Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIII.
1 And as Symount herde, that Trifon
gaderide a greet oost, for to come in to
the lond of Juda,
2 and for to distrie it, and
si&yogh; that the puple was in tremblyng and
drede, he sti&yogh; vp to Jerusalem, and gaderide
the puple;
3 and monestide, and
seide, &YOGH;e witen, hou grete thingis Y, and
my britheren, and the hous of my fadir,
han do, for lawis, and for hooli thingis,
batels, and what maner angwischis we
saien.
4 For loue of these thingis alle my
britheren perischiden for Israel, and Y
aloone am left.
5 And now bifalle it not
to me, for to spare my lijf in al the tyme
of tribulacioun; for Y am not betere
than my britheren.
6 Therfor Y schal
venge my folc, and hooli thingis, and
oure children, and wyues; for alle hethene
men ben gaderid, for to distrie vs,
bi cause of enemyte.
7 And the spirit of
the puple was kyndlid togidere, as it herde
these wordis.
8 And thei answeriden with
greet vois, seiynge, Thou art oure duyk
-- --
in stide of Judas, and Jonathas, thi brother;
fi&yogh;te thou oure batel,
9 and alle
thingis what euere thou schalt seie to vs,
we schulen do.
10 And he gaderide alle
men fi&yogh;teris, and hastide for to ende alle
wallis of Jerusalem, and strengthide it in
cumpas.
11 And he sente Jonathas, the sone
of Absolomy, and with hym a newe oost,
in to Joppe. And whanne he hadde put
out these men that weren in it, he dwelte
there.
12 And Trifon mouyde fro Tolomaida
with myche oost, for to come in to the
lond of Juda, and Jonathas with hym in
kepyng.
13 Forsothe Symount appliede in
Addus, a&yogh;ens the face of the feeld.
14 And
as Trifon knew, that Symount roos in the
stide of his brother Jonathas, and that he
was to ioynynge batel with hym, he sente
to hym legatis,
15 and seide, For siluer, that
thi brother Jonatas ou&yogh;te in acountis of
the kyng, we withhelden hym.
16 And nowe
sende thou an hundrid talentis of siluer,
and hise twei sones pleggis, that he not
dismyttid fle fro vs, and we schulen a&yogh;ensende
hym.
17 And Symount knew, that
with gile he spak with hym. Netheles he
comaundide the siluer for to be &yogh;ouun,
and children, leste he schulde take grete
enemytee at the puple of Israel, seiynge,
For he sente not to hym siluer and children,
18
therfor he perischide.
19 And he sente
the children, and an hundrid talentis. And
he liede, and dismyttide not Jonathas.
20 And after these thingis Trifon cam with
ynne the cuntre, for to distrie it. And thei
cumpassiden bi the weie that ledith to
Ador; and Symount and his oost walkiden
in to ech place, whidur euere thei
wenten.
21 Sotheli thei that weren in the
hi&yogh; tour, senten legatis to Trifon, for to
haste to come bi desert, and sende to
hem foodis.
22 And Trifon made redi al the
multitude of horse men, for to come in
that ny&yogh;t. Sotheli ther was ful myche
-- --
snow, and he cam not in to Galadithym.
23 And whanne he nei&yogh;ede to Baschama, he
slow Jonathas and hise sones there.
24 And
Trifon turnede, and wente in to his lond.
25 And Symount sente, and took the boonus
of Jonathas, his brother, and biride tho in
Modyn, the citee of hise fadris.
26 And al
Israel biweiliden hym with greet weilyng,
and thei bymourenyde hym many daies.
27 And Symount bildide on the sepulcre of
his fadir and hise britheren an hi&yogh; bildyng
in si&yogh;t, with stoon polischid bihynde
and bifore.
28 And he ordeynede seuene
smale bildyngis, brood bynethe and scharp
aboue, oon a&yogh;ens oon, to fadir, and modir,
and foure britheren.
29 And to these he
puttide aboute grete pilers, and on the
pileris armeris, to euerlastynge mynde; and
bisidis armeris schippis grauun, whiche
schulden be seyn of men seilynge in the
see.
30 This is the sepulcre that Symount
maad in Modyn, til in to this day.
