forsothe many of
hem woundid, ascapiden nakid, but and
Lisias hym silf fouli fleynge ascapide.
13 And for he was not witles, he arettide
with hym silf the makyng lesse don a&yogh;ens
hym, and vndurstood that Ebrews ben
vnouercomun, and tristen to help of almy&yogh;ti
God;
14 and he sente to hem, and bihi&yogh;te
hym to consente to alle thingis that
ben iust, and to compelle the kyng for to
be maad frend note.
15 Forsothe Machabeus
grauntide to preieris of Lisias, and counselide
to profit in alle thingis; and what
euere thingis Machabeus wroot of Jewis
to Lisias, the kyng grauntide tho thingis.
16 For whi epistlis weren writun to Jewis
fro Lisias, conteynynge this maner. Lisias
to the puple of Jewis, heelthe.
17 Joon and
Abesalon, that ben sent fro &yogh;ou, bitoken
writtis, and axiden, that Y schulde fille
tho thingis that weren signefied bi hem.
18 Therfor what euere thingis mi&yogh;ten be
brou&yogh;t forth to the kyng, Y expownede,
and whiche the thing suffride note, he grauntide note.
19 Therfor if in nedis &yogh;e kepen feith,
also fro hennys forth Y schal enforse for
to be cause of goode thingis to &yogh;ou.
20 Of
othere thingis sotheli Y comaundide bi
alle wordis, both to these and to hem
that ben sent of me, for to speke togidere
with &yogh;ou.
21 Fare &yogh;e wel. In the hundrid
&yogh;eer and ei&yogh;te and fourtithe, in the foure
and twentith dai of the monethe Dioscorus note.
22 Forsothe `the pistle of the kyng
-- --
conteynede thes thingis. Kyng Antiok
to Lisias, brother, heelthe.
23 For oure fadir
is translatid among goddis, we wolen that
thei that ben in oure rewme do with out
noise, and &yogh;yue diligence to her thingis;
24 we han herd that Jewis assentiden not to
the fadir, for to be translatid to the custom
of Grekis, bot wolen holde her ordynaunce,
and that therfor thei axen of vs,
that her lawful thingis be grauntid to
hem.
25 Therfor we wolen that also this
folc be quyet, and han ordeyned and
demed, that the temple be restorid to
hem, that thei schulden do bi the custom
of her grettere men.
26 Therfor thou schalt
do wel, if thou schalt sende to hem, and
schalt &yogh;yue ri&yogh;thond; that, whanne oure
wille is knowun, thei be in good coumfort,
and serue to her owne profitis.
27 Sotheli
to the Jewis the kyngis pistle was sich.
Kyng Antiok to the `eldre men of Jewis,
and to othere Jewis, heelthe.
28 If &yogh;e faren
wel, so it is as we wolen, but and we silf
faren wel.
29 Menelaus cam to vs, and seide,
that &yogh;e wolen go doun to &yogh;oure, that ben
anentis vs.
30 Therfor to these that gon togidere,
we &yogh;yuen ri&yogh;thondis of sikirnesse
til to the thrittith dai of the monethe
Xandici note,
31 that Jewis vse her metis, and
lawis, as and bifore; and no man of hem
in ony maner suffre disese of these thingis,
that ben don bi ignoraunce.
32 Sotheli we
senten also Menelaus, that schal speke to
&yogh;ou.
33 Fare &yogh;e wel. In the hundrid &yogh;eer
and ei&yogh;te and fourtithe, the fifteenthe dai
of the monethe Xandici,
34 also Romayns
senten `a pistle, hauynge it thus. Quintus
Menneus and Titus Manylius, legatis
of Romayns, to the puple of Jewis, heelthe.
35 Of these thingis that Lisias, cosyn of the
kyng, hath grauntid to &yogh;ou, and also we
grauntiden.
36 Forsothe of whiche thingis
he demyde to be teld a&yogh;en to the kyng,
anoon sende &yogh;e summan; and speke &yogh;e
among &yogh;ou diligentiliere, that we deme as
-- --
it acordith to &yogh;ou.
37 For we gon to Antiochie,
and therfor haste &yogh;e for to a&yogh;en
write, that and we wite of what wille &yogh;e
ben.
38 Fare &yogh;e wel.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
