Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 The birthun of the word of the Lord
to Israel, in the hond of Malachie, the
profete.
2 Y louyde &yogh;ou, seith the Lord,
and &yogh;e seiden, In what thing louydist
thou vs? Whether Esau was not the
brother of Jacob, seith the Lord, and Y
louyde Jacob,
3 forsothe Y hatide Esau?
And Y haue put Seir the hillis of hym in
to wildirnesse, and his eritage in to dragouns
of desert.
4 That if Idumee seith,
We ben distried, but we schulen turne
a&yogh;en, and bilde tho thingis that ben distried;
the Lord of oostis seith these
thingis, These schulen bilde, and Y schal
distrie; and thei schulen be clepid termes
of wickidnesse, and a puple to whom the
Lord is wroth, til in to with outen ende.
5 And &yogh;oure i&yogh;en schulen se, and &yogh;e schulen
seie, The Lord be magnefied on the terme
of Israel.
6 The sone onourith the fader,
and the seruaunt schal drede his lord;
therfor if Y am fadir, wher is myn
onour? and if Y am lord, where is my
drede? seith the Lord of oostis. A! &yogh;e
prestis, to &yogh;ou that dispisen my name; and
&yogh;e seiden, Wherynne han we dispisid thi
name?
7 &YOGH;e offren on myn auter vncleene
breed, and &yogh;e seien, Wherynne han we
-- --
defoulid thee? In that thing that &yogh;e seien,
The boord of the Lord is dispisid.
8 If &yogh;e
offren a blynd beest to be sacrifisid, whether
it is not yuel? And if &yogh;e offren a
crokid and sike beeste, whether it is not
yuel? Offre thou it to thi duyk, if it schal
plese hym, ether if he schal resseyue thi
face, seith the Lord of oostis.
9 And now
biseche &yogh;e the cheer of the Lord, that he
haue merci on &yogh;ou; for of &yogh;oure hond this
thing is doon, if in ony maner he resseiue
&yogh;oure faces, seith the Lord of oostis.
10 Who
is `in &yogh;ou that closith doris, and brenneth
myn auter `of his owne wille, ethir
freli? Wille is not to me in &yogh;ou, seith
the Lord of oostis; and Y schal not resseyue
a &yogh;ifte of &yogh;oure hond.
11 For fro rysyng
of the sunne til to goyng doun, my
name is greet in hethene men; and in ech
place a cleene offring is sacrifisid, and
offrid to my name; for my name is greet
in hethene men, seith the Lord of oostis.
12 And &yogh;e han defoulid it in that that &yogh;e
seien, The boord of the Lord is defoulid,
and that that is put aboue is `worthi to
be dispisid, with fier that deuourith it.
13 And &yogh;e seiden, Lo! of trauel; and &yogh;e han
blowe it a wei, seith the Lord of oostis.
And &yogh;e brou&yogh;ten in of raueyns a crokid
thlng and sijk, and brou&yogh;ten in a &yogh;ifte;
whether Y schal resseyue it of &yogh;oure
hond? seith the Lord.
14 Cursid is the
gileful, that hath in his floc a male
beeste, and `he makynge a vow offrith
a feble to the Lord; for Y am a greet
kyng, seith the Lord of oostis, and my
name is dredeful `in folkis.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
