Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. III.
1 And the Lord schewide to me the greet
prest Jhesu, stondynge bifore the aungel
of the Lord; and Sathan stood on his
ri&yogh;thalf, that he schulde be aduersarie to
hym.
2 And the Lord seide to Sathan, The
Lord blame in thee, Sathan, and the Lord
that chees Jerusalem, blame in thee. Whether
this is not a deed broond rauyschid
fro the fier?
3 And Jhesus was clothid with
foule clothis, and stood bifor the face of
the aungel.
4 Which answeride, and seide
to hem that stoden bifor hym, and he
seide, Do &yogh;e awei foule clothis fro him.
And he seide to hym, Lo! Y haue don
awei fro thee thi wickidnesse, and Y haue
clothid thee with chaungynge clothis.
5 And he seide, Putte &yogh;e a clene mytre on
his heed. And thei puttiden a cleene
mytre on his heed, and clothide him with
clothis. And the aungel of the Lord
stood,
6 and the aungel of the Lord witnesside
to Jhesu,
7 and seide, The Lord of
oostis seith these thingis, If thou schalt
go in my weies, and schalt kepe my kepynge,
also and thou schalt deme myn hous,
and schalt kepe my porchis; and Y schal
&yogh;yue to thee goeris, of these that now here
stonden ni&yogh;.
8 Here thou, Jhesu, greet
preest, thou and thi frendis that dwellen
bifore thee, for thei ben men signefiynge
thing to comyng. Lo! sotheli Y schal
brynge my seruaunt spryngynge up, ether
Crist borun.
9 For lo! the stoon which
Y &yogh;af bifor Jhesu, on o stoon ben seuene
i&yogh;en; and lo! Y schal graue the grauyng
therof, seith the Lord of oostis, and Y
schal do a wei the wickidnesse of that
lond in o dai.
10 In that dai, seith the Lord
-- --
of oostis, a man schal clepe his frend vndur
a vyn tre, and vndur a fige tre.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