31 Forsothe
whanne Trifon made weie with Antiok,
the &yogh;onge kyng, in gile he slow
hym, and regnyde in his stide;
32 and puttide
on hym the diademe of Asie, and
made greet veniaunce in the lond.
33 And
Symount bildide strengthis of Judee, and
wardide hem with hi&yogh; touris, and grete
wallis, and &yogh;atis, and lockis; and puttide
foodis in strengthingis.
34 And Symount
chees men, and sente to kyng Demetrie,
that he schulde make remyssioun to the
cuntree, for alle dedis of Trifon weren
don bi rauyschyng.
35 And kyng Demetrie
answeride to hym to these wordis, and
wroot suche epistle.
36 Kyng Demetrie to
Symount, hi&yogh;este prest, and frend of
kyngis, and to the eldere men, and folc
of Jewis, heelthe.
37 We resseyueden the
goldun coroun, and baheu note, which &yogh;e
senten, and ben redi for to make with
&yogh;ou greet pees, and for to write to prepostis
of the kyng, for to releesse to &yogh;ou
-- --
what thingis we for&yogh;auen;
38 for what euere
thingis we ordeynen to &yogh;ou, ben stable.
The strengthis that &yogh;e bildiden, be to &yogh;ou;
and we forgyuen ignorances and synnes,
39
til in to this dai, and the coroun that &yogh;e
ou&yogh;ten; and if ony other thing was tributarie
in Jerusalem, now be it not tributarie.
40 And if ony of &yogh;ou ben able for
to be writun togidere among oure men, be
thei writun togidere, and pees be bitwixe
vs.
41 In the hundrid &yogh;eer and seuentithe,
the &yogh;ok of hethene men was takun awei
fro Israel.
42 And the puple began for to
write in tablis, and comyn doyngis, in the
firste &yogh;eer vndur Symount, hi&yogh;este prest,
greet duyk, and prince of Jewis.
43 In tho
daies Symount appliede to Gasan, and
enuyrownyde it with tentis, and made
engines, and appliede to the citee, and
smoot o tour, and took it.
44 And thei that
braken out, weren with ynne the engyne note
in the cite, and greet stiryng was maad in
the cite.
45 And thei stieden vp, that weren
in the cite, with her wyues, and sones, on
the wal, with her cootis kit, and crieden
with greet vois axynge of Symount that
ri&yogh;thondis be &yogh;ouun to hem,
46 and seiden,
&YOGH;elde thou not to vs bi oure malices, but
bi thi mercies, and we schulen serue to
thee.
47 And Symount was bowid, and
fau&yogh;t note not a&yogh;ens hem; netheles he castide
hem out of the citee, and clenside fulli the
housis in whiche weren symylacris, and
thanne he entride in to it with ympnes,
and blesside the Lord.
48 And whanne alle
vnclennesse was caste out therof, he settide
therynne men, that schulden do the
lawe; and he strengthide it, and made an
abitacioun to him.
49 Forsothe thei that
weren in the hi&yogh; tour of Jerusalem, weren
forbodun for to go out and go yn, in to
the cuntre, and bie, and sille; and thei
hungriden greetli, and many of hem perischiden
for hungur.
50 And thei crieden
-- --
to Symount, for to take ri&yogh;t hondis, and he
&yogh;af to hem; and he castide out hem fro
thennus, and clenside the hi&yogh; tour fro
defoulingis.
51 And thei entriden in to it in
thre and twentithe dai of the secounde
monethe, in the hundrid and oon and
seuenty &yogh;eer, with heriyng, and braunchis
of palmes, and instrumentis of musik,
`ether giternys, and cymbalis, and harpis,
and ympnys, and songis, for the greet enemye
of Israel was al to-brokun.
52 And he
ordeynede, that in alle &yogh;eeris these daies
schulden be don with gladnesse.
53 And he
strengthide the hil of the temple, that was
bisidis the hi&yogh; tour, and dwelte there, he,
and thei that weren with hym.
54 And
Symount si&yogh; Joon, his sone, that he was
a man of batel, and he puttide hym duyk
of alle vertues note, and he dwelte in Gasaris.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
