Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XI.
1 Thou Liban, opene thi &yogh;atis, and fier
schal ete thi cedris.
2 &YOGH;elle, thou fir tre, for
the cedre felle doun, for grete men ben
distried; &yogh;elle, &yogh;e okis of Basan, for the
stronge welde wode is kit doun.
3 Vois
of &yogh;ellyng of schepherdis, for the greet
worschip of hem is distried; vois of roryng
of liouns, for the pride of Jordan is
wastid.
4 My Lord God seith these thingis,
Fede thou beestis of slau&yogh;ter,
5 whiche thei
that weldiden slowen; and `sorewiden not,
and selden hem, and seiden, Blessid be
the Lord, we ben maad riche. And schepherdis
of hem spariden not hem,
6 and
-- --
Y schal no more spare on `men enhabitynge
the erthe, seith the Lord. Lo! Y
schal bitake men, ech in hond of his
nei&yogh;bour, and in hoond of his kyng,
and thei schulen to-reende togidere the
lond; and Y schal not delyuere fro the
hond of hem,
7 and Y schal fede the
beeste of sleyng. For this thing, &yogh;e pore
men of the floc, here. And Y took to
me twei &yogh;erdis; oon Y clepide Fairnesse,
and the tother Y clepide Litil Corde; and
Y fedde the floc.
8 And Y kittide doun
thre scheepherdis in o monethe, and my
soule is drawun togidere in hem; for
also the soule of hem variede in me.
9 And Y seide, Y schal not fede &yogh;ou; that
that dieth, die; and that that is kit doun,
be kit doun; and the residues deuoure,
ech the fleisch of his nei&yogh;bore.
10 And
Y took my &yogh;erde, that was clepid Fairnesse,
and Y kittide doun it, that Y
schulde make void my couenaunt, that
Y smoot with alle puplis.
11 And it `is led
forth voide in that dai; and the pore
of floc that kepen to me, knewen thus,
for it is the word of the Lord.
12 And Y
seide to hem, If it is good in &yogh;oure i&yogh;en,
brynge &yogh;e my meede; and if nai, reste
&yogh;e. And thei weieden my meede, thretti
platis of siluer.
13 And the Lord seide to
me, Caste awei it to a makere of
ymagis, the fair prijs, bi which Y am
preisid of hem. And Y took thritti
platis of siluer, and Y castide forth
hem in the hous of the Lord, to the
makere of ymagis.
14 And Y kittide doun
my secunde &yogh;erde, that was clepide Litil
Corde, that Y schulde departe the brotherhed
bitwixe Juda and Israel.
15 And
the Lord seide to me, &YOGH;it take to thee
vessels of a fonned scheepherde;
16 for lo!
Y schal reise a scheepherde note in erthe,
-- --
which schal not visite forsakun thingis,
schal not seke scatered thingis, and schal
not heele `the brokun togidere, and schal
not nurische forth that that stondith.
And he schal ete fleischis of the fat, and
schal vnbynde the clees of hem.
17 A! the
scheepherd, and ydol, forsakynge the floc;
swerd on his arm, and on his ri&yogh;t i&yogh;e;
the arm of hym schal be dried with drynesse,
and his ri&yogh;t i&yogh;e wexynge derk schal
be maad derk.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
