Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. V.
1 Preestis, here &yogh;e this, and the hous of
Israel, perseyue &yogh;e, and the hous of the
kyng, herkne &yogh;e; for whi doom is to you,
for &yogh;e ben maad a snare to lokyng afer,
and as a net spred abrood on Thabor.
2 And &yogh;e bowiden doun sacrifices in to
depthe; and Y am the lernere of alle hem.
3 Y knowe Effraym, and Israel is not hid
fro me; for now Effraym dide fornicacioun,
Israel is defoulid.
4 Thei schulen not
&yogh;iue her thou&yogh;tis, that thei turne a&yogh;en to
her God; for the spirit of fornicacioun is
in the myddis of hem, and thei knewen
not the Lord.
5 And the boost of Israel
schal answere in to the face therof, and
Israel and Effraym schulen falle in her
wickidnesse; also Judas schal falle with
hem.
6 In her flockis, and in her droues
thei schulen go to seke the Lord, and thei
schulen not fynde; he is takun awei fro
hem.
7 Thei trespassiden a&yogh;ens the Lord,
for thei gendriden alien sones; now the
monethe schal deuoure hem with her
partis.
8 Sowne &yogh;e with a clarioun in Gabaa,
with a trumpe in Rama; &yogh;elle &yogh;e in
Bethauen, after thi bak, Beniamyn.
9 Effraym
schal be in to desolacioun, in the
dai of amendyng, and in the lynagis of
-- --
Israel Y schewide feith.
10 The princes of
Juda ben maad as takynge terme; Y schal
schede out on hem my wraththe as watir.
11 Effraym suffrith fals chalenge, and is brokun
bi doom; for he bigan to go after
filthis.
12 And Y am as a mou&yogh;te to Effraym,
and as rot to the hous of Juda.
13 And Effraym
si&yogh; his sikenesse, and Judas si&yogh; his
boond. And Effraym &yogh;ede to Assur, and
sente to the kyng veniere. And he mai not
saue &yogh;ou, nether he mai vnbynde the boond
fro &yogh;ou.
14 For Y am as a lionesse to Effraym,
and as a whelp of a lioun to the
hous of Juda.
15 Y my silf schal take, and
go, and take awei, and noon is that schal
delyuere. I schal go, and turne a&yogh;en to my
place, til &yogh;e failen, and seken my face.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
